“Nuku‘alofa, Tonga,” Liahona, Sepitema 2022.
ʻOku ʻi Heni ʻa e Siasí
Nuku‘alofa, Tonga
Faitaaʻi ʻe Neil Crisp, 2021
ʻOku tuʻu ʻa e temipale ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻo ofi ki he Akoʻanga Māʻolunga ʻo Liahoná ʻa ia ko ha ʻapiako ʻa e Siasí. ʻOku fakafuofua ki he peseti ʻe 63 ʻo e kakai ʻi Tongá ʻoku nau kau ki he Siasí, ʻa ia ʻoku maʻu ʻe he Siasí ʻa e
-
kau mēmipa ʻoku (fakafuofua ki he) toko 66,400
-
Ngaahi siteiki ʻe 21, vahefonua ʻe 2, uooti mo e ngaahi kolo ʻe 173, misiona ʻe 2
-
ngaahi senitā hisitōlia fakafāmili ʻe 21, temipale ʻe 1 ʻoku lolotonga ngāué mo e 1 ʻoku kei langa
Te Mau Toe Fakataha
Naʻe faʻa fakatahataha mai ʻa Sōnasi Langi (kuó ne ʻosi pekiá) ʻo Kolonga, Tongatapú mo ha kau mēmipa ʻo e fāmilí ke nau hivaʻi ha ngaahi himi mo tuku ha ngaahi matalaʻiʻakau ki he faʻitoka ʻo ʻene tangataʻeikí mo hono tuofefiné. Naʻá ne pehē, “ʻE ʻi ai pē ha ʻaho te mau toe fakataha ai. ʻOku ou tui te mau hivaʻi ai e ngaahi hiva tatau pē.”
Ngaahi meʻa lahi ange fekauʻaki mo e Siasí ʻi Tongá
-
Ngaahi moʻoniʻi meʻa, sitētisitika, mo e hisitōlia ʻo e Siasí ʻi Tongá.
-
Piki ki he vaʻa ukameá, ko e lea ia ʻa Palesiteni Nalesoni ki he kāingalotú ʻi ha fakataha lotu ʻi Tonga ʻi he 2019.
-
Hili ʻa e mapuna hake ʻa e moʻunga afí ʻi Sānuali 2022, naʻe ʻave ʻe he Kau Palesitenisī ʻUluakí ha tohi ʻo e ʻofa mo e ʻamanaki leleí ki Tonga.
-
ʻOku tokanga ʻa e Siasí ki he mapuna hake ʻa e moʻunga afí mo e hake ʻa e peaukulá ʻi Tongá.
-
ʻOkuʻave ʻe he Kāingalotu ʻi Tongá ha ngaahi naunau ki he ʻotu motu ʻi tahí.
-
ʻOku vahevahe ʻe ha faiongoongo ʻa e meʻa naʻá ne ako mei he Kāingalotu Tongá fekauʻaki mo e founga ke kātaki aí.
Ko e talitali lelei ʻe he tuʻi ʻo Tongá ʻa Palesiteni Lāsolo M. Nalesoni mo hono uaifi ko Uenitií; ko ʻEletā Kēliti W. Kongo mo hono uaifi ko Sūsaná; mo ha niʻihi kehe ʻi ha ʻaʻahi ki Tonga ʻi he 2019.
Faitaaʻi ʻe Jeffrey D. Allred, Deseret News
ʻOku fokotuʻu ʻe he finemui ko ʻeni ʻi Tongá ha ngaahi taumuʻa mo ngāue ke ikunaʻi kinautolu, ʻo hangē ko e kau finemui kotoa pē ʻi he Siasí.
ʻOku fakahaaʻi ʻe he fakatātā ko ʻení ʻa e fōtunga ʻo e Temipale Neiafu Tongá, ko e temipale hono ua ʻi Tongá, ʻi he taimi ʻe ʻosi ai ʻa e langá.
Ko e ʻapí ʻoku fakatefito ʻi ai ʻa e ako ki he ongoongoleleí ʻi Tongá, ʻo hangē ko ia ʻoku hoko ʻi he Siasí kotoa ʻi he taimi ʻoku tokanga ai ʻa e kāingalotú ki he ui ke “haʻu, ʻo muimui ʻiate aú” (Luke 18:22).
ʻI Tongá, ʻe lava ke kau ʻi he ngaahi fakafiefia fakafāmili leleí ha luelue fakataha ʻi he matātahí.
ʻOku mahuʻinga ʻa e ngoué ʻi Tonga, pea ko e tokolahi ʻo e Kau Māʻoniʻoni ʻi he Ngaahi ʻAho Kimui Ní ʻoku nau tō mo utu ʻa e meʻakaí.
ʻOku faʻa fakaʻaongaʻi ʻa e lauʻi siainé ki hono teuteuʻi ʻo e ngaahi meʻatokoni fakafāmilí ʻi Tonga, ʻo hangē pē ko e ʻotu motu lahi ʻo e Pasifikí.
Ko hono hivaʻi ʻo e ngaahi himí ko ha konga mahuʻinga ia ʻo e moihū fakataha ʻi Tongá, ʻo hangē ko ia ʻoku hoko ʻi he Siasí kotoa.
ʻOku ʻi ai ha fatongia mahuʻinga ʻo e vala tukufakaholó ʻi he sōsaieti ʻo Tongá.
ʻOku fiefia ha talavou ke feʻiloaki mo ha niʻihi kehe ʻi ha ʻekitivitī ʻa e toʻu tupú ʻi ha falelotu ʻi Tonga.
ʻOku tokoni ʻa e ako folofola maʻu peé ki he ngaahi hoa mali ʻi Tongá ke nau tupulaki fakalaumālie fakataha.
ʻI Sānuali ʻo e 2022, naʻe kāpui ha ngaahi konga lahi ʻo Tonga ʻe he efú, ʻi ha mapuna hake ʻa e moʻunga afí.
Laʻitā mei he Malau Media, ne fakaʻaongaʻi ʻi hano fakangofua mai
Naʻe foaki ʻe he Kāingalotu ʻi he motu ko Tongatapú ha ngaahi naunau naʻe ʻave ʻi ha vaka ke tokoni kiate kinautolu ʻi he ʻotu motu ʻi tahí.