“Ko e Hā Naʻe Akoʻi ʻe ʻĪsaia fekauʻaki mo e Hoko ko ha Tamaioʻeiki ʻa e ʻEikí?,” Liahona, Sepitema 2022.
Haʻu, ʻo Muimui ʻIate Au
Ko e Hā Naʻe Akoʻi ʻe ʻĪsaia fekauʻaki mo e Hoko ko ha Tamaioʻeiki ʻa e ʻEikí?
ʻOku faʻa ʻuhinga ʻa e ʻEikí ki Hono kau muimuí ko ʻEne kau tamaioʻeiki pe kau fakamoʻoni. ʻOku angamaheni pē ʻa e ngaahi foʻi lea ko iá ʻi he kotoa ʻo e ngaahi folofolá, pea ʻoku ʻikai toe kehe ʻa e tohi ʻa ʻĪsaiá. ʻI he kuonga ʻo e Fuakava Motuʻá, pea pehē ki he ʻahó ni, naʻe foaki ai ʻe he ʻEikí ha ngaahi faingamālie ki he kakaí ke nau tauhi kiate Ia mo hoko ko ha fakamoʻoni kiate Ia.
-
ʻI hoʻo lau ʻa e ngaahi vahe 40–49, ʻo ʻĪsaiá, fekumi ki he ngaahi taimi ʻoku folofola ai ʻa e ʻEikí ko e “tamaioʻeiki” pe “fakamoʻoní.” Ko hai ʻokú Ne ʻuhinga ki aí? Kumi ha ngaahi veesi ʻoku nau akoʻi ʻa e founga te ke lava ai ʻo hoko ko ha fakamoʻoni mo ha tamaioʻeiki ki he ʻEikí, hangē ko e ʻĪsaia 44:2.
Joseph Smith Preaching [Malanga ʻa Siosefa Sāmitá], tā ʻe Sam Lawlor © 2001
-
Hili iá, ʻi hoʻo lau ʻa e ngaahi vahe 41–44, te ke lava ʻo fakakaukauʻi pe ko e fē ʻa e ngaahi veesi ʻe lava ke fakaʻaongaʻi ʻi ho uiuiʻí pe ngāue fakaetauhí. Ko e hā ʻoku kole atu ʻe he ʻEikí ke ke faí, pea te Ne tokoniʻi fēfē nai koe?
-
Ko e hā ha ngaahi faingamālie kuo foaki atu ke ke hoko ai ko e tamaioʻeiki pe fakamoʻoni ʻa e ʻEikí? ʻE lava ke hoko ha uiuiʻi, ngāue fakafaifekau, akoʻi ho fāmilí, pe ko ha ngāue tokoni kehe ko ha ngaahi sīpinga. Mahalo te ke fie hiki ʻa e ngaahi aʻusia ko iá ʻi hoʻo tohinoá. Ko e hā naʻá ke ako meiate kinautolú? Ko e hā ha founga naʻe tokoniʻi ai koe ʻe he ʻEikí?