Jutak ioon Ejm̧aan in Revelesōn
Lawrence E. Corbridge
Uwaan Jiljilimjuonn̄oul eo Ejem̧ļo̧k an Jerbal
Jān juon kōnono ilo juon nokon, “Stand Forever” kar kōm̧m̧ane ilo Brigham Young University ilo Jānwōde 22, 2019.
Ilo ad ekkaļ ioon ejm̧aan in revelesōn, jemaron̄ lo uwaak ko n̄an kajjitōk ko raorōktata.
Kōmļeļe ko jān Micheal Dziekan
Āinwōt m̧ōttan ļo̧k jerbal in ijjitōn ko aō ke ikar Rioutiej an Kabun̄ in jejjo iiō remootļo̧k, ikar riiti elōn̄ kein ekkatak ko me rej jum̧ae Kabun̄ eo an Jisōs Kraist im Armej ro Rekwojarjar ilo Raan Ko Āliktata, Rikanaan Josep Smith, Bok in Mormon, im m̧akūtkūt ko an Jepļaaktok eo. Jān iien eo ijjitōn̄ in ekar oktak, ikar jab oktakļo̧k n̄an jekjek ko renana.
Ilo aō kar riiti kein ekkatak ko aolep iien ekar kōm̧m̧an bwe in en̄jake būrom̧ōj, im juon raan en̄jake in būrom̧ōj in ekar im̧we eō n̄an je jet uwaak n̄an aolep naan in kōnana im naan in jum̧ae ko. Ikōņaan kwaļo̧k jet iaan ļōmņak ko ikar rekooti raan eo, im men̄e ta eo ikar je ekar n̄an em̧m̧an eo aō, ij kōjatdikdik enaaj barāinwōt jipan̄ eō.
Jenaaj Ke Jutak Pen n̄an Indeeo?
Rikanaan Daniel eaar ba bwe ilo raan ko āliktata “Anij in lan̄ enaaj kajutak juon aelōn̄ eo e ban jako indeeo: im aelōn̄ in re ban leļo̧k n̄an armej ro jet, ak enaaj kapedakilkil im ko̧kkure aolep aelōn̄ kein, enaaj jutak n̄an indeeo” (Daniel 2:44).
Aelōn̄ in kiin̄ an Anij ej Kabun̄ eo an Jisōs Kraist im Armej ro Rekwojarjar ilo Raan Ko Āliktata. Enaaj “jutak n̄an indeeo.” Kajjitōk eo ej, Kwe im n̄a jenaaj ke jutak pen ak “[kom̧] barāinwōt kōņaan ilo̧k ke?”” (Jon 6:67). Im eļan̄n̄e jenaaj ilo̧k, jenaaj etal n̄an ia?
Riab ej juon Kōkaļļe in Raan kein Ad
Ke Irooj ekar kōmeļeļeiki jain ko an Itok eo An im jem̧ļo̧kin laļ in. Ekar ba elōn̄ men ko, ekoba tariņae im naan kōn tariņae ko, aelōn̄ in kiin̄ ņae aelōn̄ in kiin̄, n̄ūta, nan̄inmej ko, m̧akūtkūt in laļ, im elōn̄ kōkaļļe ko jet, ekoba menin: “Bwe kraist waan renaaj waļo̧k im ro ri kanaan waan, im renaaj kōm̧m̧an kakōļļe ko reļap im men in bwilōn̄ ko, bwe, eļan̄n̄e remaron̄, ren kejebwābweik ro ri kāālōt” (Josep Smith—Matu 1:22; bar lale Matu 24:24).
Ijjab lukkuun jeļā kōn aolep men ko ļōmņak in kōn jon̄an em̧m̧an in “eļan̄n̄e re maron̄, ren kejebwābweik ro ri kāālōt,” ak ij ļōmņak meļeļein, emaron̄ bar, bwe aolep armej naaj idajon̄jon̄ er ilo raan kein ad.
