“Pagpangita ni Kristo diha sa Among mga Tradisyon sa Pasko,” Liahona, Dis. 2022.
Pagpangita ni Kristo diha sa Among mga Tradisyon sa Pasko
Nakahukom kami sa pagtan-aw kon unsa ang ikatudlo sa tanan namong mga tradisyon ug mga adorno sa pasko kabahin ni Jesukristo.
Paghulagway sa Kahoy pinaagi ni David Green
Ang mga propeta ug apostoles nagtudlo kanato ug sa pagtinguha kanunay ni Kristo “Apan ilabi na niining panahona sa tuig—Pasko.”1 Mga katuigan nang milabay ang among pamilya migahin sa tibuok panahon sa Pasko sa pagsulay og buhat niini.
Kami mihukom nga nianang tuiga among “ipakita ug ipabati” ang among kinaiya ug paningkamot sa pagpaminaw sa mga pagpamatuod sa among Manluluwas diha sa tanang butang sa Pasko. Ania ang pipila ka mga pagpamatuod kabahin ni Kristo nga among nadiskobrihan. Kami manghinaot nga kamo ug ang inyong pamilya makadiskobre sa iyang kaugalingong panglantaw samtang kamo mopili sa pagtan-aw ug sa pagpaminaw Kaniya diha sa inyong mga tradisyon sa Pasko.
Mga Christmas tree: Diha sa pamilyar nga Christmas tree nga tradisyon, Kami nakakaplag og labong nga mga sanga nga wala malaya sa tingtugnaw. Kini nagpamatuod sa kinabuhing dayon, sa Pagkabanhaw, ug sa Pag-ula ni Jesukristo. Ang Christmas tree nagpahinumdom kanamo sa kahoy sa kinabuhi nga tinuod nga nagtubo, o tul-id, padulong sa langit—nangita og kahayag. Kini nakapahimo kanamo nga mangutana sa among kaugalingon, “Buhaton ba namo ang ingon?” Ang among Christmas tree nahimong usa ka gibahandi nga dapit nga pundokanan aron sa pagpamalandong kon sa unsang pamaagi nga among ipunting ang among mga kinabuhi padulong sa langit pinaagi sa pagpabilin diha sa dalan sa pakigsaad.
Mga Christmas light: Sa mga Christmas light, kami nakakaplag og usa ka pahinumdom nga si Jesus mao ang Kahayag sa Kalibotan ug nga pinaagi sa Iyang kahayag, kita makakaplag sa atong agianan balik sa atong langitnong panimalay. Sa paghunahuna niini, ang matag Christmas light nga among natagamtam nahimong usa ka hayag nga pahinumdom sa among Manluluwas.
Mga Christmas star: ang mga Christmas star nagpahinumdom kanamo nga ang maalamom nga lalaki ug mga babaye mosunod sa kahayag sa kamatuoran sa ilang pagpangita ni Jesukristo. Sama sa mga Mago [Wise Men] sa karaan nga misunod sa naggiya nga kahayag sa bitoon ug nakit-an ang batang Kristo (tan-awa sa Mateo 2:9–11), kita usab managsamang mapanalanginan samtang kita mopili sa pagsunod sa espirituhanong kahayag sa ebanghelyo nga modan-ag sa dalan sa pakigsaad sa pagkadisipulo, nga maggiya kanato ngadto sa kinabuhing dayon.
Mga Christmas wreath: Ang linukong nga bulak mipahinumdom kanamo nga si Jesus sa umaabot mobalik sa yuta sa paghari isip Hari sa mga hari, ug kami misugod sa pagtan-aw nianang mga bulak nga sama sa “korona sa pagkamatarong” nga nagpaabot niadtong kinsa motuman sa ilang hugot nga pagtuo kang Jesukristo (tan-awa sa 2 Timoteo 4:7–8).
Linuto [Baked] nga mga makaon: Ang linuto nga mga makaon nakapahinumdom kanamo nga si Jesus mihulagway sa Iyang kaugalingon isip “ang pan sa kinabuhi” (Juan 6:35) ug kanang ngalan sa dapit nga natawhan ni Jesus, ang Betlehem, sa pagkatinuod napagsabot og “balay sa pan.” Kon kami makahatag o makadawat og linuto [baked] nga mga makaon sa Pasko, maghunahuna kami kabahin ni Jesus, ang Pan sa Kinabuhi, ug sa Iyang kaandam sa pagsustiner kanato ug pagkuha sa atong mga palas-anon diha Kaniya. Siya mihatag og mainiton ug makahupay nga kahupayan pinaagi sa pagpasaylo.
Mga Candy cane: Ang maanindot og puti nga kolor niining mga kalan-on sa Pasko nakahatag diha sa among hunahuna sa kaputli ni Kristo. Ang kurba nga porma nakapahimo kanamo sa paghunahuna sa tukon sa magbalantay ug kon sa unsang paagi si Jesus mao ang Maayong Magbalantay, kinsa mobantay ug mopanalipod kanato, nga Iyang karnero (tan-awa sa Juan 10:11–12, 14). Ang katam-is sa candy nagpahinumdom kanamo nga dili gayod pulihan og daotan ang kamaayo—o ang kapait sa katam-is, sama sa gipasidaan ni Isaias nga mahitabo sa ulahing mga adlaw (tan-awa sa Isaias 5:20).
Ang among eksperimento sa pamilya sa pagpangita ni Kristo diha sa tanang butang sa Pasko buhong kaayo nga migante kanamo sa wala damha nga mga paagi. Kami nakakaplag og mga saksi ni Kristo sa tibuok namong palibot, bisan sa mga kustombre sama sa mga medyas sa Pasko, Santa Claus, ug mga pajama sa Pasko. Kami mihimo sa espirituhanong buhat nga gikinahanglan aron makita ug madungog ang mga pagsaksi ni Jesus sa tibuok panahon sa Pasko.
Ang tinuyo nga pagpangita ni Kristo diha sa Pasko nagpadayon sa pagdugang og kamahinungdanon ug hilabihan nga kanindot sa paagi nga kami misaulog sa kapaskohan. Kami manghinaot nga samtang kamo mangita ni Kristo diha sa Pasko, ang Espiritu mogiya kaninyo ngadto sa mga pagpamatuod nga ang Langitnong Amahan gustong motudlo kaninyo ug sa inyong pamilya.
Kami mopamatuod nga ang tinuyo nga pagpili “Kinahanglang lig-on kitang nakatutok sa Manluluwas”—sama sa giawhag ni Presidente Russell M. Nelson nga atong buhaton atol sa 2020 nga debosyonal sa Pasko sa Unang Kapangulohan2—nagdapit sa Espiritu ug motabang kanato sa pagkahimong mas kontento aron nga magpabilin ang gibahandi nga mga talan-awon, mga sonata, kahumot, mga lasa, ug mga pagpamatuod sa Pasko.
Ang mga tagsulat nagpuyo sa Utah, USA.