Ngaahi peesi fakalotofonuá
Ol Man blong Miusik long Melbon oli Faenem Merikel long Wei blong Miusik.
Ol yia blong merikel mo spesel janis i lidim man Australia, Scott Hamilton, i go long Preswoti Awod aot long fil blong wok blong developmen oganaesesen, Lata-dei Sent long pablising, Media mo Art (LDSPMA).
Sacott i wan memba blong Jos ia blong Jisas Kraes blong Ol Lata-dei Sent, we i go long LDSPMA Awod Gala we oli mekem long Yuta Vale Yunivesiti, YSA, las Oktoba, long ples ia hem i akseptem Preswoti Awod blong wan eksampol vidio blong orijinol singsing blong hem, ‘I See the Christ.’
Scott i raetem wan singsing blong win blong wan miusik we hem i stap developem we oli singaotem One Spring Morn, we i selebretem laef blong profet Josef Smit mo waef blong hem Ema. ‘I See the Christ’ mo nara singsing blong miusikol, ‘Bring on Tomorrow’, we tugeta oli putum long sot lis blong awod long Miusikol Teat grup.
Oli prodiusum long Sol Lek Siti long 2022, eksampol vidio blong ‘I See the Christ’ ol fija blong hem we i sing Casey Elliot, blong olgeta tri Gentri, mo Savannah Stevenson, wan woman blong Wes London En we i stap lid. Jayne Galloway i plei long piano mo Grammy i jusum selo, Nicole Pinnell.
Scott i luk Nicole blong fastaem long adoptesen film blong Rob Gardner blong miusik prodaksen, Lamb of God, we hem i plei tru long selo, hem i stap blong ripresentem voes blong Kraes. Folem wan insperesen we i kam long hat blong hem, Scott i toktok long hem tru long sosol media.
Scott i talem, “Mi filim se i tru, Papa long Heven i openem doa long mi tru long naesfala talen, kaen fasin mo ol koneksen blong Nicole.” “Mi talem tangkyu we hem i gat hat blong wantem blong lisin long miusik blong mi.”
Nicole i tokbaot Scott long Casey Elliot, mo Scott i toktok long Savanah, hemia tu tru long sosol media, afta we hem i luk wanem we hem i mekem long wan program blong Brigham Yang Yunivesiti. Savannah i singsing hemwan long, “Bring on Tomorrow,” mo i singsing, ‘I See the Christ’ wetem Casey.
Taem oli komplitim blong rekodem eksampol vidio, sot taem afta we oli kambak long Autralia, Scott i kasem wan sik long bren mo i gat blad insaed long bren blong hem. Wan emejensi operesen i sevem laef blong hem mo tangkyu long merikel—hem i bin save gohed wetem miusik blong hem.
Long semmak yia long Mei, hem i lidim tu rekoding blong singsing, we i konek tru long Zoom long Salt Lake City Funk Studio.
“Oltaem mi talem tangkyu i go long Papa long Heven mo ol naesfala dokta we oli mekem operesen blong sevem laef blong mi, mo long waef blong mi Jo blong pusum mi wetem kaen fasin long rod blong miusik ia blong kolosap 15 yia,” Scott i talem.
Hem i tangkyu from papa mo mama blong hem Nanette mo Frank we i groem miusik talen blong hem stat taem hem i smol. Smol taem bifo mama blong Scott i ded long 2020, Scott i promesem hem se bae hem i gohed blong raetem miusik, mo hem i mekem.
“Blong gat wan singaot we i kolosap wetem ded i mekem wan blong tingting bakegen nomo long ol wanem we i kam faswan long laef blong wan.” Long mi, oli ol fet mo famli, mo yes hem i moa fet-long miusik we i givim insperesen,” Scott i talem.
Naoia hem i stap oganaesem mo rere blong putumaot, One Spring Morn, miusik blong hem we oli wet longtaem from. Wetem wan fas miusik long 2025 we oli stap tingting long hem—205 yia stret stat long Fas Visen blong Josef Smit—stori blong hem bae i lukluk long ol eksperiens blong Josef mo Ema Smit, ol filing blong fet mo divosen blong tufala long Sevya, Jisas Kraes, mo fasin blong tangkyu blong tufala from bigfala sore blong Hem.
Redi blong wajem konset we i folem miusik ia long Melbourne, Australia, long Jun ia.