Ekōjkan aō eļļā ioon en̄jake ko an ajimakeke?

Kōļapļo̧k Tōļan ko Am̧

Ikar anjo̧ ioon en̄jake ko in ajimakeke ilo aō kōļapļo̧k tōļan ko aō, men̄e kōn juon kein kōjan̄jan̄, juon men eitok limoū kake, im ko jet. Menin ejipan̄ n̄an kam̧ad eok jān en̄jake in ajimakeke, im jidik kōn jidik enaaj lukkuun jako. Menin enaaj barāinwōt tōl eok n̄an kappukot ro jet ro ewōr ippāer ejja itok limo kein wōt.

Steven H., 12 an iiō, New Mexico, USA

Kappukot Meram eo

Ij kappok jipan̄, naan in kōketak, im iakwe an Jemedwōj Ilan̄ im Jetōb Kwojarjar n̄an letok n̄an eō aenōm̧m̧an, kōjatdikdik im kajoor n̄e ij kōļmenļo̧kjeņ, jar, im riiti jeje ko rekwojarjar. Āinwōt an ba ilo 3 Nipai 11:11, Jisōs Kraist ej “meram eo im mour eo an laļ.” Ekar itok bwe en kōjakoļo̧k aolep marok.

Andrea B., 18 an iiō, Zulia, Venezuela

Tōparļo̧k ro M̧ōttad im Baam̧le eo

N̄e ij en̄jake aō ajimakeke, ikōņaan tōparļo̧k ro m̧ōtta im baam̧le eo aō; elukkuun kōm̧m̧an menin aō m̧ōņōņō. Ij lale kōjeraam̧m̧an ko ilo mour eo aō im kam̧m̧oolol Jemedwōj Ilan̄ kōn jon̄an men ko Ekar litok n̄an n̄a!

Talli N., 16 an iiō, Oregon, USA

Keememej Karōk eo an Anij

Jeļā bwe kōn karōk eo an Anij, eļap tokjed im jejjab make iaad. Jetōb Kwojarjar aolep iien ej pād ippād, im Anij ejeļā ta eo jej apan̄ kake. Irooj ekar dibuk aolep mellijeon̄ im apan̄ ko me kwoj jelm̧aeiki. Juon iaan men ko jej en̄jake ilo mour in ej m̧ōņōņō, ak jejjab maron̄ en̄jake m̧ōņōņō n̄e ejjeļo̧k būrom̧ōj (lale 2 Nipai 2:11). Jar n̄an Anij im kajjitōk kōn jipan̄; E eban likjab jān kōj aolep.

Brock S., 17 an iiō, Utah, USA

Lōke Irooj

Em̧m̧akūt jān ļāmoden n̄an etal n̄an Brazil kōn mijen eo aō ekar pen. Ekar lukkuun pen aō kōnono kajin eo! Ak ikar ekkatak bwe eļan̄n̄e epād Jetōb eo an Irooj ippam̧, kwojāmin en̄jake ajimakeke. E ejeļā kwe im enaaj jipan̄ eok aolep iien. Lōke E!

Elder Joseph Tolen, 20 an iiō, Brazil Campinas Mission