Lokol Pej
Fas Niu edisen blong kopi blong ‘Ka Buke a Moramona’ i kamaot
Ajivis i lukaot blong givimaot ol kopi blong Buk blong Momon we i stap long lanwis blong Haiwai.
Taem Brooks Haderlie i wok long Yunivesiti Ajivis long BYU-Hawai, hem i lanem abaot Buk blong Momon we i niu long lanwis blong Haiwai, “Ka Buke a Moramona.”
Hem i tingting se bae i gud blong save hamas kopi i stap yet, sapos nomo blong onarem ol efot blong olgeta we oli bin wok had blong mekem Buk blong Momon i gat akses long toktok blong Ol Man Hawai long medel blong 1800.
Bifo hem i givim seves olsem Jos Histri misinari long Otrelia, Elda Haderlie mo waef blong hem, Sista Laurie Haderlie, i wok blong mekem lis blong evri palik kopi blong wanwan edisen blong Ka Buke a Moramona, speseli fas edisen blong 1855.
Long 1820, ol misinari blong Protestan i wok blong mekem fas apfabet we ilu raetem blong lanwis blong Hawai. Hemia i mekem se Baebol i save translet mo pritim long lanwis blong Hawai long 1838.
Long medel blong 1800, Elda George Q. Cannon i bin faswan blong transletem Buk blong Momon i go long lanwis blong Hawai wetem help blong Ol Stret Man Hawai Jonathan Nāpela mo J. W. H Kauwahi. Sam handred kopi nomo i stap bifo haf long ol pej we oli printim i bon long faea.
Wetem ol pepa ia we oli lus, sam moa kopi oli no save mekem- blong mekem fas edisen blong Buk blong Momon long lanwis blong Hawai hem i niu. Hem i stap tu long lis blong Lata-dei Sent buk we i ekspensiv tumas mo oli tekem i gat moa valiu long hemia blong fas Inglis buk edisen kopi blong 1830.
Long 2021, blong fastaem, Ol Man Hawai oli gat akses long ful standet blong LDS Skripja long Gospel Laebreri, wan onlaen sos blong skripja mo gospel stadi.
Tedei, 22 kopi nomo blong 1855 fas LDS edisen ka Buke a Moramona i stap olbaot long fiftin laebreri.
“Infomesen ia i gat valiu long ol narafala wan long Pasifik,” Elda Haderlie i talem, “from Hawai vesen blong Bulk blong Momon i namba faef lanwis we buk ia i translet aot long Inglis, mo i wan fas fas lanwis edisen we i no blong Yurop. Stap wajem evolusen blong Hawai translesen i save mekem ol nara aelan long Pacifik oli talem tangkyu afta long translesen blong Buk blong Momon i go long stret lanwis blong olgeta, mo maet oli gat strong tingitng blong lukluk long olsem wanem ol translesen ia i stap blong mekem se ol pipol i save lan long stret lanwis blong olgeta.”
Hem i ademap, “Olgeta we oli luk 1855 Buk blong Momon long lanwis blong Hawai long Laie Hawai Tempol Visit Senta i save glad mo tangkyu from hem i wan presen.”