Bwebwenato ko in Jeje Ko Rekwojarjar

Armej ro Retiljek Rekar Ļoor Jisōs

Riit kōn menin ilo 3 Nipai 17 n̄an 4 Nipai 1.

Kōmeļeļe ko jān Apryl Stott

Ke Jisōs ekar loļo̧k Rinipai ro, E ekar katakin er kōn peptaij im wāween n̄an bōk kwojkwoj eo. Ekar kajutak Kabun̄ eo An.

Jisōs ekar kōjeraam̧m̧an kajjojo ajri. Enjeļ ro rekar itok! Jisōs ekar kōmour armej ro im jar kōn er. Innem E ekar bar jepļaak n̄an lan̄.

Ālkin an kar Jisōs bar jepļaak, armej ro rekar mour wōt kōn ta eo E ekar katakin er kake. Aolep rekar jerbal ippān doon im kar ajije ta eo me ewōr ippāer, kōn menin ekar ejjeļo̧k rekar jeram̧ōļ. Ritōl ro ilo Kabun̄ in rekar kōjeraam̧m̧an ro rinan̄inmej.

Ijjeļo̧k aer dike doon, armej rej kālet n̄an m̧ōttāik doon. Aolep rekar ļoor kien ko an Anij. Im rekar lem̧ōņōņō ium̧win juon tōre eaitok!

Mour eo aō enaaj ļapļo̧k an lem̧ōņōņō n̄e ij ļoor kien ko an Anij. Imaron̄ ajije ta eo ekar wōr ippa n̄an ro jet. Imaron̄ jipan̄ armej bwe reņ m̧ōttāik doon.