Eja, Më Ndiq

Fjalët e Urta 1–4; 15–16

Çfarë Mund të Bëjmë për t’ia “Vënë Veshin Diturisë”?

Me kaq shumë keqinformim në botë, mund të jetë e vështirë që t’i shoshitim të gjitha dhe të gjejmë të vërtetën e përjetshme. Ati Qiellor e di këtë dhe Ai e di se shumë prej fëmijëve të Tij po kërkojnë përgjigje. Fatmirësisht, shumë prej përgjigjeve për pyetjet më të vështira të jetës mund të gjenden në shkrimet e shenjta, në bisedat e konferencave të përgjithshme ose nëpërmjet zbulesës vetjake. Ati Qiellor nuk do të na udhëheqë kurrë në udhë të gabuar.

Veprimtaria

Te Fjalët e Urta, shpesh lexojmë rreth urtësisë. Lexojini kapitujt 2 dhe 3 vetë ose me një grup dhe përcaktoni vargjet që diskutojnë se si mund të kërkojmë dituri (ose urtësi). Për shembull, Fjalët e Urta 1:5 thotë: “I urti do të dëgjojë dhe do të rritë diturinë e tij; njeriu i zgjuar do të përfitojë këshilla të urta”.

Pëshpëritjet e Shpirtit

“Nëse shumica e informacionit që merrni, vjen nga mediat shoqërore apo media të tjera, aftësia juaj për t’i dëgjuar pëshpëritjet e Shpirtit do të pakësohet. Nëse nuk po e kërkoni gjithashtu Zotin nëpërmjet lutjes dhe studimit të përditshëm të ungjillit, ju e lini veten të cenueshëm ndaj filozofive që mund të ngjallin kureshtje, por që nuk janë të vërteta. Edhe shenjtorët që përndryshe janë besnikë, mund të dalin nga udha nëpërmjet ritmit të vazhdueshëm të bandës së Babilonisë.”

Presidenti Rasëll M. Nelson, “Gjeni Kohë për Zotin”, Liahona, nëntor 2021, f. 120.

Diskutim

Shkrimet e shenjta dhe konferenca e përgjithshme janë burime të mëdha diturie. Kur e ka udhërrëfyer jetën tuaj një bisedë nga konferenca ose një shkrim i shenjtë? Si ndikoi te ju ajo bisedë ose ai shkrim?