Kom, fylg mér

Orðskviðirnir 1–4; 15–16

Hvað getum við gert til að „[veita] spekinni athygli“?

hugsandi kona

Þar sem svo mikið er af rangfærslum í heiminum, getur verið erfitt að fara í gegnum allt efnið til að finna eilífan sannleika. Himneskur faðir veit þetta og hann veit að mörg barna hans leita svara. Sem betur fer, er hægt að finna mörg svör við erfiðustu spurningum lífsins í ritningunum, í aðalráðstefnuræðum eða með persónulegri opinberun. Himneskur faðir mun aldrei leiða okkur afvega.

Verkefni

Í Orðskviðum lesum við oft um visku. Lesið kapítula 2 og 3 hvert fyrir sig eða með hópi og berið kennsl á vers sem fjalla á einhvern hátt um visku. Dæmi: Í Orðskviðunum 1:5 segir: „Hinn vitri hlýðir á og eykur lærdóm sinn, og hinn hyggni nemur hollar lífsreglur.“

Hin lágværa rödd andans

Russell M. Nelson forseti

„Ef flestar upplýsingar ykkar eru frá samfélagsmiðlum eða öðrum miðlum, mun það draga úr hæfni ykkar til að heyra lágværa rödd andans. Ef þið eruð ekki líka að leita Drottins með daglegri bæn og trúarnámi, verðið þið berskjölduð gagnvart heimspeki sem getur verið forvitnileg en er ekki sönn. Jafnvel hinir heilögu sem eru trúfastir á öðrum sviðum, geta látið blekkjast af stöðugum takti hljómsveitar Babýlon.“

Russell M. Nelson, „Helga Drottni tíma,“ aðalráðstefna, október 2021.

Umræður

Ritningarnar og aðalráðstefna eru undursamleg uppspretta visku. Hvenær hafa ráðstefnuræður eða ritningar veitt ykkur leiðsögn fyrir lífið? Hvaða tilfinningar vakti það?