Bōbrae Jān Ko̧kkure

Ilo juon jem̧jerā ewāmourur, armej rej joļo̧k aer bōd kōn naan ko relej im kōm̧m̧an ko im rej pedped wōt ioon kajoor in pinmuur eo an ad Rilo̧mo̧o̧r n̄an jipan̄ er em̧m̧anļo̧k im ukweļo̧k. Ak ilo jekjek ko rejjab wāmourur/, armej rej wōnm̧aanļo̧k wōt im jab jouj n̄an ro jet, im jem̧jerā ko remaron̄ oktak n̄an ko̧kkure.

“[Ko̧kkure im ko jet] me en̄jake ko rekōmetak ejjeļo̧k jikier ilo aelōn̄ in kiin̄ eo an Anij,” Būreejtōn Russell M. Nelson ekar katakin (“Mennin Aorōk ilo Jetōb,” Oktoba 2019 kweilo̧k eo eļap). Jejjo bwebwenato ko ilo māākjiin ko an Kabun̄ in ilo allōn̄ in enaaj jipan̄ kōj kile im kōnono kōn ko̧kkure:

• Ilo bwebwenato eo aō ilo peij 8, ij kōnono kōn kadkadin ko̧kkure ko im kalikkar kein jipan̄ ko jet n̄an jipan̄ eok ak armej ro kwojeļā kajjier n̄an kile im bōk kōmour jān jemjerā ko elōn̄ ko̧kkure ie.

• Ilo peij 58 juon jiron̄ ej kwaļo̧k juon an en̄jake kōn aer kar ko̧kkure ilo mour ettoon ke ekar juon ajri im wāween an kar maron̄ lo peran im kajoor n̄an kōnono kake im kappukot jipan̄ jān rūtto ro ej lōke er im Rilo̧mo̧o̧r eo.

• Ilo allōn̄ in Eo Jera ilo peij F12, kwomaron̄ lo juon m̧akūtkūt ak ikkure in jeje n̄an jipan̄ kōnono kōn “ba jaab” ippān ajri ro nejūm̧. Ļōmņak n̄an kōjerbal m̧akūtkūt ak ikkure in āinwōt juon katak emakijkij kōm̧m̧an ilo nokon in jota an baam̧le n̄an bōbrae jān ko̧kkure.•Ko̧kkure ilo en̄jake emaron̄ kōmettak āinwōt kain ko̧kkure ko jet. Riiti “Kile Ko̧kkure ilo En̄jake” ilo jeje ko ilo digital an bok in n̄an ekkatak jeļā ļōlem kōkkaļļe in kakkōļ ko im wāween bōk jipan̄

Eļan̄n̄e kwoj juon eo kwaar metak, komaron̄ oktakļo̧k n̄an Anij kōn tōl im kōmour im barāinwōt kappukot jipan̄ jān kajjojo armej ro kwoj lōke er. Irooj ej meļeļe ta eo jej en̄jake, im Enaaj tōl kōj n̄an kōjparok im lan̄lōn̄ ilo ad oktakļo̧k n̄an E.

Kōm̧m̧an bwe jen aolep en̄jake iakwe eo an Anij im kappukot E n̄an jipan̄ aolep raan.

Jason Whiting, PhD

Brigham Young University School of Family Life