“Ko e Hā Te Tau Lava ʻo Fai ke ʻFakatokangaʻi [Hotau] Telingá ki he Potóʼ?,” Liahona, Sepitema 2022.
Haʻu, ʻo Muimui ʻIate Au
Ko e Hā Te Tau Lava ʻo Fai ke “Fakatokangaʻi [Hotau] Telingá ki he Potó”?
ʻI he lahi fau ʻa e ngaahi fakamatala hala ʻi he māmaní, ʻe lava ke faingataʻa ke filifili fakafaʻahinga kotoa ia pea maʻu ʻa e moʻoni taʻengatá. ʻOku ʻafioʻi ʻeni ʻe he Tamai Hēvaní, pea ʻokú Ne ʻafioʻi ʻoku fekumi ha tokolahi ʻo ʻEne fānaú ki ha ngaahi tali. Meʻamālié, ʻoku lava ke maʻu ʻa e ngaahi tali lahi ki he ngaahi fehuʻi faingataʻa taha ʻo e moʻuí ʻi he ngaahi folofolá, ʻi he ngaahi lea ʻi he konifelenisi lahí, pe ʻi he fakahā fakatāutahá. He ʻikai teitei takihalaʻi kitautolu ʻe he Tamai Hēvaní.
ʻEkitivitī
ʻOku tau faʻa lau ʻi he Ngaahi Lea Fakatātaá, fekauʻaki mo e potó. Lau fakafoʻituitui pe fakakulupu ʻa e ongo vahe 2 mo e 3 pea feinga ke ʻiloʻi ʻa e ngaahi veesi ʻoku nau aleaʻi ʻa e founga ʻoku tau fekumi ai ki he potó. Hangē ko ʻení, ʻoku pehē ʻi he Lea Fakatātā 1:5 , “ʻE fie fanongo ʻe he tangata potó, pea ʻe tupulekina ai ʻa ʻene potó; pea ʻe maʻu ai ʻe he tangata faʻa ʻiló ʻa e ngaahi fakakaukau leleí.”