Elōn̄ ro rej m̧oņ, im elōn̄ kain m̧oņ ko. Ilo juon wāween jej ioon ro rej jum̧ae Jepļaaktok eo, Rikanaan Josep Smith, im Bok in Mormon. Tokālik jej lo bwe ro rej tōmak ilo Jepļaaktok eo ak rej kōnanaik Kabun̄ in bwe elikjab im rekar eļļo̧k jāne. Jet rej tōmak ilo Jepļaaktok eo ak rej kāreiki katak ko n̄an katak bajjōk ko me rejjab m̧ool an raan kein. Jet ilo an ejjeļo̧k aer mālim rej likūt rej ello visōn, ettōņak, im lotok ko an jetōb n̄an tōl Kabun̄ in, tōl kōj n̄an ijoko routiej ļo̧k, ak kōpooj Kabun̄ in n̄an jem̧ļo̧kin laļ in. Ro jet repo ilo riab kōn jetōb ko rereiab.
Ilo bar juon wāween m̧o̧ņ jepād ilo juon laļ eo ekapokpok im ekapopo. Ejjan̄in kar wōr meļeļe eļapļo̧k, likjab ilo meļeļe, jabwe meļeļe; eļap m̧weik, kein kapeel ko raan kein, im game ko; im elōn̄ bar kain men ko kwomaron̄ kōm̧m̧ani, jikin ko etal n̄ani, im men ko n̄an alooji im kōm̧m̧ane n̄an kaboub kōj make im kōttoļo̧k kōj jān ta eo eļaptata an aorōk. Im aolepāier im elōn̄ļo̧k em̧ōkaj aer ajedeed ilo aolepān laļ in kōn kein jerbal ko raan kein ak media ko. En̄in ej raan in m̧oņ.
Jeļāļo̧kjeņ Elukkuun Aorōk
M̧ool ko rej kamaron̄ kōj bwe jen loļo̧kjeņ ilo allikar kōnke ej “jeļāļo̧kjeņ kōn men ko āinwōt aer kiiō, im āinwōt aer kar waļo̧k, im āinwōt aer naaj waļo̧k tokālik” (Katak im Bujen Ko 93:24 Jeļāļo̧kjeņ elukkuun aorōk n̄an anjo̧ ioon m̧oņ, n̄an jeļā kāālet ikōtaan m̧ool im bōd, n̄an loļo̧kjeņ ilo alikkar im pukot juon iaļ n̄an anjo̧ ioon kauwōtata ko an raan kein.
Rikanaan Josep Smith ekar ba: “Jeļāļo̧kjeņ ej menin aikuj n̄an mour im mour āinwōt Anij. … Jeļāļo̧kjeņ ej Revelesōn. Ron̄jake … ki in eļaptata: jeļāļo̧kjeņ ej kajoor an Anij n̄an lo̧mo̧o̧r.”1
Armej rej ba, “Kwoj aikuj m̧ool n̄an tōmak eo am̧.” Ilo an menin m̧ool, kwojjab maron̄ em̧m̧anļo̧k jān jon̄an eo kwojeļā. Elōn̄ iaad rej pedped ioon tōmak ko ad, eļaptata ta eo jej tōmak bwe en ad make itok limo. Būrabōļōm eo, elōn̄ men jej likjab kaki.
Jet armej remaron̄ tōmak ilo Anij im pija ko renana rejjab em̧m̧an ak rej kōpeļļo̧ki wōt website ko an pija ko renana, ebōd aer tōmak bwe jenaaj em̧ōņōņō ļo̧k eļan̄n̄e rej kōm̧m̧an ak rejjab maron̄ kōjekdo̧o̧n ak jiped e ak rejjab kōmetak jabdewōt. Rebōd ilo ļōmņak in.
Ro jet remaron̄ tōmak bwe ebōd n̄an riab ak rej riab jet iien, ebōd aer tōmak ke renaaj em̧m̧an ļo̧k eļan̄n̄e ejjab alikkar m̧ool eo. Rebōd ilo ļōmņak in.
