iTukutuku ni Lotu

Veiqaravi ni Mataveiliutaki Taumada

Ena dua na itukutuku ni ena tabana vakaitukutuku raraba ka tabaki ena ika 14 ni Feperueri, 2024, a sureti keda kece o Peresitedi Russell M. Nelson me da vakayagataka na Siga ni Valentine me ivakananumi ni noda yalataki keda tale me da lomani ira na wekada. E kaya o Peresitedi Nelson ni siga oqo era dau marautaka kina na loloma na tamata e vuravura taucoko. E dina ni dau yaco na loloma ena so na gauna me baleta na senikau, jokeliti, kei na isolisoli, “na ikarua ni ivakaro cecere e vakavulica e duatani na mataqali loloma—me da lomani ira vagumatua na wekada.”

Ena ika 15 ni Feperueri, eratou a kidavaka kina na peresitedi kei Navajo Nation o Peresitedi Nelson kei rau na nona daunivakasala o Vuniwai Buu Nygren kei na watina, na First Lady Jasmine Blackwater-Nygren, ki na Lomanibai ni Valetabu. O Vuniwai Nygren e vakadeitaka me kauta mai na veika taumada me vaka na wai, livaliva, kei na gaunisala vinaka ki na veivale kece na Navajo. Ena veiyabaki sa oti oqo, sa veivuke na Lotu i Jisu Karisito ena kena kau mai eso na ka oqori ki na Matanitu o Navajo.

Ena kakaburaki ni iTokani ki na iTokani ena ika 9 ni Maji, erau a veivosaki o Peresitedi Dallin H. Oaks, na iMatai ni Daunivakasala ena Mataveiliutaki Taumada, kei na watina, o Kristen, vata kei na vitu na makubudrau vakarua ka ra sa yabaki ni Lalai me baleta na sala me ra rogoca kina na Yalo Tabu kei na veika e cakava na Yalo Tabu—veivakasalataki, veivakacegui, vakadinadina, veidusimaki, veivakavulici, kei na vuqa tale.

“O ira na tisaipeli i Jisu Karisito era vakarorogo vei Jisu Karisito,” e kaya o Peresitedi Oaks. “Ena so na gauna e dau solia vei keda o Koya e dua na yalo, ena so na gauna e dua na vakasama. Ena so na gauna eda rogoca na Domona. Sa kerei keda o Peresitedi Nelson, na noda parofita, meda vakatudaliga vua na noda iVakabula ka rogoci Koya.”

Ni oti e 61 na yabaki ni nona vakamau, a vakamoce vakawawa o Peresitedi Henry B. Eyring, na iKarua ni Daunivakasala ena Mataveiliutaki Taumada, vei watina o Kathleen, ka a mai takali ena ika 15 ni Okotova, 2023. E kaya o Peresitedi Eyring, “O Kathleen e dau dua tu ga na tamata ka vakavuna meu vinakata meu yacova na kequ ituvaki vinaka duadua.”

“Ena ika 24 ni Maji, a vakatabuya kina o Peresitedi Eyring na Valetabu na Red Cliffs Utah mai St. George, Utah, Amerika; “O na kunea e dua na reki ena nomu veiqaravi eke ka sega ni tiko ena dua tale na sala,” a kaya ena gauna ni lotu ni vakatatabu.