Unsaon Nako Pag-istorya ang Akong mga Anak mahitungod sa Ebanghelyo sa Inadlaw-adlaw nga mga Paagi?
Isip mga ginikanan, atong trabaho ang pagtudlo sa atong mga anak mahitungod sa ebanghelyo. Apan ang diskusyon sa ebanghelyo dili kinahanglang makalaay ug pormal! Ania ang pipila ka ideya sa paglakip sa mga diskusyon sa ebanghelyo sa inadlaw-adlaw nga kinabuhi.
Mga paghulagway pinaagi ni Josie Portillo
7 ka mga Paagi sa Pagsugod og Panag-istoryahanay
-
Aduna bay usa sa imong mga higala nga nangutana mahitungod sa relihiyoso nga mga butang?
-
Unsa man ang bag-o lang nimong nabasa diha sa mga kasulatan? Aduna ka bay mga pangutana?
-
Kumusta na man ang imong calling (o laing buluhaton sa Simbahan)? Unsay makatabang nimo?
-
Nagsige ko og hunahuna mahitungod niini nga kasulatan bag-ohay lang. Unsay imong mga hunahuna kabahin niini?
-
Aduna bay bisan unsang butang sa simbahan karon nga ikaw adunay pangutana?
-
Aduna bay bisan unsa sa atong gibasa diha sa Dali, Sunod Kanako bag-ohay lang nga gihunahuna gihapon nimo?
-
Unsay imong hunahuna niadtong mga pakigpulong sa kinatibuk-ang komperensya nga atong gitan-aw?
7 ka Dili Pormal nga mga Panahon sa Pag-istoryahanay
-
Samtang dungan nga mangaon o sa tingkatulog
-
Kon ang imong anak nagsinati og lisud nga panahon
-
Atol sa usa ka proyekto sa pagserbisyo o kon magtabang sa uban
-
Sa wala pa ug human sa mga miting o mga kalihokan sa Simbahan
-
Samtang nagsaysay og mga istorya sa pamilya o naghisgot sa katigulangan
-
Bisan kanus-a nga nakabantay ka og butang nga may kalabutan sa usa ka espirituhanong mensahe
-
Bisan kanus-a—kon makig-istorya ka nga dayag, adunay gugma sa imong kasingkasing, ug tinguha nga maminaw ug makasabut
Mga Hunahuna ug mga Sugyot
-
Tudloi ang imong anak nga OK ra nga adunay mga pangutana mahitungod sa ebanghelyo. Tutal, pangutana kadto nga nakapaaghat ni Joseph Smith nga mag-ampo alang sa tabang, nga misangput sa Unang Panan-awon! Tabangi sila nga makaamgo nga makaugmad gihapon sila og pagpamatuod bisan wala mahibalo sa tanang tubag.
-
Isulti kon imong nabati ang Espiritu, panahon man kini sa home evening, sa simbahan, o sa matahum nga pagsalop sa adlaw. Makatabang kini kanila nga mosugod sa pag-ila kon sa unsang paagi ang Espiritu mamulong kanato. Ipasabut nga ang Espiritu makasulti kanato pinaagi sa daghang lain-laing paagi, sama sa init o gaan nga mga pagbati, klaro nga mga hunahuna, pagbati sa kalinaw, ug uban pa.
-
Himoa ang mga mensahe sa ebanghelyo nga dali ra nga makita. Ang imong tin-edyer tingali dili motan-aw og mga artikulo sa magasin sa Simbahan diha sa ilang telepono, apan tingali ilang paklion ang Liahona nga anaa sa lamesa. Tingali dili sila maminaw sa mga pakigpulong sa kinatibuk-ang komperensya sa ilang libre nga oras, apan tingali makakuha sila og pipila ka pulong gikan sa pakigpulong nga imong gipaminaw samtang nag-andam ka og panihapon.
-
Labing importante, padayon sa pagpaningkamot, bisan kon kini daw walay epekto! Ang mga kasulatan puno sa mga istorya mahitungod sa mga bata kinsa wala maminaw sa sinugdanan, sama ni Alma nga Batan-on. Salig nga usa ka adlaw ang espirituhanon nga mga kamatuoran motuhop sa ilang mga kasingkasing.