Juon armej emaron̄ tōmak im barāinwōt jeļā bwe Jisōs Kraist ej Kraist im ej kaarmejete wōt E ejjab juon kōttan ak jilu kōttan kōn tōmak eo elikjab me enaaj em̧m̧anļo̧k kabun̄ buruōn armej. Piter ekar jab juon eo enana. Ijjab lukkuun jeļā n̄e ekar m̧ōjņo ilo jetōb. Ekar bōd ilo kōm̧m̧an eo an. (Lale Matu 26:34, 69–75.)
N̄e jej kōm̧m̧an jerbal ko renana, jemaron̄ ļōmņak jenana, ak ilo m̧ool ebōd ad ļōmņak. Apan̄ eo ejjab lukkuun kiil kōta eo ikōtaan m̧akūtkūt ko ad im tōmak ko ad; ijjeļo̧kin, apan̄ eo ej kiil kōta eo ikōtaan tōmak ko ad im m̧ool eo.
Ekōjkan ad kiil kōta eo? Ekōjkan ad kōjekdo̧o̧n m̧oņ?
Kajjitok ko raorok im Kajjitōk ko Rejjab Lukkuun Aorōk.
Elōn̄ kajjitōk ko raorōk im elōn̄ kajjitōk ko rejjab lukkuun aorōk. Jino ilo ad uwaaki kajjitōk ko raorōk m̧okta. Kajjitōk ko raorōk relukkuun aorōktata. Elōn̄ Eaorōk kōm̧m̧an kajjitōk, eļaptata kajjitōk kein raorōk. Inaaj kwaļo̧k emān.
-
Ewōr ke Anij eo ej Jemed?
-
Jisōs Kraist ej ke Nejin Anij, Rilo̧mo̧o̧r an laļ?
-
Josep Smith kar ke juon rikanaan?
-
Kabun̄ eo an Jisōs Kraist im Armej ro Rekwojarjar ilo Raan Ko Āliktata ej ke aelōn̄ in kiin̄ eo an Anij ioon laļ in?
N̄an keidi, kajjitōk ko rejjab lukkuun aorōk ejjeļo̧k jem̧ļo̧kier. Rej kobaik kajjitōk ko kōn Bwebwenato ko an Kabun̄ in, m̧are elōn̄ jān juon, armej in Africa im priesthood eo, kōrā im priesthood eo, ukook eo an Bok in Mormon, Bōōr eo Eļap Wōņeen, DNA im Bok in Mormon, m̧are kōrā n̄an kōrā ak m̧aan n̄an m̧aan, bwebwenato ko roktak kōn Visōn eo Kein Kajuon, im ko jet.
Eļan̄n̄e kwonaaj uwaaki kajjitōk kein raorōk, kajjitōk ko rejjab lukkuun aorōk rej barāinwōt uwaak, ak rej lukkuun aorōk ilo kōļmenļo̧kjeņ. Uwaak kajjitōk ko raorōk, komaron̄ kōm̧m̧ani men ko komeļeļe kaki im men ko kwojjab im men ko kwoj errā kaki im men ko kwojjab errā kaki ilo am̧ jab elļo̧k jān Kabun̄ in.
Wāween eo Ekwojarjar n̄an Ekkatak
Elōn̄ wāween ko rokkōtaktak n̄an ekkatak, ekoba scientific, analytical, im academic, im wāween ko rekwojarjar. Aolep wāween ko emen remenin aikuj n̄an jeļā m̧ool eo. Rej aolep jino kōn juon wōt kain wāween: kōn juon kajjitōk. Kajjitōk ko relukkuun aorōk, eļaptata kajjitōk ko raorōk.
