“Ko e Hā Naʻe Akoʻi ʻe ʻĪsaia fekauʻaki mo Hono Tānaki ʻo ʻIsilelí? Liahona, Sepitema 2022.
Haʻu, ʻo Muimui ʻIate Au
Ko e Hā Naʻe Akoʻi ʻe ʻĪsaia fekauʻaki mo Hono Tānaki ʻo ʻIsilelí?
A View of Salt Lake City [Ko ha ʻAta ʻo Sōleki Sití], meia James Taylor Harwood
Naʻe fakaʻaongaʻi ʻe ʻĪsaia ha ngaahi fakataipe ke akoʻi fekauʻaki mo hono tānaki ʻo ʻIsilelí. Fakakaukau ki he potufolofola ko ʻení: “Pea te ne fokotuʻu ha fuka ki he ngaahi puleʻangá, pea te ne fakataha ʻa e kau liʻaki ʻo ʻIsilelí, pea tānaki fakataha ʻa e kau vetekina ʻo Siutá mei he vahe ʻe fā ʻo māmaní.” (11:12).
Ko e ʻenisainí ko ha fuka pe tuʻunga moʻui. Naʻe vahevahe ʻe ʻEletā Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e talanoa ki he founga naʻe faʻu ai ʻe he kau taki ʻo e Siasí ʻi he kuonga ʻo e kau paioniá ha fuka, ko e “fuka ko iá [naʻe tō] mo talaki ko e teleʻa ʻo e Ano Māsimá pea mo e ʻotu moʻunga takatakai aí, ko e feituʻu ia naʻe kikiteʻi ʻe ʻalu atu mei ai e folofola ʻa e ʻEikí ʻi he ngaahi ʻaho fakaʻosí.”1
Ko e hā ha ngaahi fakataipe mo ha ngaahi ʻilo kehe fekauʻaki mo hono fakamoveteveteʻi mo hono tānaki ʻo ʻIsilelí ʻokú ke lava ʻo maʻu ʻi he ʻĪsaia vahe 2, 5, mo e 11?
Kuo tokoniʻi fēfē nai kitautolu ʻe hotau palōfita ʻi onopōní ke mahino lelei ange kiate kitautolu ʻa hono tānaki ʻo ʻIsilelí?
ʻE ala tokoni ke ako ʻa e meʻa kuo lea ʻaki ʻe he kau palōfita ʻo onopōní fekauʻaki mo e ngaahi akonaki ʻa ʻĪsaiá pea mo hono tānaki ʻo ʻIsilelí. Fakakaukau ke ke vakai ki ha taha ʻo e ngaahi lea ko ʻeni ʻi he konifelenisi lahí ʻa Palesiteni Lāsolo M. Nalesoní pea lisi ʻa e ngaahi founga te ke lava ai ʻo tokoni ai ki hono tānaki ʻo ʻIsilelí:
-
“Blessed are the Peacemakers,” Liahona, Nov. 2002, 39–42.
-
“The Gathering of Scattered Israel,” Liahona, Nov. 2006, 79–82
-
“Tuku ke Lāngilangiʻia ʻa e ʻOtuá,” Liahona, Nōvema 2020, 92–95