Dali, Sunod Kanako

Hageo; Zacarias

Sa Unsang Paagi ang Ginoo Mohimo Kanato nga Balaan?

Imahe ni Kristo, ni Heinrich Hofmann

Sa Zacarias 3:3–7, gihulagway ni Zacarias ang usa ka panan-awon ni Josue ang halangdong pari. Diha sa panan-awon, ang usa ka anghel mikuha sa hugaw nga mga sapot ni Josue ug gipulihan kini sa limpyo nga mga sapot. Sa samang paagi, kon kita maghinulsol, si Jesukristo makatangtang sa atong mga sala. Kita mapasaylo ug mahimong mas balaan.

Unsa ang imong makat-onan kabahin sa kinaiyahan sa kabalaan gikan niining mga kasulatan kabahin sa sapot?

Puti nga Sinina isip Simbolo sa Kaputli

• Daniel 7:9

• Pinadayag 3:5; 7:9

• Alma 5:27

Mga Kupo sa Pagkamatarong

• Isaias 61:10

• 2 Nephi 4:33; 9:14

Ang Zion Mosul-ob sa Matahom nga mga Sapot

• Isaias 52:1

• Doktrina ug mga Pakigsaad 82:14

Mga Sapot nga Gihimong Limpyo

• 2 Mga Taga-Corinto 7:1

• Alma 5:21; 7:25

• Ether 12:37

“Ang mga kasulatan nagtudlo kanato nga lakip sa ubang butang, mahimo kitang putli ug mas mahimong balaan kon mopakita kita og hugot nga pagtuo diha kang Kristo, mopakita sa atong pagkamasulundon, maghinulsol, mosakripisyo alang Kaniya, modawat sa sagradong mga ordinansa, ug motuman sa atong mga pakigsaad ngadto Kaniya. Ang pagkahimong takos alang sa gasa nga pagkabalaan nagkinahanglan og pagpaubos, kaaghop, ug pailob.”

Presidente Henry B. Eyring, Unang Magtatambag sa Unang Kapangulohan, “Pagkabalaan ug ang Plano sa Kalipay,” Liahona, Nob. 2019, 100–101.

Panaghisgotan

Sa unsang mga paagi nga si Jesukristo mihimo kaninyo nga mas balaan? Unsa ang inyong buhaton aron makadawat sa Iyang gasa sa pagkabalaan?