Juon M̧ōttan Jon̄oul kōn Pesos
Rijeje eo ej jokwe ilo Chihuahua, México.
Sofia ekar m̧ōkaj an rūj. Rainin ej juon raan eaorōk. Ekar pojak n̄an an wia kake lemonade ilo kōraaj sale eo an aunty im uncle eo an. Mam̧a ekar kōm̧m̧ane juon pijja in lemonade kileplep n̄ane.
Sofia ekar kōm̧m̧ane juon jain. Ekar je “Lemonade!” leta ko rekar kōļar oran im yellow. Ekar tāāpe n̄an tābōļ jidikdik eo. Innām jijet laļļo̧k im kōttar.
Ejjab to juon em̧m̧aan ekar itok. “Imaron̄ ke wia juon kap in lemonade?” ekar kajjitōk. Ekar likūt pesos ko ilo bato eo an leddik eo.
“Em̧m̧an!” Sofia ekar ba. Ekar teen̄ļo̧k juon kap in lemonade
Jidik kōn jidik, armej rekar itok im lale kōraaj sale eo. Im jidik kōn jidik rekar wiaiki lemonade ko enno. Juon jibbon̄ eo em̧m̧an. Ejjab to aolep lemonade ko rekar maat.
Sofia ekar kam̧akūtkūt nien jāān. Ekar wōr ainikien pesos. Ekar būjin an!
“Em̧m̧an eļap tōprak!” Baba ekar ba.
Sofía ejjan̄in kar wōr an jon̄an jāān eļap m̧okta. “Ij tin wia juon yo-yo!”
Baba ekar ettōn̄ dikdik. “Kwojeļā ta eo Mam̧a im n̄a kar kōm̧m̧ane n̄e ej wōr am jāān?
Sofia ekar kajipoluul bōran.
“Jej kōļļā juon m̧ōttan jon̄oul, ” Baba ekar ba. “Jemedwōj Ilan̄ ekar letok aolep men n̄an kōj. Ekar kajjitōk bwe jen leļo̧k jidikin ta eo ekar letok. Jej kōļļā m̧ōttan jon̄oul kōnke jej iakwe E.”
Sofía eaar ettōn̄ dikdik. Ekar kōņaan kwaļo̧k n̄an Jemedwōj Ilan̄ bwe ekar barāinwōt iakwe E.
Baba ekar jipan̄ Sofía bwini pesos ko an. Aolep iien n̄e ej bwini n̄an 10, ej kōjeņoļo̧k juon pesos ilo juon enbilo̧o̧b. Baba ekar jipan̄ e jeje nōm̧ba ilo juon peba mouj jidikdik. Rekar likūt peba eo ilo enbilo̧o̧b eo ippān pesos ko. Innem siļi im kili. Soifa ekar tin leļo̧k e n̄an bisop eo ilju ilo m̧ōnjar eo.
“Ewi am̧ en̄jake?” Baba ekar kajjitōk ippān Sofia.
“Lukkuun em̧ōņōņō! Im ekar wōr wōt jāān ippa n̄an wia juon yo-yo.” Ekar en̄jake an Jemedwōj Ilan̄ em̧ōņōņō kōn jokālet eo an.