Rūm̧m̧an Ded ro
7 Ļōmņak ko n̄an Anjo̧ Ioon Alooj Pija ko Renana
Rijeje eo ej jokwe ilo Utah, USA.
Ilo aō jerbal ippān rūm̧m̧an ded ro n̄an kajjieon̄ jipan̄ kaanjo̧ik er jān alooji pija ko renana, ikar lo jet iaan ļōmņak ko me kwomaron̄ barāinwōt lo an lukkun jipan̄.
Stick figure art jān Getty Images
Ke kar kajenoļo̧k eō āinwōt juon bisop ilo juon ward an rūm̧m̧an ded ro ejjeļo̧k pāleer, ekar wōr juon ļain in rūm̧m̧an ded ro rej jutak inabōj in kōjem̧ eo kōttar n̄an aer kajjojo n̄an kōnono ippa. Kwojeļā ta kōm kar ekkōnono kaki ilo intōrpiu eo kein kajuon?
Pija ko renana.
Im ālkin iiō ko jilu tokālik, kajjieon̄ jipan̄ rūm̧m̧an ded ro anjo̧ ioon juon imminene epen kantūrooļe ekar juon m̧ōttan eo eļap ilo kūr eo aō, kōn menin ikar aikuj ekkatak jon̄an eo imaron̄e. Ikar jitlo̧k, jar, pād ilo tampeļ, bōk kapilōk ippān ritōl ro, etale aolep kein jipan̄ ko elōn̄, pād ilo kūlaaj in anjo̧ jān an̄n̄ūrlep, im ekkatak jān ro rej kajjieon̄ in anjo̧ jān an̄n̄ūrlep. Ikōņaan kwaļo̧k ļōmņak jejjo ļōmņak ko reobrak kōnkōjatdikdik kōn ta eo ikar ekkatak.
1. Jeļā Bwe Kwoj juon Nejin Jemed im Jined wōj Ilan̄ ro Rej Iakwe Eok
Eļan̄n̄e kwoj jerbal n̄an anjo̧ jān kōjerbal pija ko renana me epen kantōrooli, kwomaron̄ en̄jake am̧ ettoļo̧k jān Jemedwōj Ilan̄ kōnke kwoj ļōmņak kwojjab erreo n̄an iakwe ak jipan̄ m̧ae kwonaaj anjo̧. Lukkuun men eo in me Setan ekōņaan—n̄an kattoļo̧k eok jān jabdewōt ro rej iakwe eok kōn ļōmņak in bwe kwomaron̄ anjo̧ ioon pija ko renana ippam̧ make innem kwonaaj erreo n̄an en̄jake iakwe.
Kōn piktokim ekwojarjar, kwonaaj aolep iien erreo n̄an bōk kōjatdikdik, im̧we, im revelesōn eo am̧ make jān Jemedwōj Ilan̄ im kajoor in kōmour eo an Jisōs Kraist n̄an anjo̧ ioon pija ko renana.1 Jab kattoļo̧k eok make jān Er ak jān armej ro rej iakwe eok.
2. Joļo̧k Jook
Iaar ekkatak bwe joļo̧k jook eaorōk n̄an anjo̧ ioon pija ko renana. Jook ej en̄jake āinwōt erub buruōd, jorrāān, ak juon armej nana. Tōmake ļōmņak in kakkure kein kōn kwe make emaron̄ dāpij eok ilo doulul in an̄n̄ūrlep. En̄jake liājlōļ kōn juon men kwar kōm̧m̧ane eaorōk n̄an jerbal in ukweļo̧k im emaron̄ jipan̄ eok ukot m̧wilim. Ak jook ej kōm̧m̧an bwe kwon en̄jake āinwōt aolepān kadkadim enana im bwe kwojjab ekkar n̄an an Rilo̧mo̧o̧r jipan̄ eok.2
Jemedwōj Ilan̄ ekōņaan bwe kwon obrak kōn kōjatdikdik ilo Jisōs Kraist im kōjeraam̧m̧an ko an Pinmuur eo An. Jook ej kalimjōk likļo̧k mour eo am̧ im dāpij eok ilo juon aet in riab im bere kōj make. Jouj im kattoļo̧k eok jān mour in jook.
3. Jab M̧ōkaj in Kōjerbal Jon̄o̧k in “An̄n̄ūrlep”
Elōn̄ armej rej kōjeņoļo̧k er āinwōt “an̄n̄ūr” pija ko renana. Ij kakkōl eok n̄an jab bōk jon̄o̧k in ilo bōd. Eiten aolep rūm̧m̧an ded ro rej apan̄ kōn pija ko renana rejjab lukkuun an̄n̄ūri.3 Im n̄e ebōd kōjerbal lābōļ in emaron̄ kōm̧m̧an bwe en pen n̄an kōjem̧ļo̧k kōjerbal pija ko renana kōnke rejook, edikļo̧k kōjatdikdik, im bere kōj make ej itok ippān tok.
