Lokol Pej
Ol Sents blong Niue Oli Ekperiensem Glad blong Wosip insaed long Tempol afta kolosap Tri Yia
“Mi filim olsem se evri trabol mo wari blong mi i lus.”
Blong fastaem long 27 yia, ol memba blong Lakepa–Toi Niue Branj, wan smol kongregesen blong Jos Ia blong Jisas Kraes blong Ol Lata-dei Sent, we ol i travel 2484 kilometa longwe long hom aelan blong olgeta blong wosip tugeta long Hamilton Niu Sila Tempol long Jenuary 2023.
Wanwan man mo woman mo ol famli oli sevem mane, mekem mane, mekem plante prea mo fas blong mekem trip ia i hapen.
Olgeta evriwan oli tekpat long famli histri research, karem tugeta infomesen blong 120 famli we oli lavem tumas we oli ded finis.
Insaed long tempol, ol memba blong Niue oli kasem baptaes mo ol nara tabu odinens blong olgeta famli we oli ded finis.
Tempol webaet blong Jos i talem se: “Ol dotrin blong sam odinens (i stap long ples blong) i bin oltaem pat blong gospel blong Jisas Kraes. I tru, Atonmen blong Hem i wan eksperiens we Hem wan nomo i gat long hisri blong wol. Tru long sakrifaes blong Hem, Hem i mekem blong evri pipol wanem we yumi no save mekem blong yumiwan. From Hem, evriwan bae oli laef bakegen. Evriwan bae i harem gospel, mo evriwan bae i gat janis blong gobak long Papa mo Mama blong yumi long Heven.”1
Presiden Timothy Wilson, lida blong Branj blong Lakepa–Toi Niue, i talem, “Hem i gud tumas blong luk plante long yumi ol memba blong Branj . . . yumi stap mekem tabu wok blong olgeta we oli ded finis.”
Hem i ademap, “Mifala i filim se mifala i stap kolosap long Sevya Jisas Kraes insaed long tempol. Hem i wan samting blong leftemap tingting blong mi long saed blong spirit, blong ol Branj memba we oli nomo go long tempol longtaem, mo blong ol yut blong mifala we oli eksperiensem tempol blong fastaem.”
Moreoni we i gat 13 yia i stap wetem sista blong hem, Laris, mo apuwoman blong hem Tapu Pihigia.
“Taem mi wekap long fored blong tempol, mi filim olsem se evri trabol mo wari blong mi oli lus,” Mereoni i talem. “Mi filim pis.”
Apuwoman blong hem i ademap, “Apugel blong mi i no stop blong tokbaot tempol trip taem mifala i kambak hom.” Bae mitufala i neva fogetem trip ia i go long tempol.”
Ol lata-dei Sent i luk tempol olsem ol moa tabu ples long wol, ples we oli save lukaotem blong kam moa kolosap long Sevya, mo ples we famli relesensip i save stap blong taem we i no save finis.
Presiden Alan Leuluai, wan memba blong Niu Silan Oklan Misin Presidensi, i mit wetem ol yut bifo oli statem rod blong olgeta i gobak long Niue.
Hem i givim kaonsel long olgeta blong “tingbaot ol filing we [oli] filim insaed long tempol.”
Presiden Leuluai i komperem tempol long Sta blong Devid we i lidim ol waes man i go long pikinini ia Kraes, mo leftemap tingting blong ol yut blong kam waes mo “letem tempol i kam sta blong olgeta, blong lidim rod blong olgeta i go long laef we i no save finis.”
11 yang pipol we oli pat blong grup ia, oli atendem BYS tu, Blong ol Yut Oli Kam Strong, wan yut konfrens we Jos i lukluk long hemia long Oklan, Niu Silan long Jenuware.