Dali, Sunod Kanako: Basahon ni Mormon

Unsa ang gitudlo kanato sa mga propeta sa Basahon ni Mormon mahitungod sa Pasko?

Pasko

(Disyembre 21–27)

Samtang basahon ninyo ang mosunod nga mga kasulatan, unsa ang gitudlo kanato sa matag propeta mahitungod sa pagkahimugso sa Manluluwas? Ikonsiderar ang pagrekord sa inyong mga hunahuna o ipaambit kini ngadto sa inyong pamilya.

Nephi (mga 600 BC)

“Ako nakakita sa usa ka birhen … nagkugos og bata diha sa iyang mga bukton. “Ug ang anghel miingon ngari kanako: Tan-awa ang Kordero sa Dios, oo, gani ang Anak sa Amahan sa Kahangturan!” (tan-awa sa 1 Nephi 11:13–33).

Abinadi (mga 148 BC)

“Tanan nga mga propeta … sukad ang kalibutan nagsugod—… sila wala ba mag-ingon nga ang Dios sa iyang kaugalingon kinahanglan manaog taliwala sa mga katawhan … ?” (tan-awa sa Mosiah 13:33–35).

Haring Benjamin (mga 124 BC)

“Ang Ginoo … manaog … aron moipon sa mga katawhan, … ug siya pagatawgon og Jesukristo, ang Anak sa Dios, … ug ang iyang inahan pagatawgon og Maria” (tan-awa sa Mosiah 3:5–11).

Alma nga Batan-on (mga 83 BC)

“Siya matawo kang Maria, … gani ang Anak sa Dios” (tan-awa sa Alma 7:7–13).

Samuel ang Lamanite (mga 6 BC)

“Lima pa ka tuig ang moabut, ug tan-awa, unya moabut ang Anak sa Dios” (tan-awa sa Helaman 14:1–13).

Nephi, anak ni Helaman (mga AD 1)

“Ang tingog sa Ginoo miabut nganha kaniya, nag-ingon: … pagkaugma moabut Ako diha sa kalibutan”(tan-awa sa 3 Nephi 1:4–22).