Matuto—Maximum na Oras: 45 Minuto

Basahin:Sa nakaraang miting ng grupo natuto ka tungkol sa paglikha ng isang kapaligiran para sa tagumpay. Ngayo’y matututo ka tungkol sa pag-unawa sa mga inaasahan at pagtugon sa mga iyon sa paggawa ng mga sumusunod:

1. Unawain at gawin ang kinakailangan.

2. Unawain ang iyong estilo sa pag-aaral.

3. Limitahan nang epektibo ang stress.

1. Unawain at Gawin ang Kinakailangan

Basahin:Pinahahalagahan ng mga employer ang mga certificate, degree, o iba pang katibayan na kwalipikado kang gawin ang ilang trabaho. Maaari mong makamtan ang mga ito sa pamamagitan ng pagtupad sa mga kinakailangan ng program sa isang paaralan o training program. Kasama sa mga kinakailangang ito ang mga bagay na kagaya ng mga klase, assignment, at test.

Para matulungan kang tugunan ang mga kinakailangan sa program, dapat kang (1) magtanong tungkol sa mga kinakailangan, (2) magtala, at (3) aktibong lumahok sa mga kurso at program.

Magtanong tungkol sa mga Kinakailangan

Basahin:Ang mga paaralan at training program ay lumilikha ng mga kinakailangan para sa bawat degree, certificate, klase, at assignment. Tinitiyak ng matagumpay na mga mag-aaral na nauunawaan nila ang mga kinakailangan.

Narito ang ilang halimbawa ng mga bagay na maaari mong itanong upang malaman kung ano ang kakailanganin sa iyo:

• Paano ako magtatagumpay sa inyong klase?

• Ano ang gusto ninyong matutuhan at gawin ko?

• Kailan dapat isumite ang mga assignment?

• Paano ninyo ie-evaluate ang performance ko?

Talakayin:Paano nakatulong ang pagtatanong para maunawaan mo ang mga kinakailangan noong araw?

Magtala

Basahin:Ang isang paraan para maalala mo ang mga kinakailangan ay ang magtala. Repasuhin ang mga talang iyon kalaunan para mas maalala mo ang nakita, narinig, o nabasa mo sa klase.

Kapag nagtala ka tungkol sa isang assignment, tiyaking alam mo:

• Kung ano ang gagawin.

• Kung paano gawin ito.

• Kung kailan ito dapat isumite.

Talakayin:Sa dating paaralan o mga assignment sa trabaho, paano nakatulong sa iyo ang pagtatala?

Basahin:Ang mga sumusunod ay maaaring makatulong sa iyo na magtala nang maayos tungkol sa mga assignment:

• Makinig at maging alerto, at magkaroon ng positibong pananaw.

• Huwag mong subukang isulat ang bawat salitang sinasabi; pagtuunan ang pinakamahahalagang mensahe at impormasyon.

• Gumamit ng mga daglat; kung makakatulong, magdrowing ng mga larawan.

• Mag-iwan ng puwang para magdagdag ng mga paliwanag kalaunan.

• Panatilihing organisado ang mga tala.

Aktibidad _{(5 minuto)}

Para sa aktibidad na ito, isipin na nasa welding class ka ni Juan at nagtatala tungkol sa isang assignment.

Step 1: Ipabuklat sa isang miyembro ng grupo ang pahina 161 at ipabasa ang mga tagubilin. Ang iba pa sa grupo ay dapat magtala sa ibaba.

Step 2: Sabihin sa iba pa sa grupo na magtanong tungkol sa assignment at magtala pa (dapat lumikha ng mga sagot ang taong nagbabasa ng assignment).

Step 3: Ikumpara ang iyong mga tala sa mga tala ng iba pang mga kagrupo.

Step 4: Bilang grupo, pag-usapan ang mga paraan ng pagtatala na pinaka-epektibo sa inyo.

Aktibong Makibahagi

Basahin:Ang isa pang paraan para maunawaan ang mga kinakailangan at malaman ang paksa ng klase ay aktibong makibahagi. Ang aktibong partisipasyon ay makakatulong para matuto ka nang husto sa klase. Nakalista ang ilang mungkahi sa ibaba:

• Makinig.

• Maupo sa harapan kung maaari.

• Magtanong at sagutin ang mga tanong.

• Maghanap at makipagtulungan sa mga estudyante na gustong matuto (maupo sa tabi nila, magbahaginan ng mga ideya, mag-usap, magtanong, at magtulungan).

• Kausapin ang instructor (sa oras at pagkatapos ng klase) para mas maunawaan ang mga kinakailangan at konseptong pinag-aaralan mo.

Talakayin:Anong mga pagkakaiba ang napansin mo nang aktibo kang makibahagi sa isang bagay sa halip na hindi ka makilahok?

2. Unawain ang Iyong Estilo sa Pag-aaral

Basahin:Natututo nang husto ang ilang tao sa kanilang nakikita, ang ilan sa pakikinig, ang ilan sa paggawa, at ang ilan sa iba pang mga paraan. Natututo nang husto ang ilan kapag nag-iisa sila at iba naman kapag may mga kagrupo. Ang matatagumpay na estudyante ay gumagamit ng estilo sa pag-aaral na pinaka-epektibo sa kanila hangga’t kaya nila.

