Ewi wāween ad maron̄ en̄jake kajoor in kōmour eo an Kraist?

(Jeptōm̧ba 28–Oktoba 11)

How can we experience the healing power of Christ

Ilo iien kwaļo̧k eo an Jisōs Kraist n̄an Rinipai, Ekar kwaļo̧k iakwe eo An eļap im kajoor in kōmour eo An n̄an aolep ro rekar itok n̄an E. Ta eo jemaron̄ ekkatak jān en̄jake ko an Rinipai ro ippān Rilo̧mo̧o̧r?

Melijon̄ an Rinipai ro

Bukwi iiō ko m̧okta jān itok eo an Kraist rekar poktak. Rinipai ro rekar niknik im kijenmej:

Jum̧ae kien(lale 3 Nipai 7:1–4).
Nana im Kajjōjō ko (lale 3 Nipai 2:3, 7:7).
Ekajet ko Rejjab Jim̧we kōn Taitōļ ko an Armej (lale 3 Nipai 6:10–14).
Jum̧ae Kabun̄ (lale 3 Nipai 1:9).
Pata (lale 3 Nipai 2:17).
Jorāān ko an laļ ium̧win raan ko jilu in an marok (lale 3 Nipai 8).

Iien kwaļo̧k naan eo an Kraist n̄an Rinipai ro

Ke Rilo̧mo̧o̧r ekar waļo̧k n̄an Rinipai ro, E ekar karuwaineneik aolep ro rekar “m̧ōjņo̧ ilo jabdewōt wāween” (3 Nipai 17:7) n̄an wōnm̧aantak im bōk kōmour. Kūr eo An ekar erļo̧ke ilōn̄ļo̧k melijon̄ ko me Rinipai ro rej jelm̧aeiki ilo iien eo. Ej jerbal n̄an kinej ko loi im jab loi me emaron̄ kar wōr ippān Rinipai ro ilo aolepān mour ko aer. Jisōs Kraist ekar kōmour “er otemjej” (3 Nipai 17:9) im jerbal in karejar n̄an er “juon ilo̧k juon” (3 Nipai 17:21).