Elder Gregorio E. Casillas

Vakaitutu Raraba ena Vitusagavulu

A sucu o Gregorio Enrique Casillas e Tijuana, Baja California, Mexico, ena 26 ni Okosita, 1975. A vakaitikotiko e kea me yacova ni sa veiqaravi vakadaukaulotu tudei ena Tabana ni Kaulotu na Mexico Tampico.

Rau a vauci vata kei Alama Angelina Obeso Gonzalez ena Valetabu e San Diego California ena June 1999. Erau nodratou itubutubu e tolu na gone.

Ni bera ni rau vakamau, na veiyawaki ni vanua erau vakaitikotiko kina e 100 na maile (161 km) ni vuli tiko mai Tijuana o koya, ka vuli mai Mexicali o yalewa. Ena vica na vula ni bera na nodrau vakamau, rau a masu ka lolo me rau kila na vanua me rau tiko kina ka tekivuna na nodrau matavuvale. E nanuma lesu o Elder Casillas na veika e vakila mai vua na Yalo Tabu.

“Au nanuma ni keirau a lolo tiko, ni rogoca na Turaga ni kaya, “Kevaka na nomudrau ulunivanua o La Rumorosa [e dua na ulunivanua levu ka toka ena maliwa ni koro lelevu e rua], au na kauta tani,’” e kaya o Elder Casillas.

E kaya o koya ni a vagalalataka na Turaga na sala me rau tiko kina e Mexicali na veiwatini ena gauna a ciqomi koya kina vakasauri na univesiti mai kea me dua na gonevuli toki mai.

E Mexicali, “keirau sotavi ira na tamata keirau gadreva me keirau sota vata. Ka keirau veiqaravi ena veikacivi keirau gadreva me keirau veiqaravi kina, ” a kaya o koya.

Na veika oqo e tuvanaka e dua na ivakarau ni nodrau bula vata. “Ni da vakaliuca na Kalou, na veika kece tale eso ena kunea na vanua e dodonu me tu kina,” e kaya o Elder Casillas. “E gadrevi kina e dua na vakabauta lailai ka vakalailai na cakacaka, oti qai dodoka yani na Ligana na Turaga me vakalougatataki keda.”

A rawata o Elder Casillas e dua na diqiri ni bejila ena civil engineering mai na Universidad Autónoma de Baja California. A rawata talega e dua na master ni veiliutaki vakabisinisi mai na Xochicalco University. Sa cakacaka oti o koya ena veiliutaki ni cakacaka ni taravale ka se qai manidia ni iwasewase ni iyauqaqa ni valetabu me baleta na iWasewase e Mexico ni Lotu.

Sa veiqaravi oti o Elder Casillas vaka-Vitusagavulu ni iWasewase, peresitedi ni Tabana ni Kaulotu e Mexico Mexico City South, peresitedi ni iteki, bisopi, lewe ni matabose e cake, peresitedi ni kuoramu ni italatala qase, ka peresitedi ni Cauravou ena tabanalevu.