Aktibidad _{(2 minuto)}

Step 1: Basahin ang sitwasyon sa ibaba at piliin ang (mga) pinaka-akma sa iyo.

Kung may bagong device ang iyong guro na wala kang nalalaman, gugustuhin mo bang:

1. Tingnan ito o magbasa tungkol dito? Kung oo, baka matuto ka nang husto kapag nakita mo.

2. Marinig sa guro mo ang tungkol dito? Kung oo, baka matuto ka nang husto kapag nakinig ka.

3. Hawakan ito, pindutin ang mga button, o kalas-kalasin ito para matutuhan kung paano ito gumagana? Kung oo, baka matuto ka nang husto kapag ginawa mo ito.

Step 2: Kausapin ang katabi mo kung paano ka matututo nang husto.

Basahin:Ang mga instructor ay hindi kailangang magturo sa paraan na aakma nang husto sa iyong estilo ng pag-aaral. Maaaring kailangan mong iakma ang iyong approach sa pag-aaral para umakma nang husto sa sitwasyon.

Halimbawa, mas gusto ni Juan ang aktuwal na paggawa. Mahilig siyang gumawa ng mga bagay-bagay. Ayaw niyang maupo sa klase at makinig sa sinasabi ng guro. Ayaw niyang magbasa ng mga textbook. Pero ang mga lektyur ay bahagi ng kanyang pag-aaral, at ang pagbabasa ay kinakailangan para pumasa sa mga test. Hindi niya basta-basta mababalewala ang mga kinakailangan nang dahil sa hindi akma ang mga ito sa estilo ng kanyang pag-aaral. Siya ang nagpapasiya kung makikinig siya nang husto, magbabasa nang husto, at pagkatapos ay mabilis na susubukang gawin ang mga bagay-bagay pagkatapos ng klase para matuto siya nang aktuwal.

Natuklasan ni Arlene na mas natututo siya kapag tinatalakay niya sa iba ang mga ideya. Nagpapasiya siyang mag-aral nang regular na kasama ng iba.

Aktibidad _{(5 minuto)}

Paano mo higit na magagamit ang iyong estilo sa pag-aaral sa iba’t ibang sitwasyon sa pag-aaral?

Step 1: Isipin ang mas gusto mong estilo sa pag-aaral.

Step 2: Humarap sa isa pang kagrupo at talakayin kung paano ka makakaangkop sa sumusunod na mga sitwasyon:

1. Ano ang magagawa mo para matuto sa talakayan ng grupo?

2. Ano ang magagawa mo para matuto mula sa isang lektyur?

3. Ano ang magagawa mo para maisaulo ang isang listahan ng mga salita?

Step 3: Magpalitan ng mga role at ulitin ang steps 1 at 2.

3. Limitahan nang Epektibo ang Stress

Basahin:Habang nag-aaral ka, mai-stress ka. Bahagi iyan ng buhay at bahagi ng iyong pag-aaral. Ang stress sa iyong pag-aaral ay maaaring magmula sa sumusunod na mga bagay at marami pang iba:

• Hindi maunawaan kung ano ang inaasahan

• Hindi handa

• Hindi natapos ang mga assignment sa takdang oras

• Takot na bumagsak sa test

• Takot na magsalita sa harapan ng iba

• Napakaraming bagay na gagawin

• Pagkikipagtulungan sa ibang mga tao

Kapag sumulong ka nang may pananampalataya, bibiyayaan ka ng Panginoon ng lakas at kakayahan. Hindi mo maiaalis ang stress sa iyong pag-aaral, pero maaari mo itong limitahan. Kaya pansinin ang mga senyales ng stress at humanap ng mga paraan para makaagapay sa o malimitahan ang stress. Nakalista ang ilang mungkahi sa ibaba:

• Muling pag-isipan ang iyong mga inaasahan

• Hayaan ang mga bagay na hindi mo makokontrol

• Magtuon sa nagagawa mo nang mahusay

• Iwasang ikumpara ang sarili mo sa iba

• Mag-ehersisyo

• Maglingkod sa iba

• Magpahinga

• Muling magpokus sa pasasalamat

• Paghati-hatiin ang malalaki o mahihirap na gawain

• Gumawa ng maliit na hakbang pasulong ngayon

Talakayin:Ano ang nakatulong sa inyo na malimitahan ang stress?

Aktibidad _{(5 minuto)}

Mag-isip ng mga paraan para malimitahan ang iyong stress. Mag-ukol ng ilang minuto upang lihim na pag-isipang mabuti at isulat ang mga sagot sa sumusunod na mga tanong.

Step 1: Anong mga stress ang kinakaharap ko?

Step 2: Pumili ng isang paraang gusto mong subukan para malimitahan ang stress. Kumpletuhin ang sumusunod na pangungusap:

“Kapag nai-stress ako tungkol sa ,

ang gagawin ko ay .”

Step 3: Anumang oras ngayon, muling isulat ang pangungusap na ito sa ibang papel. Ilagay ito sa dingding mo, sa bulsa mo, o sa ibang lugar kung saan ito magpapaalala sa iyo kung paano mo lilimitahan ang stress.

Talakayin:Ano ang pinakamahalagang bagay na natutuhan mo sa miting na ito ng grupo?