Matuto—Maximum na Oras: 45 Minuto

Basahin:Noong nakaraang linggo pumili ka ng paaralan o training program na sa palagay mo ay pinakamabuti para sa iyo. Sa buong linggo gumugol ka ng oras para malaman ang iba pa tungkol sa paaralan o program. Ngayo’y sasaliksikin mo ang maraming paraang magagamit para mabayaran ang training mo.

1. Ang pag-aaral ay nangangailangan ng sakripisyo.

2. Repasuhin ang magagastos mo sa training.

3. Pag-isipan ang mga opsiyon para mabayaran ang training mo.

4. Gamitin nang maingat at bilang huling paraan ang mga student loan.

5. Alamin kung sino ang kakausapin.

6. I-update ang iyong plano para maging self-reliant.

1. Ang Pag-aaral ay Nangangailangan ng Sakripisyo

Basahin:Pinayuhan tayo ni Pangulong Gordon B. Hinckley na magsakripisyo para posible tayong makapag-aral. Sabi niya: “Kailangan ninyong pag-aralan ang lahat ng kaya ninyong pag-aralan. … Isakripisyo ang anumang bagay na kailangang isakripisyo upang maging marapat ang inyong sarili sa gawain sa mundo” (“Words of the Prophet: Seek Learning,” New Era, Set. 2007, 2–4).

Napayuhan din tayo na huwag ipagpaliban ang iba pang mahahalagang bagay sa ating buhay habang nag-aaral tayo. Huwag ipagpaliban ang pag-aasawa, pagtanggap ng mga ordenansa sa templo, at pagkakaroon ng mga anak habang nag-aaral.

Kapag sinunod ninyo ang inyong mga prayoridad at isinakripisyo ninyo ang mga bagay na di-gaanong mahalaga, makikita ninyo na pagpapalain kayo ng Panginoon.

Talakayin:Bakit sulit na magsakripisyo para sa edukasyon at training?

2. Repasuhin ang Magagastos Mo sa Training

Basahin:Sa nakalipas na dalawang linggo saliksikin mo ang iyong mga opsiyon sa edukasyon o training. Bahagi ng pagsisikap na iyan ang alamin kung magkano ang magagastos sa program mo. Kasama sa magagastos na ito ang mga bagay na katulad ng matrikula, mga aklat, mga bayarin, mga gastusin sa buhay, transportasyon, at anumang iba pa na may kaugnayan sa iyong edukasyon o training. Mahalagang magkaroon ka ng tumpak na kalkulasyon tungkol sa mga magagastos na ito upang maiplano mo kung paano babayaran ang mga ito.

Halimbawa, nalaman ni Juan na ganito ang magagastos sa kanyang welding certificate:

Mga Uri ng mga Magagastos sa Training	Halaga
Welding certificate program	4,000
Mga Kagamitan, aklat, at suplay	1,000
Bayad sa exam	300
Bayad sa lisensya	300
Transportasyon	400
Total	6,000

Lagi ring isaisip ang iyong mga panustos sa buhay, tulad ng pagkain, renta, damit, mga gastusin ng pamilya, at utang.

Aktibidad _{(5 minuto)}

Step 1: Isulat ang iyong mga magagastos sa training o ang pinakamahusay mong mga kalkulasyon.

Step 2: Sa linggong ito, hanapin ang anumang natitirang mga detalye.

Mga Uri ng mga Magagastos sa Training	Halaga
Total

3. Isaalang-alang ang mga Opsiyon sa Pagbabayad sa Training Mo

Basahin:May ilang paraan para matustusan ang pag-aaral. Hangga’t maaari, tustusan ang iyong pag-aaral mula sa sarili mong ipon o kita. Magtrabaho habang nag-aaral. Maaaring kailanganin mong gumastos nang mas maliit at kumuha ng dagdag na trabaho para mas malaki ang kita mo.

May iba pang mga opsiyon sa pananalapi kung wala kang sapat na ipon o kita. Nagpasimula ng mga programa ang mga pribadong organisasyon, indibiduwal, at pamahalaan na makakatulong sa iyo na mabayaran ang iyong training.

“Sapagkat ang lupa ay sagana, at may sapat at matitira; oo, aking inihanda ang lahat ng bagay” (D at T 104:17).

Talakayin:Paano tumutukoy ang mga katagang “sapagkat ang lupa ay sagana” sa pera para matustusan ang iyong pag-aaral?

Aktibidad _{(15 minuto)}

Step 1: Atasan ang bawat miyembro ng grupo na basahin nang tahimik ang isa sa mga opsiyon sa pananalapi sa ibaba at sa pahina 104.

Step 2: Magsalitan sa pagpapaliwanag sa opsiyon na binabasa mo, pati na ang mga kalakasan at kahinaan nito.

Step 3: Maglagay ng tsek sa tabi ng mga opsiyon na tila pinakamainam para sa iyo.

