E Ej Nej Nejid Wōt

Vinaisi Maca Naquere, Lautoka, Fiji

Ļeo ippa im n̄a kom̧ro kar tin liāp, ak kain̄i in ekwojarjar ekar ļap im aorōkļo̧k jān kom̧ro ruo.

Ālkin jiljilimjuon iiō in kōjatdikdik im kōttar an lōn̄ ajri, ļeo ippa im n̄a kom̧ro kar lukkuun jeraam̧m̧an kōn juon leddik nejim̧ro. Alicie ekar meram in mour eo am, ak ekar mour wōt ium̧win ļalem allōn̄ m̧okta jān an mej kōn nimo̧o̧nia.

Ekar juon en̄jake eo epentata ilo mour eo aō. Aolep raan ij rool n̄an m̧weo jān jikin jerbal im jijjet im jan̄. In-law ro aō ekutkut aer kijon̄ jijjet ippa n̄an letok n̄an eō kajoor. Illakar jar kōn bar juon ajri, ak ejjeļo̧k. Ikar jakoļo̧k ilo būrom̧ōj.

In-law ro aō rekar rojan̄ ļeo ippa im n̄a n̄an etal n̄an Suva Fiji Tampeļ n̄an liāp ippān doon. Jejjan̄in kar pād ilo tampeļ, im jekar kālet bwe wāween in em̧m̧antata n̄an kōj n̄an lo kōjatdikdik im bōk kōmour.

Ejjeļo̧k emaron̄ kar kōpooj eō n̄an ta eo ikar en̄jake raan eo! Ikar jeļā bwe ļeo ippa im n̄a kom̧ro kar liāp ippān doon n̄an indeeo. Jeļāļo̧kjeņ in ekar kobrak eō kōn kam̧m̧oolol im iakwe. Ak ikar jab lukkuun meļeļe bwe kain̄i in ekwojarjar eļap tokjen im aorōk jān kom̧ro jim̧or.

Ilo tampeļ eo, ikar ekkatak bwe Alicie emaron̄ liāp ippām. Ikar jan̄ dānin kōmjaļaal kōn lan̄lōn̄ ke ikar jeļā kōn katak in ekwojarjar. Leddik eo nejim enaaj nejim n̄an indeeo! Ij kam̧ool bwe Anij ekar letok aolep men jej aikuji n̄an m̧ōņōņō ilo m̧weo im̧ōn ekwojarjar.

Jān iiō eo n̄an kiiō, ļeo ippa im n̄a kōm kar jeraam̧m̧an kōn juon ļaddik im jilu ajri kōkaajiriri. N̄an kiiō kōm ejjab maron̄ meļo̧kļo̧k Alicie. Kōn kain̄i ko an tampeļ, leddik eo nejim ej m̧ōttan baam̧le eo am n̄an indeeo.

Ke ikar ioone juon eo ekar mej ajri ro nejin, ikar meļeļe aer metak ilo en̄jake. Ak ikar barāinwōt jeļā bwe metak in ejjab jem̧ļo̧k eo in. Kōn jako eo an Alicie, barāinwōt en̄jake melijon̄ ko jet, ijeļā bwe Anij epojak iien otemjej n̄an jipan̄ eō. N̄e ij ebbweer ak ellotaan kōn men ko, ijeļā bwe Anij epojak iien otemjej n̄an jipan̄.

Ijeļā bwe inaaj bar loe Alicie, im bwe m̧ool ej wōnm̧aanļo̧k wōt n̄an kobrak ļeo ippa im n̄a kōn m̧ōņo̧ņo̧ eļap.