Wāween eo ekwojarjar n̄an ekkatak ko rekwojarjar ekoba men ko jet ilo wāween ko jet ak āliktata ej eļļā ioon aolep men otemjej ilo aer maron̄ tōpar kajoor ko an lan̄. Āliktata men ko an Anij ralikkar kōn Jetōb an Anij, eo me ekkā an ainikien eo edik, im elur. Irooj ekar ba, “Anij enaaj lewōj n̄an eok jeļāļo̧kjeņ jān Jetōb Kwojarjar eo An, aeet, jān mennin letok eo jab maron̄ kōmeļeļeiki an Jetōb Kwojarjar” (Katak im Bujen Ko 121:26).
Rijilōk Paul ekar katakin bwe armej rej jeļā wōt kōn men ko an armej im men ko an Anij armej rejjab jeļā kaki eļan̄n̄e ejjab jān Jetōb an Anij (lale 1 Korint 2:9–11; barāinwōt lale Ukook eo an Josep Smith, 1 Korint 2:11). Ekar ba, “A armej ilo biktoken e jab bōk men ko an Jetōb an Anij: bwe re men in bwebwe ippān.” Je loe menin aolep raan. Paul ekar wōnm̧aanļo̧k wōt, “E jab maron̄ in jeļā, bwe re meļeļe kōn Jetōb” (1 Korint 2:14).
Ilubwiljin būrabļōm ko jej jeļmaiki ilo mour in, men ko raorōk tata ilubwiljier ak edik tata meļeļe kaki. Jān wāween eo eoktak jān an lale, men eo em̧m̧antata jān jekjek ko an armej, ejjab jān m̧weie, bun̄bun̄, ļap kautiej n̄an kōj, ājmour eo ad, nōbar ko jān armej, ak kōjparok. Nana tata eo ilo jekjek ko armej repād ie ekkā an waļo̧k: ej n̄an mej ilo jetōb. Ej n̄an kōjepelļo̧k kōj jān im̧aan mejān Anij, im ilo mour in, Im̧aan Mejān ej Jetōb in Kajoor eo An.
Ilo bar juon wāween, em̧m̧an tata eo ilo jekjek ko armej repād ie ejjab kōn m̧weie, bun̄bun̄, peran, ājmour, im kautiej armej, innem̧m̧an, ak kūrāāt ko am̧ rem̧m̧an. Em̧m̧an tata kōn jekjek ko armej repād ie ej n̄an ekkeijel kōn kajoor in lan̄. Ej n̄an bar ļotak, n̄an bōk menin letok eo im jem̧jerā eo an Jetōb Kwojarjar, eo me ej kein jipan̄ an jeļāļo̧kjeņ, revelesōn, kajoor, alikkar, iakwe, lan̄lōn̄, aenōm̧m̧an, lōke, tōmak, im aolep me ko jet me rem̧m̧an.
Jisōs ekar baba, “A Ri Kaaenōm̧m̧an, E Jetōb Kwojarjar, … Enaaj katakin kom̧ men otemjej.”” (Jon 14:26). Im jān kajoor eo an Jetōb Kwōjarjar kom̧ maron̄ jeļā m̧ool eo an men ko otemjeļo̧k” (Moronai 10:5). “Enaaj kwaļo̧k … [n̄an kōj] aolep men ko … [kom̧ij] aikuj kōm̧m̧an” (2 Nipai 32:5). Ej juon jikin an dān toorļo̧k “dānin mour” eo me ej boktok n̄an kōj mour indeeo (Jon 7:38; barāinwōt lale eoon 37).
Kōm̧m̧an jabdewōt men n̄an tōprak, ineek jabdewōt eddodo ko kwoj ineeki, im kōm̧m̧an jabdewōt kaarmejet kwoj aikuj kōm̧m̧ani n̄an bōk im dāpij ilo mour eo am̧ im kajoor eo an Jetōb Kwojarjar. Aolep men ko rem̧m̧an rej pedped wōt ioon bōk im dāpij kajoor eo an Jetōb Kwojarjar ilo mour eo am̧.
