“Ang Pan sa Kinabuhi,” Liahona, Dis. 2022.
Dali, Sunod Kanako
Miqueas
Ang Pan sa Kinabuhi
Pagkatawo ni Jesus, ni David Cooke, all rights reserved 2022 / Bridgeman Images
Sa tibuok tuig karon, sa atong mga pagtuon sa Daang Tugon, atong nadiskobrihan ang daghang simbolo nga makatabang kanato nga mapalawman ang atong gugma ug panabot bahin sa Ginoo ug Manluluwas, si Jesukristo. Usa niining mga simbolo, bisan og dili kaayo dayag kay sa kadaghanan, mao ang dapit nga natawhan sa Manluluwas—ang Betlehem.
Bahin sa dapit nga natawhan sa Manluluwas, ang propetang si Miqueas namahayag, “Ikaw, O Betlehem Efrata, bisag ikaw gamay nga lungsod sa Juda, anha maggikan kanimo ang usa ka hari sa Israel, nga ang kagikan nagsukad pa gayod sa kakaraanan” (Miqueas 5:2).
“Ako mao ang pan nga naghatag og kinabuhi. Ang moari kanako dili na gayod gutomon” (Juan 6:35).
Detalye gikan sa Always Remember Him [Sa Kanunay Mohinumdom Kaniya], ni Robert T. Barrett
Si Presidente Russell M. Nelson nagtudlo: “Siya mipili nga matawo didto sa Betlehem, kasikbit sa Jerusalem. Nganong sa Betlehem? Aduna bay simbolikanhong kahulogan diha sa gipasabot sa ngalan nga Betlehem, nga diha sa Hebreo nagpasabot nga ‘balay sa pan’? Ang Talagsaong Tighatag mideklarar sa Iyang kaugalingon nga mao ang ‘pan sa kinabuhi.’ (Tan-awa sa Juan 6:48.) Pagkatukma gayod nga Siya, ang ‘pan sa kinabuhi,’nga moabot gikan sa ‘balay sa pan.’”1