Mga Sukaranan sa Ebanghelyo

Nganong Mobayad Kita og Ikapulo

gitumpi nga mga sinsilyo

Ang mga miyembro sa Ang Simbahan ni Jesukristo sa mga Santos sa Ulahing mga Adlaw mohatag og ikapulo sa ilang kinitaan ngadto sa Simbahan. Gitawag kini og ikapulo. Ang kwarta gamiton sa pagpadayon sa buhat sa Simbahan sa tibuok kalibotan.

Unsa Ang Ikapulo?

Usa sa mga sugo sa Dios mao ang pagbayad sa ikapulo, nga mao ang ikapulo sa atong kinitaan, ngadto sa Iyang Simbahan. Kon kita mobayad sa ikapulo, kita nagpakita sa atong pagpasalamat sa Dios alang sa atong mga panalangin. Kita nagpakita nga kita misalig sa Ginoo ug nga kita andam sa pagtuman Kaniya sa tanang mga butang.

mga tawo nga nagdala og mga butang ngadto ni Melchizedek isip bayad sa ikapulo

Melchizedek—Keeper of the Storehouse [Melchizedek—Tigtipig sa Balay Tipiganan], ni Clark Kelley Price

Mga Pagtulun-an sa Daang Tugon

Ang katawhan sa Dios nagbayad og ikapulo sukad pa sa mga panahon sa Daang Tugon. Pananglitan, si Abraham mibayad og ikapulo (tan-awa sa Genesis 14:18–20). Ang balaod sa ikapulo gitudlo sa karaan nga mga propeta, lakip ni Moises ug Malaquias (tan-awa sa Levitico 27:30–34; Nehemias 10:35–37; Malaquias 3:10).

Pagpahiuli sa Balaod sa Ikapulo

Niadtong 1838, si Propeta Joseph Smith nangutana sa Ginoo kon sa unsang paagi ang mga miyembro mobayad sa ikapulo. Ang tubag sa Ginoo narekord diha sa Doktrina ug mga Pakigsaad 119, nga nag-ingon nga ang mga miyembro kinahanglan mohatag og ikapulo sa ilang tubo ngadto sa Simbahan (tan-awa sa bersikulo 4). Ang mga lider sa Simbahan nagtudlo nga ang “tubo” nagpasabot sa kinitaan.

mga tawo nga naglamanohay samtang ang usa nagtunol sa usa ka sobre ngadto sa lain

Gilitratohan ni Jamie Dale Johnson

Unsaon sa Pagbayad og Ikapulo

Kita makabayad og ikapulo pinaagi sa pagsulat diha sa porma sa online nga donasyon diha sa donations.ChurchofJesusChrist.org. O kita mosulat diha sa papel nga porma ug mohatag sa kwarta ngadto sa usa ka sakop sa bishopric o kapangulohan sa branch. Ang tanang kwarta ipadala ngadto sa punoang buhatan sa Simbahan, diin ang mga lider sa Simbahan (ang Unang Kapangulohan, Korum sa Napulog Duha ka Apostoles, ug ang Tigdumalang Bishopric) mainampuon nga mohukom kon usaon kini sa paggamit.

Mga Panalangin

Ang Ginoo misaad usab niadtong mobayad og ikapulo nga mapanalanginan sa temporal ug espirituwal nga paagi. Ang Ikapulo usab makapanalangin sa tanang anak sa Dios sa oportunidad nga makat-on mahitungod Kaniya ug molambo diha sa ebanghelyo.

Salt Lake Temple

Giunsa sa Paggamit ang mga Pundo sa Ikapulo

Ang kwarta sa ikapulo gamiton sa pagtukod sa Simbahan sa Ginoo sa tibuok kalibotan. Kini naglakip sa pagtukod og mga templo ug sa uban nga mga istraktura, pagprinta sa mga kasulatan ug ubang mga materyal, pagpundo sa mga eskwelahan nga gipanag-iya sa Simbahan, ug sa pagtabang sa family history ug sa misyonaryo nga buhat.

Pagdeklarar sa Ikapulo

Kausa sa usa ka tuig, ang mga miyembro sa Simbahan makigkita sa ilang bishop (o presidente sa branch) aron sa pagsulti kaniya kon sila hingpit nga tigbayad sa ikapulo.

Gikan sa mga Kasulatan

Ang Unang Kapangulohan, ang Korum sa Napulog Duha ka Apostoles, ug ang Tigdumalang Bishopric mainampuon nga mohukom kon usaon sa paggamit ang mga pundo sa ikapulo (tan-awa sa Doktrina ug mga Pakigsaad 120).

Ang Ginoo misaad nga Siya mobukas “sa mga tamboanan sa langit” kon kita mobayad sa atong ikapulo (tan-awa sa Malaquias 3:10).

Kita maluwas unya sa Ikaduhang Pag-anhi sa Manluluwas kon kita mobayad sa ikapulo (tan-awa sa Doktrina ug mga Pakigsaad 64:23).

Alang sa Unsa ang mga Bayad sa Ikapulo

Oakland California Temple

Litrato sa Oakland California Temple pinaagi ni Longin Lonczyna Jr.

mga kopya sa Basahon ni Mormon sa nagkadaiyang pinulongan

meetinghouse

Pagkaplag pa og Dugang

Kon kamo adunay mga pangutana kabahin sa ikapulo, mahimo kamo nga makig-istorya sa inyong tigpangalagad nga mga igsoong lalaki ug mga babaye, sa inyong mga lider sa ward o branch, o sa mga misyonaryo.