Opsiyon sa Pananalapi	Kahulugan	Mga Kalakasan	Mga Kahinaan	Pinakamainam para sa Akin
Kita at Perang Naipon	Perang kinita sa pagtatrabaho habang nag-aaral, o ginamit mula sa perang naipon. Maaaring gamitin para sa anumang gastusin sa paaralan.	Walang utang o interes. Matuto ng mga skill at gumawa ng mahahalagang pagkontak habang nagtatrabaho.	Maaaring mahirap magtrabaho at mag-aral. Maaaring mas matagal makatapos sa pag-aaral.
Scholarship	Perang iginagawad batay sa kung sino ka at ano ang nagawa mo. Karaniwang ginagamit para sa certification o isang degree.	Walang utang o interes. Makakabawas sa pangangailangang magtrabaho habang nag-aaral.	Maaaring mangailangan ng pagpaplano nang maaga at maraming pagsisikap para makapag-aplay. Maaaring maraming kakumpitensya.
Grant	Perang karaniwang iginagawad batay sa pangangailangang pinansyal at ginagamit para sa isang degree.	Walang utang o interes. Makakabawas sa pangangailangang magtrabaho habang nag-aaral.	Maaaring mangailangan ng pagpaplano nang maaga at maraming pagsisikap para makapag-aplay. Maaaring maraming kakumpitensya.
Apprenticeship	Isang trabaho kung saan nagtatrabaho ang isang tao para sa isang employer habang nag-aaral ng isang trade o skill. Karaniwa’y para sa mga certificate o lisensya.	Matuto ng mga skill sa partikular na trabaho. Maaaring bayaran para matuto. Maaaring humantong sa pagkakaroon ng trabaho.	Kailangang pagsikapang makahanap ng employer na handang tanggapin ka. Maaaring mahirap mag-aral at magtrabaho.
Reimbursement ng Matrikula	Perang iginagawad ng employer sa mga empleyado para linangin ang kanilang mga skill. Maaaring para sa mga degree, certificate, lisensya, o partikular na mga klase.	Nananatiling nagtatrabaho habang nagpapalawak ng pinag-aralan. Binabawasan ang magagastos mo.	Kailangang matugunan ang mga kinakailangan ng employer. Maaaring mahirap mag-aral at magtrabaho. Maaari kang pamalagiin ng employer sa kumpanya o ibalik mo ang perang ibinayad nila kung aalis ka.
Perang Hiniram sa Pamilya	Perang nagmula sa pamilya na inaasahan o hindi inaasahang babayaran mo pa. Magagamit para sa halos lahat ng gastusin sa pag-aaral.	Maaaring mas madaling makuha kaysa sa bank loan.	Maaaring makasira sa relasyon ng pamilya. Maaaring mahirap kung magkaroon ng emergency sa pamilya.
Mga loan (mga bangko, pamahalaan, nongovernment organization, Perpetual Education Fund [PEF] kung saan mayroon)	Perang nagmula sa mga lending institution na inaasahang babayaran mo, na karaniwa’y may interes. Magagamit para sa halos lahat ng gastusin sa pag-aaral.	Maraming opsiyon sa loan.	Kailangang bayaran ang utang kasama ang interes. Maaaring magkautang sa mahabang panahon. Maaaring hindi makahanap ng trabaho; sa gayo’y mahihirapang makabayad.

Basahin:Sa sarili mo sa linggong ito, maaari mo ring basahin ang mga pahina 111–16 para sa iba pang impormasyon tungkol sa mga scholarship at grant, student loan, at Perpetual Education Fund loan.

4. Gamitin nang Maingat at Bilang Huling Paraan ang mga Student Loan

Basahin:“Maraming [tao] sa mundo ang nangungutang para makapag-aral, para lamang matuklasan na mas malaki ang magagastos sa eskuwela kaysa kaya nilang bayaran. Maghanap ng mga scholarship at grant. Kumuha ng part-time job, kung maaari, para matustusan ninyo mismo ang inyong pag-aaral. Kailangan dito ang kaunting sakripisyo, ngunit tutulungan kayo nito na magtagumpay” (Robert D. Hales, “Pagtugon sa mga Hamon ng Mundo Ngayon,” Ensign o Liahona, Nob. 2015, 45).

Ang mga student loan ay utang. Hindi katulad ng mga grant at scholarship, kailangang bayaran ang mga ito at karaniwa’y may dagdag na interes. Kung hindi ka makakabayad, maaapektuhan ang credit mo o ang kakayahan mong umasenso sa buhay.

Talakayin:Bakit dapat maging huling paraan ang mga student loan?

Basahin:Ang “apat na tama” ay makakatulong sa iyo na magpasiya kung tama nga ang student loan para sa iyo.

1. Tamang dahilan: Nagtatrabaho ka habang nag-aaral, nagsikap ka nang husto para makakuha ng mga scholarship at grant, at ang loan ay para lamang bayaran ang nalalabing bayarin (hindi ang buong gastusin) sa iyong pag-aaral.