“Men eo Ejjab Kōketak”
Kōn menin, ta eo ekabūrom̧ōjm̧ōj ikar en̄jake jejjo iiō remootļo̧k ke ikar riit kein ekkatak ko me rej kōnana im jum̧an Kabun̄ in. Jet rej ba bwe būrom̧ōj eo ej itok jān likjab in tōmak, eo me in jum̧ae ko, eo me Ļōmņak eo bwe aolep men juon ekar tōmake im kar katakin emaron̄ bōd, ļaptata n̄e ej ejjeļo̧k tōprakin, ej juon ļōmņak eo ekabūrom̧ōjm̧ōj im ekaapbōņōņō ilo m̧ool.
Ak būrom̧ōj eo ikar en̄jake ke ikar ron̄jkae kurup in armej ro me rej kajirere Rikanaan Josep Smith im Jepļaaktok eo an Kabun̄ eo an Jisōs Kraist eoktak. Būrom̧ōj eo ejjab jum̧ae ko an tōmak, im ejjab mijak in kōm̧m̧an bōd. Ej iien eo ejako Jetōb eo an Anij. Ej jekjek eo an armej n̄e “ļeo em̧ōj kōmake ian” (Katak im Bujen Ko 121:38). Ej būrom̧ōj in marok im “pok ilo am̧ ļōmņak” (Katak im Bujen Ko 9:9; barāinwōt lale eoon 8).
Irooj ekar ba:
Im men eo ej jab kōketak ej jab jān Anij, im ej marok.
“Men eo ej jān Anij ej meram; im e eo ej bōk meram, im wōnm̧aanļo̧k wōt ilo Anij, ej bōk eļapļo̧k meram; im meram in ej meramļo̧k im meramļo̧k m̧ae raan eo eweeppān” (Katak im Bujen Ko 50:23–24).
Revelesōn jān Jetōb an Anij Ikar joļo̧k eļap iien n̄an kappukot naan an Irooj im ekkatak n̄an kile im ļoor Jetōb eo an Anij. Jetōb eo eo ekkeijel ippān ainikien marok me ej m̧an im kaen̄taan Rikanaan Josep Smith, Bok in Mormon, im Jepļaaktok eo ejjab jetōb in meram, jeļāļo̧kjeņ, im m̧ool. Ijjab lukkuun jeļā eļap, ak ijeļā ainikien Irooj, im Ainikien ejjab ilo kuwaer eo emarok.
N̄an keidi būrom̧ōj eo im lukkun pok ilo ļōmņak me ej ejopelpel kōn kobain in pere ej jetōb in meram, jeļāļo̧kjeņ, aeņōm̧m̧an, im m̧ool me ej pād ilo iien m̧akūtkūt ko raorōk im katak ko raibojooj an Jepļaaktok eo, eļaptata eoon ko me rej kwaļo̧k n̄an laļ in kōn Rikanaan Josep Smith. Jej riit im kajjitōkin kōj make im Anij eļan̄n̄e rej naan in riab, m̧oņ, im bajjōk ak eļan̄n̄e rej m̧ool.
Kwojjab Maron̄ Ekkatak M̧ool eo ilo an Joļo̧k
Jet ro rej mijak bwe Kabun̄ in emaron̄ jab m̧ool rej joļo̧k iien ko aer im kōmaat aer n̄an kappukot uwaak ko an kajjitōk ko rejjab aorōk. Jet armej rej bōd im kajjieon̄ ekkatak m̧ool eo ilo wāween joļo̧k men ko, ilo aer kajjieon̄ joļo̧k pere ko aer. En̄ne ej ļōmņak eo enana aolep iien. Ej jāmin jerbal.
