ʻOku ʻi Heni ʻa e Siasí

Nailopi, Keniā

mapé ʻoku siakaleʻi fuopotopoto ai ʻa Keniā

ko ha monumanu ko e kasiela (gazelle) ʻi ha loto ʻataʻatā mo e ngaahi fale māʻolunga ʻi mui

Ko e ongo meʻa naʻe fuofua kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Keniaá naʻe papitaiso mo hilifakinima ʻi he 1979. ʻI he taʻu hono hokó, naʻe tūʻuta ai ʻa e ongo ʻuluaki faifekaú, ko ha ongo faifekau matuʻotuʻa, ki Keniā. ʻI he 1981 naʻe fokotuʻu ai ha kolo ʻe ua ʻi Nailopi mo Kipoko. ʻI he ʻaho ní, ko e Siasí ʻi Keniā ʻoku ʻi ai ha:

• (fakafuofua ki ha) kāingalotu ʻe toko 17,430

• siteiki ʻe 2, uooti mo e kolo ʻe 57, misiona ʻe 1

• temipale ʻe 1 kuo ʻosi fanongonongo (Nailopi)

Ko e Maʻu ʻa e Fiefiá ʻi he ʻEikí

ʻI he hoko ʻa Keleti ʻOnitali ko ha mēmipa foʻou ʻo e Siasí, ʻokú ne fiefia ʻi he ongoongoleleí pea naʻa mo e taimi ʻoku fepaki ai mo e ngaahi faingataʻá: “ʻOku ou fiefia ʻaupito! Kuo fakaʻā ʻe he ʻEikí hoku matá ʻi he taimi totonu. ʻOku ou ʻilo ko Sīsū Kalaisi hoku hūfangaʻangá ʻi he taimi ʻoku faingataʻa aí.

fefine tui ʻēpani ʻoku malimali

Faitaaʻi ʻe Lucy Stevenson Ewell

Ngaahi meʻa lahi ange fekauʻaki mo e Siasí ʻi Keniā

• ʻOku ʻi ai ha talavou mei Keniā ʻoku ngāue fakafaifekau ʻi he tokelau hihifo ʻo e ʻIunaiteti Siteití, ʻa ia ʻoku lava ai ʻo tokoni ki he kau kumi hūfanga ʻAfiliká.

• Ko ha kiʻi fakamatala mo ha fakamoʻoni nounou mei ha finemui ʻoku nofo ʻi Keniā.

• Ko ha talavou ʻoku nofo ʻi Keniā ʻokú ne vahevahe ʻa e founga kuo fakamālohia ai ia ʻe Kalaisi ke ne fakahoko ha ngaahi meʻa faingataʻa.

• ʻI he moʻui ʻaki ʻe he kāingalotu ʻi Keniaá ʻa e ongoongoleleí, ʻoku nau hanga ai ʻo ngaohi ha ngaahi ungaʻanga mei he ngaahi haʻahaʻa ʻo e māmaní.

• ʻOku hanga ʻe ha palōfesa ʻo e hisitōlia ʻo e Siasí ʻo fakamatalaʻi ʻa e tupulaki ʻa e Siasí ʻi Siulu ʻi Keniaá.

ʻata ʻo e kolo ko Nailopí

loto kolo ʻo e kolo lahi ko Nailopí Naʻe fokotuʻu ʻa e fuofua siteiki ʻo e Siasí ʻi Keniaá ʻi Nailopi ʻi he ʻaho 9 ʻo Sepitema, 2001.

Ko ʻEletā Sitati mo ha tokotaha ngāue langa ʻi he tuʻuʻanga ʻo e temipalé

Lolotonga e hoko ʻa ʻEletā Siosefa W. Sitati ko e Palesiteni ʻo e ʻĒlia ʻAfilika Lotolotó, naʻe ʻaʻahi atu ha tangataʻi fonua Keniā ki he feituʻu ʻoku langa ai ʻa e Temipale Nairobi Kenya mo e kau taki ʻo e Siasí ʻi he ʻaho 21 ʻo Mē 2022.

ongo tangata ʻokú na tangutu fakataha

ʻOku mahuʻinga hono tukufakaholo ʻo e hisitōlia fakafāmilí. ʻOku ʻi ai ha ngaahi senitā FamilySearch ʻe nima ʻi Keniā, pea ʻoku ʻalu ai ha kau fakafofonga ngāue ʻi he feituʻú ʻo tānaki ha ngaahi hisitōlia ʻoku fakamatala ngutu pē te nau lava ʻo tauhi ki he ngaahi toʻu tangata ʻi he kahaʻú.

faʻē mo ha ongo tamaiki fefine

Naʻe kamata ʻa e Siasí ʻi Keniā ʻaki e fakataha pē ʻa e kāingalotú ʻi he ngaahi ʻapí. ʻI he ʻaho ní, ʻoku laka hake ʻi ha haʻofanga lotu ʻe 50 ʻo e Kāingalotú ʻi Keniā.