Ngaahi peesi fakalotofonuá
Stat long Gol i go long Sakses: PathwayConnect Success blong Lotu
Long 2023, Tuipulotu Tupou, we ol fren blong hem oli save hem olsem Lotu, i faenemaot PathwayConnect tru long yangfala sista blong hem, wan we i jes graduet, i toktok plante abaot program ia. Wetem strong tingting ia blong ol skolasip we i save help wetem ol skul fi, Lotu i jusum blong enrol. “Mi bin glad blong harem abaot janis ia mo blong joenem program ia,” hem i talem bakegen.
PathwayConnect, we Bringham Yang Yunivesiti i bilidimap, i givim wan gaed long rod blong ol studen raon long wol blong mekem save blong olgeta long saed blong stadi blong laef, profesenol mo spirit i kam antap moa. Program ia oli mekem speseli blong ol pipol olsem Lotu, we oli wantem tumas blong kam gud moa long laef be oli faenem ol wei blong edukesen long saed blong kalja i had blong go tru.
Nomata long intres blong hem, PathwayConnect i wan jalenj yet long Lotu, speseli long saed blong lanwis. “Bifala jalenj hemi blong stap raet,” hem i talem. “Mi no bin intres, mo Inglis i seken lanwis blong mi, be mi gat strong tingting blong gohed blong stap traem—nomata wanem—blong mekem ol gol blong mi i hapen.” Wetem strong tingting blong mekem i hapen, Lotu i gohed mo mekem ol lanwis skil blong hem i kam gud moa.
Hadwok bong hem oli pemaot taem hem saen tru long PathwayConnect. “Mi glad blong kasem wan A gred evri semesta,” hem i talemaot wetem fasin blong tangkyu. “Hem i wan blesing blong mi, mo [from] Papa blong yumi long Heven, mi save se mi no stap miwan. Hem i leftemap mi mo i helpem mi blong winim [ol jalens].”
Long Lotu, hemi no abaot sakses blong hemwan; hem i wantem blong letem hemwan i go tru long edukesen we i moa hae mo blong krietem bisnis. “Mi stap luk fored blong gohed long digri blong mi long Bisnis Manejmen blong mekem se mi save wok blong miwan, mo no dipen long wan be blong stanemap bisnis blong miwan mo helpem ol narafala pipol we oli nidim help blong mi.” Strong tingting ia i go wetem ol tijing blong Elda Russell M. Nelson, we hem i tokbaot moa long 2013 long wan toktok se, “Edukesen i mekem i gat difren bitwin blong wis se yu save helpem ol nara pipol mo fasin blong save helpem olgeta.”
Jos Ia blong Jisas Kraes blong Ol Lata-dei Sent i leftemap impoten blong edukesen olsem wan konaston blong fasin blong dipen long yuwan. Presiden Thomas S. Monson i talem:
“Mi askem yufala blong traehad long edukesen blong yufala … se bae yu save rere blong givim sapos i gat ol situsen olsem nid.
“Ol talen blong yu bae i kam mo bigwan taem yu stadi mo lan. Bae yu save helpem gud ol famli blong yu blong oli lanem samting, mo yu save gat pis long tingting taem yu save se yu bin rere long yuwan from ol samting we bae yu fesem long laef.”
Wan yang mama wetem wan famli we i stap gro, Lotu i fulap long andastaning abaot ol prinsipol we i klia moa taem hem i stap folem rod ia tru long PathwayConnect, stap kam antap long ol skil blong laef, stap gro long saed blong spirit, mo stap rere blong developem edukesen blong hem long Brigham Yang Yunivesiti–Aedaho. I bin wan drim blong hem stat long hae skul, blong wan dei bae hem i kasem wan bajela digri blong mekem se hem i save dipen long hemwan mo tekem gud kea long ol pipol long laef blong hem.
Long eniwan we i stap tingting long PathwayConnect olsem wan opesen long olgeta, Lotu i gat advaes ia:
“Ol dia fren mo famli blong mi, joenem program ia. Bae i helpem yufala blong kasem ol gol blong yu wetem sakses, givim plante janis, mo letem yu blong kasem edukesen mo dipen long yuwan.”