4. Ejaake juon Karōk n̄an Je Kein Bōbrae ko Am̧ Make
Karōk in bōbrae juon make ej juon pepa jilu-m̧ōttan ko ie me emaron̄ jipan̄ eok anjo̧ jān pija ko renana.
Paat 1: Kōllaajrake m̧ōjņo̧ ko am̧. Mōjņo ko ad ej bun̄tōn eo jinointata ilo doulul in me ej tōl n̄an alooje pija ko renana.
Ewōr jet un ko n̄an m̧ōjņo̧ ko ad:
-
Pedped ioon jekjek eo: peļaak ko me rej ejaake juon mejatoto in kōn ļōmņak ko etto ak m̧wil (āinwōt pād ilo ejja ruum̧ eo ak juon iien ilo raan.)
-
Inepata/mijak/ajimakeke/m̧akūtkūt ko rekauwōtata: en̄jake ko reppen ak jekjek ko me rej kōm̧m̧an bwe kwon oktakļo̧k n̄an pija ko renana āinwōt juon wāween n̄an ko im kōmadmōdi en̄jaake kein
-
Loļo̧kjeņ: ej bokļo̧k eok ilo am̧ jab jeļā n̄an juon men eo me ejjab pija ko renana ak rej jino kōjjerak emaron̄ ilo social media, pijaan alooj ko, pija ko, im ko jet.
Paat 2: Kōm̧m̧ane juon karōk n̄an kadikļo̧k m̧ōjņo ko ad
N̄an waanjon̄ak, eļan̄n̄e ewōr juon am̧ m̧ōjņo̧ ilo men ko rej waļo̧k āinwōt kwōj en̄jake an pidodo am̧ po ilo lukwōn bon̄, kune taļeboon eo am̧ 30 minit ko m̧okta jān iien kiki ak kiki ilo ruum̧ eo am̧ ak en jab ped taļeboon eo am̧ ie. Eļan̄n̄e pija ko renana ej juon wāween me kwoj jelm̧ae en̄jake ko reppen, kappukot wāween ko n̄an em̧m̧anļo̧k am̧ madmōdi en̄jake kein. Kōmourrur ilo ānbwin emaron̄ ke ak kejakļo̧kjeņ jipan̄ kadikļo̧k am̧ inepata ak mijak? Iiaiio ippān ro m̧ōttam̧ ak deļon̄e kūlaaj in institute emaron̄ ke kadikļo̧k ajimakeke? Ļōmņak kōn ta eo kwoj apan̄ kake im ta kāālet ko emaron̄ lukkuun jipan̄ eok.
Barāinwōt, jab kadik aurōk eo an kein jipan̄ ko ilo jetōb. Jar, riit jeje ko rekwojarjar, jerbal in jipan̄, im pād ilo kabun̄ in tampeļ rej kein jerbal ko rekajoor me reaorōk n̄an kadikļo̧k m̧ōjņo̧ ko im jipan̄ eok kajoor wōt.
Paat 3: Karōk ta eo kwonaaj kōm̧m̧ane n̄e kwoj kōņaan alooje pija ko renana. N̄an kajjojo iaan m̧ōjņo̧ kein am̧, je jet karōk ko me elōn̄ bun̄tōn ko ie.
N̄an waanjon̄o̧k, n̄e kwokōņaan, kwomaron̄ m̧ōkaj im kune taļeboon eo am̧ , jeje ak ko̧o̧ļe juon armej, etal im etetal ak kōmourrur ilo ānbwin, riit jān Bok in Mormon, ak kōm̧m̧an jabdewōt men me ejipan̄ eok kajim̧we ļōmņak ko am̧.
Je bun̄ton̄ ko me rejerbal n̄an kwe! Jet iien m̧ōjņo̧ ko rej karūj kōņaan ko ad renij make jakoļo̧k ak jejjab kōm̧m̧ani aolepen bun̄tōn kejparok ko am̧. Ak bun̄tōn ko am̧ emaron̄ jipan̄ kattoļo̧k eok jān iien rōt ko. N̄e kwoj anjo̧ jān en̄jake in kōņaan kōm̧m̧ane, ļoor karōkin bōbrae eo kōn ta eo rekkar im wāween an maron̄ oktak ilo jejjetin bar juon iien. Likūt ijo kwomaron̄ loe aolep raan.
5. Meļeļe kōn Iien Anjo̧ im Iien Jab Anjo̧
Iien anjo̧ ej ijo kwoj pok ie, ak kwon m̧ōkaj am̧ anjo̧ im kōjerbale āinwōt juon kein ekkatak n̄an kōkm̧anm̧anļo̧k karōk in bōbrae eo am̧. Iien Anjo̧ ej ijo kwoj ebbwer, kōm̧mane eļap jān jon̄an, im jab kea.
Jeļā bwe bar tuppo̧k ej m̧ōttan kōkm̧anm̧anļo̧k karōk in bōbrae eo am̧. Jab likit ilo jem̧ļok bwe em̧ōj am luuji aolepen wōnm̧aanļo̧k eo am̧ ak aolepen jerbal ko kwar kōm̧m̧ani ejjeļo̧k tokjeer—kōnke reļļap tokjeer. Reim̧aanļo̧k kōn juon m̧wil em̧m̧an im jeļā bwe kwoj juon raan epaakeļo̧k n̄an am̧ mour ak bōk kōmour.
