“Sa Unsang paagi Kini nga mga Simbolo Nagpamatuod ni Jesukristo?” Liahona, Dis. 2022.
Dali, Sunod Kanako
Pasko
Sa Unsang Paagi Kini nga mga Simbolo Nagpamatuod ni Jesukristo?
Dili lang nga kining mga simbolo ni Jesukristo pamilyar ngadto sa mga tawo sa Iyang panahon, apan kini nagpamatuod sa Iyang tahas dinhi sa atong kinabuhi karon.
Mga paghulagway pinaagi ni Andrew Beck
Bitin nga Bronsi
“Sama nga giisa ni Moises didto sa kamingawan ang bitin nga bronsi nga gibutang ug tukon, ang Anak sa Tawo kinahanglan nga iisa usab:
“Aron ang tanan nga motuo kaniya makabaton [og] kinabuhing walay kataposan” (Juan 3:14–15).
Sa unsang paagi ang Manluluwas makatabang nimo nga molahutay sa inyong mga pagsulay?
Mana
“Kay ang pan nga gihatag sa Dios mao siya nga nanaog gikan sa langit ug naghatag ug kinabuhi sa kalibotan” (Juan 6:33).
Sama sa mga Israelihanon nga mipundok sa mana sa matag adlaw, sa unsang paagi ang “pagpundok” sa mga pulong sa Ginoo makapakaon sa inyong espiritu?
Tubig
“Ang tubig nga akong ihatag mahimo diha kaniya nga usa ka tuboran nga mohatag ug buhing tubig ug kinabuhing walay kataposan” (Juan 4:14).
Kon kamo moambit sa pan ug tubig sa sakramento, hunahunaa kon sa unsang paagi ang mga pagtulun-an ug Pag-ula nagtabang kanato nga mosarang alang sa kinabuhing dayon.
Nating Karnero
“[Gitubos] kamo sa bililhong dugo ni Kristo kinsa, sama sa nating karnero, walay buling o mansa” (1 Pedro 1:19).
Ang pagsakripisyo og mga hayop diha sa Daang Tugon nagsimbolo sa sakripisyo sa Ginoo alang kanato. Ang atong pagsakripisyo karon mao ang paghatag Kaniya og “usa ka masulob-on nga kasingkasing ug usa ka mahinulsolon nga espiritu” (3 Nephi 9:20). Kanus-a man kamo mibati nga kamo mihalad niana nga sakripisyo?