2. Tamang mga inaasahan: Natiyak mo na maganda ang mga placement rate sa inyong lugar para sa trabahong pinag-aaralan mo, at makatwiran ang tiwala mo na matatanggap ka sa trabaho na sapat ang taas ng suweldo para mabayaran mo ang loan sa isang makatwirang haba ng panahon.

3. Tamang mga kundisyon: Napagkumpara mo ang iba’t ibang loan at nakita mo ang pinakamagandang rate at mga kundisyon sa pagbabayad mula sa isang mapagkakatiwalaang lender.

4. Tamang halaga: Ang halaga ng iyong loan ay sapat ang liit para mabayaran sa makatwirang haba ng panahon.

Talakayin:Paano ka poprotektahan ng pagsunod sa “apat na tama” kapag nagbabayad ka para sa iyong pag-aaral?

Basahin:Tanungin ang inyong stake self-reliance specialist tungkol sa makakatulong na mga website para sa paghahanap at pagkukumpara ng mga student loan sa inyong bansa o lugar. Sa sarili mo sa linggong ito, maaari mo ring basahin ang pahina 113 upang malaman ang iba pa kung paano pagkumparahin ang mga student loan.

Gayundin, kung mayroon sa inyong bansa, maaaring angkop sa iyo ang Perpetual Education Fund (PEF) loan. Para malaman kung mayroong mga PEF loan sa inyong bansa, paano maging kwalipikado, at paano mag-aplay, tingnan sa pahina 114–15 o magpunta sa srs.lds.org/pef.

5. Alamin Kung Sino ang Kakausapin

Basahin:Magiging bahagi ng iyong mga ipinangakong gawin sa linggong ito ang pagsasaliksik sa pinakamainam na opsiyon sa pagbabayad para sa iyong piniling kurso o training program. Magsiyasat ka at kausapin mo ang mga taong makakatulong sa iyo. May tauhan ang maraming paaralan na makakatulong sa iyo. Subukang tawagan ang financial aid office, o kontakin ang paaralan, training provider, o kumpanya at kausapin ang isang taong makakasagot sa iyong mga tanong tungkol sa pagbabayad para sa iyong training.

Aktibidad _{(5 minuto)}

Step 1: Bilang grupo, ilista ang mga tao at organisasyon na maaari mong kausapin tungkol sa mga scholarship, grant, apprenticeship, at reimbursement ng matrikula.

Step 2: Bilang grupo, magmungkahi ng mga tanong na dapat mong itanong sa mga taong ito tungkol sa financial aid. Sumulat ng tatlo man lang na itatanong mo sa linggong ito.

6. I-update ang Iyong Plano para Maging Self-Reliant

Basahin:Sa susunod na miting ng grupo, bawat isa sa inyo ay magbibigay ng maikling paglalahad sa grupo tungkol sa iyong plano para maging self-reliant. Ilalarawan mo ang iyong mga plano, at bibigyan ka ng grupo ng feedback at mga mungkahi.

Aktibidad _{(10 minuto)}

I-update ang iyong plano para maging self-reliant kung kailangan. Sa linggong ito, kausapin ang iba at magsaliksik para makumpleto mo ang bahaging “Ang Aking Financial Plan” sa pahina 108.

Ang Aking Mithiin para Maging Self-Reliant (kabanata 1)

Ako ay

para .

Ang Plano Ko sa Trabaho (mga kabanata 2 at 3)

Pinagkumpara ko ang tatlong trabahong ito:

Ang trabahong pinili ko para sa akin ay dahil sa sumusunod na mga bagay na natutuhan ko sa mga employer at iba pa tungkol sa mga realidad ng trabaho sa aming lugar:

.

Nasa kabilang pahina ang karugtong.

Ang Aking Education Plan (mga kabanata 4 at 5)

Pinagkumpara ko ang tatlong training option na ito:

Ang training option na pinili ko ay dahil sa magagastos, kalidad, placement rate, at iba pang mga bagay na mahalaga sa akin (isulat ang mga dahilan sa ibaba):

.

Kakailanganin ng (araw, linggo, buwan, taon) para makumpleto ang training na ito.

Ang Aking Financial Plan

Nalaman ko na ang magagastos ko sa training ko ay , o bawat buwan.

Matapos pagkumparahin ang iba’t ibang opsiyon para sa training ko at tingnan ang sarili kong pananalapi, nalaman ko na (kaya ko / hindi ko kaya) na bayarang mag-isa ang training ko. Kakailanganin ko ng karagdagang .

Para mabayaran ang training ko, maghahanap ako ng (trabaho, mga apprenticeship, scholarship, grant, reimbursement ng matrikula, loan)

.

Basahin:Sa susunod na linggo ilalahad mo sa grupo ang iyong plano para maging self-reliant (pahina 107–8). Maaari mong praktisin sa mga kapamilya at kaibigan ang iyong paglalahad. Dumalo sa susunod na linggo na handang ilahad ang iyong plano.

Talakayin:Ano ang pinakamahahalagang bagay na natutuhan mo sa miting ng grupo ngayon?