N̄e kwoj bar tuppo̧k, kajjitōkin eok make:
-
Ta eo eaar waļo̧k?
-
Etke eoktak men eo ekar kōm̧m̧an bwe in kōnaan?
-
Ejet am̧ inepata raan kein? Ejet en̄jake ko am̧?
-
Ilo am̧ jab ekkatak jeje ko rekwojarjar ej ke kōm̧ōjņo̧ik eok?
-
Kwojan̄in ke kōmourur ānbwin tōre kein?
-
Ewōr ke juon men ilo karōk in bōbrae eo am̧ ejjab lukkuun ļap an jipan̄?
-
Ta eo oktak komaron̄ kōm̧m̧ane tok ālik?
Je ta eo kwoj ekkatak im wōnm̧aanļo̧k wōt!
6. Tōmak ilo Kajoor in Kōmour eo an Rilo̧mo̧o̧r
Jisōs Kraist emaron̄ jipan̄ eok ilo am̧ eddōkļo̧k ilo wāween ukweļo̧k, im E ewōr an kajoor n̄an kamaron̄ eok ilo am̧ kajjieon̄ anjo̧ ioon pija ko renana. Emeļeļe wāween ewi am̧ en̄jake im ej kōttar n̄an bōk eddo eo jān eok. Jab ļōmņak bwe oktakļo̧k n̄an E ej kōļapļo̧k eddo ko An. Em̧ōj An kadede kōļļāik wōņeen n̄an kwe. Ijeļo̧kin, kōm̧m̧ane ijo koņaam̧, itok epaakeļo̧k Rilo̧mo̧o̧r, im kajjitōk Ippān n̄an jipan̄ eok bōk kōmour, n̄an ukōt ikdeleel ko am̧, im lewaj n̄an eok eļap kajoor n̄an wōnm̧aanļo̧k wōt.
Ilo an Elder Ulisses Soares jān Doulul eo an Jon̄oulruo Rijilōk ro kar katakin: “Ilo ad wōnm̧aanļo̧k wōt im kate kōj n̄an anjo̧ ioon idajon̄jon̄ ko, Anij enaaj kōjeram̧m̧an kōj kōn menin letok ko an tōmak n̄an bōk ājmour im kōn jerbal in menin bōlōn̄ ko. Enaaj kōm̧m̧ane n̄an kōj ta eo jejjab maron̄ n̄an kōm̧m̧ane n̄an kōj make.”4
7. Jab Kōm̧m̧ane Menin Make
Koneekjen im jemjerā remaron̄ bar lewaj kajoor im jipan̄ bwe kwon tōprak. Ej aikuj wōr juon armej eo emaron̄ jipan̄ eok bōk eddo n̄an kwe make im lo eok ilo iien ko rem̧m̧an n̄an kwe im iien ko eļap aer em̧m̧an. Rej aikuj jipan̄ eok ilo aer jab ekajet e eok. Im kwomaron̄ barāinwōt leļo̧k ejja jipan̄ in wōt n̄an er. Kappukot kapilōk jān ritōl ro ilo Kabun̄ in ak ro uwaan baam̧le ko. Im eļan̄n̄e emenin aikuj, juon rikakpilōklōk eo etijem̧ļo̧k ikkijeen ājmour ilo kōļmenļo̧kjeņ emaron̄ jipan̄ eok lo un ko em̧ōj kalikkari unin am̧ maron̄ apan̄ kōn pija ko renana.
Keememej Bwe Kom̧ ej Pāāren ro im Ritōl ro an Ilju
Kwoj epepen eo jinointata kwoj kōjeikiik 24/7 deļon̄e pija ko renana. Ij tōmak apan̄ in ej ijo eutiej tata ilo epepen eo ami kōnke enaaj wōr ippami kein jerbal ko rem̧m̧an im māletlet n̄an tōl ro jet jān ak kattoļo̧k er jān aujiid in n̄e kom̧ naaj erom̧ pāāren ro ak ritōl ro juon raan. “Jemedwōj Ilan̄ ekar likūt kōj n̄an laļ in n̄an likjab ak n̄an tōprak ilo aibojooj.”5
Men̄e wāween kein remaron̄ jipan̄ ilo kijejeto ko am̧ n̄an anjo̧ jān pija ko renana, jab mijak n̄an barāinwōt oktaļo̧k n̄an kein jipan̄ ko jet. Iaļ eo an aolep n̄an anjo̧ jān pija ko renana reoktak jān doon. Kappukot ta eo ej jipan̄ eok. Jab Ebweer Juon ilo̧k juon ilo juon iien. Komaron̄ kōm̧m̧ane menin. Mool Kwomaron̄(lale Phillipi 4:13). Im kwonaaj erom̧ wōn eo kwonaaj aikuj kar erom̧.