Eļan̄n̄e Kwoj juon eo Kwoj Jorrāān jān Ko̧kkure

Ta in Ko̧kkure?

Ko̧kkure ej kōjool ak jerbal nana n̄an ro jet (āinwōt juon ajri, juon rūtto, juon eo ewōr wūtam̧we ilo ānbwinin) ilo juon wāween ej kōm̧m̧an ko̧kkure ko ilo ānbwin, en̄jake, kōmetak jān m̧ōm̧ an kanniōk. Ej jum̧ae ņae katak ko an Rilo̧mo̧o̧r eo.

“Tōmak eo an Kabun̄ in ej bwe ko̧kkure ejjab aikuj kōm̧m̧an ilo jabdewōt wāween” (Bok in Bōk Meļeļe eo Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata [2020], 38.6.2). Ko̧kkure ej jum̧ae kien an Anij im emaron̄ bar jum̧ae kien ko an jukjukin pād ko.

Jekjek ko Reoktak jān doon Ikkijeen Ko̧kkure

Ko̧kkure ilo Ānbwin: Kōm̧m̧ane ilo aer meļeļe ak m̧wil ko renana kōn juon armej ippān bar juon me ej kwaļo̧k jorrāān ko ilo ānbwin.

Ko̧kkure ilo Mōm̧ an Kanniōk: Jab kōņaan bōk koņaan ilo m̧ōm̧ ko an kanniōk ak epaakedoon, kōn ro renana rej akweļap ilo nana, kōm̧m̧an kaamijak, ak kajejtokjen eo ejorrāān ro me rejjab maron̄ leļo̧k mālim. Aolep m̧akūtkūt ko ikkijeen m̧ōm̧ an kanniōk ikōtaan juon rūtto im juon ajri ej ko̧kkure jekdo̧o̧n.

Ko̧kkure ilo Naan im En̄jake: Juon jon̄ak in m̧wil eo me juon armej ej kōmetak ilo an kōm̧m̧an kōn kōttōbar ak āliji ilo wāween ko jet, āinwōt naan ko relej, kako̧r, kabwebwe, ak kajookok. Menin ej kōm̧m̧an bwe armej eo en en̄jake an dik tokjen im jab aorōk. Men̄e ejjab ilo ānbwin, kain ko̧kkure rōt in ej kōmetak armej ilo aolep kōļmenļo̧kjeņ im mour in en̄jake ko an.

Wāween Bōk Jipan̄

Irooj ej kōtmene bwe jen kōm̧m̧ani aolep men ko jemaron̄ n̄an bōbrae ko̧kkure im jipan̄ ro jet me em̧ōj aer jorrāān jān ko̧kkure. Ejjeļo̧k juon ej kōtmene n̄an anjo̧ ioon m̧wil in ko̧kkure. Men̄e ej waļo̧k kiiō ak eto an kar waļo̧k, komaron̄ kappukot kein jipan̄ ko n̄an jipan̄ eok ilo abuse.ChurchofJesusChrist.org.