Itulau i le Lotoifale
O Le Tagata e Toatasi na Faia ia Sili atu le Olaga mo Tagata o Kiripati
Ua faia e Eritai Kateibwi ia sili atu le olaga mo tagata o lona atunuu o Kiripati.
“E i ai i tagata o lo matou motu se sootaga malosi o le tasi i le isi,” o lana tala lea. “O le upu ‘aiga’ e taūa tele, e uunaia ai a’u e fesoasoani i o’u lava tagata.”
Na a’oa’oina Eritai i metotia faifaatoaga e faaaoga ai le suavai nai lo le palapala ao aoga i le Iunivesite o Polika Iaga-Hawaii. Sa ia faaaluina le faitau selau o itula e atiina a’e lena auala i se fofō e ave i ona tagata.
Na toe foi o ia i Kiripati i le 2017 ma faalauiloa atu le metotia faifaatoaga lenei e faaaoga ai le suavai i aiga ma nuu e faafetaiaia ai luitau o loo feagai ma le mauaina o taumafa maloloina. Sa ia faamatalaina e faapea “na maua ai se suiga maloloina mo taumafa gaosi o loo taumafaina e tagata.”
E ui lava o loo faaauau pea e Eritai ona galue mo le atinaeina o lenei faiga i lona motu, o Marakei, o lana taulaiga sa faamuamuaina sa suia mai faatoaga e faaaoga ai le suavai i galuega faakamuta faatasi ma le lagolago faufautua mai ia Jeff ma Judy Brock.
Sa la auauna atu o ni faifeautalai mo fesoasoaniga alofa a le Ekalesia a Iesu Keriso o le Au Paia o Aso e Gata Ai.
Sa fai mai Judy, “Sa tuu atu e Jeff ia Eritai ni mea faigaluega ma i le taimi nei, ua avea Eritai ma tagata e ‘o i ai’ mo galuega uma faakamuta.”
O lana faamatalaga e uiga ia Eritai e fetaui lelei ma le ala na ui mai ai i lona olaga: “Ua avea nei Eritai ma se konekarate faamuamuaina i le lotoifale ma o loo ia faia vavega,” o lana tala lea.
Fai mai Eritai e na te lagona le fiafia ma le faamalieina ina ua uma ona ia vaaia le fausiaina o se fale o le ekalesia e faaolaina i le malosiaga mai le la, ma le fale mo faifeautalai i Tabonibara, Tarawa i Matū.
“Ou te le’i faia lava se mea e pei lona taūa o lenei,” sa faamatala mai ai e Eritai.
Sa ia faamatala mai tali i “tatalo e tele” i le taimi o le fausiaina o ia fale. Na ia iloaina le ofoofogia o le auala “na fetaui lelei uma ai auiliiliga taitasi o fuafuaga faataatitia, ma sa mafai ona latou faamae’aina vave e ui lava i faaletonu i galuega faatino ma tulaga o le tau.”
O loo galue foi o ia i se galuega o le faamamāina ese o le masima mai le suasami o loo faatupeina e le Ekalesia a Iesu Keriso o le Au Paia o Aso e Gata Ai e galulue faatasi ai ma le malo o Kiripati ma le Vaega o le SUEZ.
O le aoaoga na tuuina atu e Elder ma Sister Brock na matuā aoga lava, ona o ni nai tausaga mulimuli ane na avea ai i la’ua ma pule o galuega mo le poloketi o le suavai faamama a le atunuu,” fai mai ai Ruth Cross, o le pule o le uelefea ma le ola tutoatasi mo le Ekalesia i Kiripati ma o le tagata faamaopopo i le lotoifale mo le poloketi o le suavai faamamā.
O Eritai Kateibwi o se faataitaiga sili o le galue malosi ma le naunautai e fausia i luga o le faatuatua i le Atua,” o le tala lea a Cross. O le lagona loloto o le tuuto o Eritai e tuleiina le faanatinatiina o se vaaiga mamao fefaasoaai e fesoasoani i tagata.”