Peresitedi Paul V. Johnson

Peresitedi Raraba ni Matawilivola ni Sigatabu

Mai na nona cakacaka vaka qasenivuli ni semineri ki na ciwa na yabaki a Komisina tu kina ni vuli ena Lotu, sa sotava oti o Peresitedi Raraba ni Matawilivola ni Sigatabu o Paul V. Johnson e levu sara na kila ni veivakavulici ena kosipeli. Ia na ivakarau bibi duadua e kauta mai ki na nona veikacivi vou, e kaya o koya, sai koya “na noqu lomana na Tamaqu Vakalomalagi kei na iVakabula kei na noqu lomani ira na itabagone kei ira talega na tamata.”

A sucu o Peresitedi Johnson ena 24 ni June, 1954, mai Gainesville, Florida, Amerika, vei rau o Vere Johnson kei Winifred Amacher. Ni bera ni yabaki dua, rau a toki na nona itubutubu ki Logan, Utah, Amerika, ka rau susugi koya cake kina kei iratou na tacina e vitu.

A veikilai kei Jill Washburn, ka qai watina e muri, ena gauna a tauri kina me qito football ena koronivuli torocake mai Monticello, Utah, mai vua e dua na dauniveivakatavulici e liu ka a toki mai Logan. Rau a sota taumada o Paul kei Jill, ia oqo erau sa mai veitokani ni rau tiko ena dua ga na tabanalevu kei na kalasi ni semineri. A volavola vua o Sisita Johnson ni laki kaulotu tudei mai Norway.

Erau a vakamau ena 18 ni Okosita, 1976, ena Valetabu e Logan Utah. E lewe 9 na luvedrau ka 43 na makubudrau.

Erau sa sotava vata na Johnson na nodrau iwasewase ni veivakatovolei, mai na nona takali e dua na luvedrau yalewa ki na kenisa ki na nodrau sotava na nodrau dui bolebole ni bula. Ia e kaya o Peresitedi Johnson ni veika oqori sa tara cake na nona rai me baleta na ituvatuva ni Kalou. “Au vakabauta ni vakavuna, me vaka niu qasenivuli, na gagadre meu vukei ira na itabagone me ra taura matua na iVakabula ka dewa yani vei Tamadra Vakalomalagi,” a kaya o koya.

A rawata o Peresitedi Johnson e dua na diqiri ni bejila ena zoology ena 1977 kei na dua na diqiri ni master ena veivakasalataki kei na veidusimaki ena 1978, mai na Brigham Young University. A rawata e dua na diqiri ni master ni vuli mai na Utah State University ena 1989.

A tokoni o Peresitedi Johnson me dua na Vitusagavulu Vakaitutu Raraba ena Epereli ni 2005 ka sa veiqaravi tiko vaka-lewe ni Mataveiliutaki ni Vitusagavulu me tekivu mai na ika 1 ni Okosita, 2021. Sa veiqaravi oti vakadaunivakasala ena Mataveiliutaki ni iWasewase e Iurope, daunivakasala ena Mataveiliutaki ni iWasewase e Chile, daunivakasala ena mataveiliutaki ni iteki, kei na bisopi.

Ena soli vua na itutu vaka-emeritus, me tekivu ena 1 ni Okosita, 2024, ena gauna e tekivu kina na nona veikacivi vou.