Dali, Sunod Kanako

Malaquias

Sa Unsang Paagi ang Karaang mga Sakripisyo Nagpunting ngadto ni Jesukristo?

usa ka altar nga gipalibotan og mga hayop

Mga paghulagway pinaagi ni Denis Freitas

Si Malaquias mipasidaan batok sa paghalad og hugaw nga mga sakripisyo ngadto sa Ginoo. Ang Ginoo nagkinahanglan og “putli nga halad” (Malaquias 1:11) ug dili gusto nga mahugawan ang Iyang halaran (tan-awa sa Malaquias 1:12).

Gikinahanglang putli ang mga sakripisyo tungod kay kini “nagpunting ngadto sa paagi nga gihatag sa Dios aron madala kita og balik sa Iyang presensiya—si Jesukristo ug ang Iyang Pag-ula.”¹ Ang paghalad og bisan unsa nga menos usa ka pagbugalbugal sa kahingpitan ni Kristo ug sa Iyang sakripisyo.

Ikonsiderar unsay matudlo niini kanato niining upat ka matang sa sakripisyo diha sa Daang Tugon mahitungod kon unsaon sa pagduol ngadto kang Kristo:

• Halad nga sinunog: Usa ka tibuok hayop nga halad nga nagsimbolo sa obligasyon sa pagtugyan ngadto sa Dios (tan-awa sa Levitico 1).

• Halad nga pagkaon: Usa ka dili dugoon nga halad sa mais, bino, ug insenso nga nakalakip sa matag halad sa pakigdait ug halad nga sinunog (tan-awa sa Levitico 2).

• Halad sa pakigdait: Usa ka sakripisyo sa hayop nga gihimo sa usa ka tawo nga adunay pakigdait sa Dios nga nagtinguha og dugang nga pakigdait (tan-awa sa Levitico 3).

• Halad tungod sa sala: Usa ka sakripisyo sa hayop aron sa pag-ula sa usa ka sala ug sa pag-angkon og panag-usa kang Jehova (tan-awa sa Levitico 4 ug 5).

Ang Pag-ula sa Manluluwas mitimaan sa kataposan niini nga mga sakripisyo. Apan, ang mga miyembro sa Simbahan sa Ginoo kinahanglang andam sa pagsakripisyo sa tanang butang alang sa Ginoo. Unsaon nato sa pagtuman ang balaod sa sakripisyo karon? (Tan-awa sa 3 Nephi 9:19–20.)

Mubo nga Sulat

1. Dali, Sunod Kanako—Alang sa mga Indibidwal ug mga Pamilya: Daang Tugon 2022, 80.