iTukutuku ni Lotu

Volia na Lotu na Valetabu e Kirtland, Na iYauqaqa Tale Eso ni Lotu

Ena ika 5 ni Maji, 2024, na itavi kei na kena taukeni na Valetabu e Kirtland mai Ohio, e vica na vale vakairogorogo mai Nauvoo, Illinois, kei na veimataqali ivolavivigi kei na iyaya vakadonui a vakadewataki mai na Community of Christ ki na Lotu i Jisu Karisito ni Yalododonu Edaidai ena dua na umailavo vakadonui.

A vakatabui na Valetabu e Kirtland ena 1836 (raica na Vunau kei na Veiyalayalati 109–110), ia era a biuta tu na Yalododonu ena vuku ni veivakacacani. Ni oti na kena sa mai veisau na kena taukeni wale tikoga oqo, a sogo na valetabu ena dua na gauna lekaleka ia a qai dolavi tale ena ika 25 ni Maji me baleta na veivakasarasarataki raraba ka sega ni saumi. Ena dua tu ga na vale vakairogorogo.

Sa vakakina, mai Nauvoo na Smith Family Homestead, na Mansion House (na vale nei Josefa kei Emma mai na 1843 me yacova na nona mate ena 1844), kei na Red Brick Store (na vanua a tauyavutaki kina na iSoqosoqo ni Veivukei) a dolavi talega me baleta na veivakasarasarataki raraba ena loma ni yabaki taucoko ka sega ni saumi.