Lokol Pej
Volebol Sta i Winim Ol Gud Samting mo Putum Pleplei long Saed blong Givim Seves long Ol Narawan
Evri-Man Amerika we oli stap plei oli “lukaotem” ol pipol blong Niu Silan.
Misinari ia i tikim evri boks olsem oltaem—hem i werem waet sot mo tae, i rere long ol skripja blong hem, mo i gat wan stret fet long God. Be i gat samting we i mekem Elda Gavin Chambers oli luksave hem aot long plante man.
Chambers i gat 206 sentimita, evri-Man Amerika volebol we oli stap plei. From Korona, Kalefonia, hem i jenisim volebol klos i go long wan ful taem misinari.
Elda Chambers i bin stap sevem misin long Papatoetoe eria blong Niu Silan Oklan Misin, ples we hem i stat blong trenem wan junia misinari kompanion, Elda Bryce Jacobson “Mi lukluk Elda Chambers antap tumas,” Elda Jacobson i talem, i klia se hem i stap talem hem olsem wan senia kompanion. Be long longfala blong hem, stap lukluk antap from hem i samting we i nomol long Chambers.
Oltaem hem i longfala. “Long taem we mi gat 13 yia mi gat 182 centimita finis”. Be tru gro blong mi i no stat kasem taem seken yia blong mi long hae skul.” Hem i kasem longfala blong hem taem hem i stap long senia yia blong hem, mo wetem fulap longfala pikinini, oli ting se bae hem i plei basketbol. Be hemia i no olsem.
“Mi neva laekem basketbol” hem i talem. “Ol narafala pikinini mo koj oltaem oli mekem fani long mi, oli talem se bae mi no save jiam.”
Mama blong hem i leftemap tingitng blong hem, blong traem wan lokol volebol lik tim. “Mi neva gat bigfala gud taem long spot bifo, Chambers i talem. “Mi benem mi! Nomata se mi no gud tumas, mi go bak hom mo talem long mama blong mi se volebol i spot blong mi!”
I gud tumas koj blong klab i helpem hem blong faenem ples blong hem insaed long gem, mo from longfala blong hem, oli mekem hem i wan man blong blok long medel. Nao ia, hevi blong “stap longfala” i stat blong pemaot. Afta, wan sisen blong volebo; klab, hem i glad blong joenem tim blong hae skul blong hem mo testem niu ol skil blong hem. Be trabol i kasem hem long fas scrimej blong hem.
“Mi jiam mo traem blong blokem bol, mo taem mi kambak daon mi stanap long lek blong wan narasaed long net mo brokem joen blong lek blong mi,” Chambers i talem. “Mi mas werem wan but long evri ples afta long hemia mo mi no bin plei long evri fresman sisen blong mi.”
“I bin nogud blong stap mekem progres long wan niu spot we mi laekem tumas afta mi lusum ful sisen ia.”
Be long asis blong wanem i bin hapen i kam “foniks” blong wan evri-sta wok. Tri yia i pas, Chambers i kam wan man we oli fraet long hem long kot, i pulum atensen blong ol volebol kolej tim long YS. Hem i no akseptem ol skolasip we ol nambawan skul oli givim—Stanfod mo UCLA i sam long olgeta—long wanem we hem i wantem tumas: blong plei blong nasonal-rangk blong Bringham Yang Yunivesiti long Provo, Yuta (YSA).
Yut karia blong Chambers i kam antap long manis Jun kasem Okis blong 2022, wetem viktri blong Orenj Kost Volebol Klab blong hem long Anda 18 nasonal klab volebol jampionsip. Nem blong Chambers i fas-tim evri-man Amerika i kam long Volebol Koj Asosiesen blong Amerika. Pikinini ia we i “no save jiam” i pruvum long evriwan we oli stap jik nogud.
“Afta long tunamen ia . . . mi tekem sam wik mo spel wetem glad long evri samting—mi werem gol medol blong mi . . . mo enjoem win ia,” Chambers i talem. “Be afta mi save se hemi taem blong muv i go fored wetem laef blong mi.”
Hemia i minim blong akseptem kol blong hem blong givim seves olsem wan ful taem misinari blong Jos Ia blong Jisas Kraes blong Ol Lata-dei Sent. Wetem niu samting we plante oli save hem long hem, wan i maet tingitng se bae i had blong lego volebol, be Chambers i mekem desisen ia finis olsem wan 12 yia boe. Hem wantem blong givim seves long Lod taem hem i invaetem ol naraman i kam long Kraes. Blong go long misin hemi wan stret samting blong mekem.
“I tru, hemi had blong stop blong plei volebol . . . be mi bin prea from desisen ia, mo mi filim strong se plan we Papa long Heven i gat long mi i blong givim seves long wan misin stret afta long hae skul.”
Hem i talem se desisen eli long laef blong hem i mekem i moa isi blong manejem evri nara samting we i save hapen olsem ol rod blok blong misinar wok. “Yu wantem mekem sua se yu prea abaot desisen ia, tu, from yu save gat ol tingting abaot wanem yu wantem blong mekem wetem laef blong yu, be plan blong yu mo hemia blong Papa long Heven we i gat blong yu i maet difren.”
From isiu blong visa blong Niu Silan, Chambers i statem misinari wok long Wes Verjaina Jalston Misin. Long ples ia, hem i luk ol pipol long sam harem nogud blong ekonomik, be Chambers i faenem se oli putum tingting blong olgeta i stap daon, mo stap lukaotem gaed long saed blong spirit long laef blong olgeta.
Gospel blong Jisas Kraes i ansa.
Situesen long Niu Silan i difren bigwan, be ol pipol long ples ia tu oli stap lukaotem ol ansa blong ol kwestin long laef. “Mifala i mekem fren long evri ples we mifala i go long hem, toktok long ol pipol mo serem plan blong hapines blong God wetem olgeta,” hem i gohed. “Wok i had, mo ol pipol oli no wantem mifala . . . be mifala i gat strong fet se bae mifala i faenem ol pipol we oli stap lukaotem jenis long saed blong spirit long laef blong olgeta,” hem i talem. “Taem oli rere blong lisin bae mifala stap go long olgeta, blong ansarem ol kwestin mo helpem olgeta blong lanem wanem blong mekem.”
“Taem mi stap lukluk bak naoia mi save luk olsem wanem Lod i ansarem ol prea blong mi, mo helpem mi faenem stret taem ia blong sevem misin,” Elda Chambers i talem. “Blong stap mekem ol samting long wei blong Lod, mi bin save kasem wan janis blong plei long wan kolej we bae i tekem mi blong save givim seves long wan misin mo laef long volebol drim blong afta long hemia.”