Itok, Ļoor Eō: Bok in Mormon
Ewi wāween Aō jar āinwōt an kar Rilo̧mo̧o̧r katakin?
(Jeptōm̧ba 28–Oktoba 11)
Ke Kraist ekar loļo̧k Rinipai ro, E ekar jar kōn er 11 alen. Kōn naan im waanjon̄ak, Ekar katakin er kōn wāween aer aikuj jar. Rikanaan ro ilo raan ko āliktata, rilolo ro, im rikwaļo̧k revelesōn ro rej wōnm̧aanļo̧k wōt n̄an katakin ta eo Rilo̧mo̧o̧r ekar katakin kōn jar. Erkein rej jejjo iaan waanjon̄ak ko:
|
Rilo̧mo̧o̧r eo eaar katakin |
Āliktata, rilolo ro, im rikwaļo̧k revelesōn ko rej katakin |
|
Jar kōn ro jet (lale 3 Nipai 17:14, 17, 21; barāinwōt lale 3 Nipai 18:23) |
“Jar kōn ro jet kōn aolepen ad kajoor enaaj kōļapļo̧k maron̄ eo ad n̄an ron̄ im ļoor ainikien Irooj.”1 |
|
“Ekkōl im jar iien otemjej” (3 Nipai 18:15) |
“Ej kōn jar ilo ikdeleel im bōro em̧ool me jemaron̄ bōk kōjeraam̧m̧an ko jej aikuji im jipan̄ ko remenin aikuj n̄an kōm̧m̧an iaļad jet iien ilo iaļ in me epen im eapan̄ jej ņa etan mour in.”2 |
|
“Kom̧in jar ilo baam̧le ko ami” (3 Nipai 18:21; barāinwōt lale 3 Nipai 17:3) |
“Eļan̄n̄e kwonaaj … [bōk koņaam] ilo jar ko an baam̧le aolep raan, …kwonaaj bōk kōjeraam̧m̧an ko an Irooj kar kallim̧ur kaki n̄an kōkajiririk ro ineem̧ ilo jim̧we.”3 |
|
Jab kowōrļo̧k elōn̄ naan ko (lale 3 Nipai 19:24; barāinwōt lale 3 Nipai 13:7) |
“Jar ko ad rej aikuj ļam waan, kajju, im m̧ool.”4 |
|
“Jar wōt” (3 Nipai 19:26) |
“Jar iien otemjej. Jar ilo kōļmenļo̧kjeņ, ilo buruōm̧. Jar ilo am̧ bukwelōlō. Jar ej juon kii eo am̧ make n̄an lan̄. Ļak eo ej pād ilo turājet eo an rōn̄ōl eo.”5 |