Ejjeļo̧k jem̧ļo̧k in kōnana im ļōmņak ko ņae m̧ool eo. Im n̄an Kabun̄ in im gospel eo em̧ōj an jepļaaktok, kajjojo iien kwoj lelaļtak uwaak eo n̄an naan in kōnana eo im majid, ebar wōr juon naan in kōnana ebar waļo̧k im̧aan mejām. Ijjab ba kwoj aikuj likūt bōram̧ ilo bo̧k, ak ij ba kwomaron̄ joļo̧k eļap iien n̄an kappukot uwaak ko n̄an jabdewōt kajjitōk ko me rej jum̧ae Kabun̄ in im rejamin itok n̄an juon jeļāļo̧kjeņ kōn aolep m̧ool ko raorōk.
Uwaak ko n̄an kajjitōk ko raorōk rejjab itok ilo am̧ uwaaki kajjitōk ko me rejjab lukkuun aorōk. Elōn̄ uwaak ko n̄an kajjitōk ko me rejjab lukkuun aorōk, ak kwojjab maron̄ kam̧ool juon men em̧m̧an ilo am̧ jab kam̧ool men ko rejjab m̧ool. Kwoj jab maron̄ kam̧oole bwe Kabun̄ in ej m̧ool ilo am̧ jab kam̧ool aolep meļeļe ko rej jum̧ae e. Ej juon karōk me ejjab jerbal. Ļaptata ewōr men eo ej erom̧ kam̧ool eo epen, im kōn men ko an Anij rej kapen m̧ool eo ej itok jān revelesōn jān Jetōb im kajoor eo an Jetōb Kwojarjar.
N̄an rikaļoor ro An, Jisōs ekar ba:
“Wōn N̄a ilo ami ba?
“Im Saimōn Piter e uwaak im ba, “Kwe Ri Kraist, Nejin Anij e mour.”
“Jisōs e uwaak im ba n̄an e, “Kwōj mōņōņō Saimōn, nejin Jona, bwe kanniōk im bōtōktōk raar jab katakin eok kake, a Jema eo ej pād Ilan̄.
“… Bwe kwe Piter, im ioon ejm̧aan in Inaaj kalōk Aō eklejia, im kōjām ko an hell re jāmin anjo ioon.” (Matu 16:15–18; barāinwōt lale eoon ko 13–14).
Kabun̄ eo an Jisōs Kraist eaar ekkal ioon ejm̧aan in revelesōn, im kōjām ko an hell re jāmin anjo ioon. Kwe im n̄a jejjab juon jidilo̧k in mour. Jej aikuj ekkal ioon ejm̧aan in revelesōn barāinwōt, im men̄e jeban jeļā uwaak n̄an aolep kajjitōk ko, jej aikuj jeļā uwaak n̄an kajjitōk kein raorōk. Eļan̄n̄e jej kōm̧m̧ane menin, kōjām ko an hell re jāmin anjo ioon im jenaaj jutak n̄an Indeeo.
Jutak ioon Ejm̧aan in Revelesōn
Ij kam̧ool bwe ewōr juon Anij ilo lan̄ eo ej Jemād Indeeo. Jisōs Kraist ej meram im mour eo an laļ in. Josep Smith ekar juon rikanaan an Anij eo ekar likūt pedped eo an jepļaaktok eo an aelōn̄ in kiin̄ eo an Anij. Kabun̄ eo an Jisōs Kraist im Armej ro Rekwojarjar ilo Raan ko Āliktata ej aelōn̄ in kiin̄ eo an Anij ioon laļ in. Ijeļa menin jān en̄jake ko—aolepān. Ijeļā kōn menin kōn kam̧ool, im kam̧ool ekanooj ļap. Ijeļā kōn menin ilo aō ekkatak. Im, eļaptata, ijeļā menin kōn kajoor eo an Jetōb Kwojarjar.
Im kōn menin, ijeļā bwe aolep men ij aikuji jeļā bwe in jutak n̄an Indeeo. Jemaron̄ ke jutak ioon ejaam̧ in revelesōn, eļaptata ikkijeen kajjitōk ko raorōk. Eļan̄n̄e jej kōm̧m̧ane, jenaaj jutak n̄an indeeo im jamin ilo̧k jāne.