Matuto—Maximum na Oras: 45 Minuto

1. Ilahad ang Iyong Plano para Maging Self-Reliant at Matuto sa Isa’t Isa

Basahin:“Ang pangako ay mahalagang bahagi ng [pagbabago]. Ito ay pag-obliga sa sarili na gawin ang isang hakbang at pagkatapos ay masigasig na sundin ang desisyong iyon. Kapag tunay na nangako ang mga tao, mayroon silang tunay na hangarin, na ibig sabihin ay talagang gagawin nila ang ipinangako nilang gawin. Hind sila pabagu-bago at totohanan ang desisyon nilang magbago” (Mangaral ng Aking Ebanghelyo: Gabay sa Paglilingkod ng Misyonero [2004], 223).

Ngayon ay ilalahad mo sa grupo ang iyong plano para maging self-reliant. Gamitin ang kinumpleto mong plano para maging self-reliant mula sa mga pahina 107–8. Ang mga miyembro ng grupo ay makikinig, magtatanong, at magbibigay ng feedback na makakatulong.

Aktibidad _{(40 minuto)}

Ang pagbabahagi ng iyong plano para maging self-reliant sa iba ay tinutulungan kang maging mas tapat sa pagsunod sa iyong plano.

Step 1: Pumili ng isang timekeeper—isang taong tumutulong na hindi malihis ang mga paglalahad at feedback. Magbigay ng tatlong minuto para sa bawat paglalahad. Ipinapaalam ng timekeeper sa tagapaglahad kapag isang minuto na lang at kapag 30 segundo na lang ang natitira sa kanya.

Step 2: Desisyunan ang pagkakasunud-sunod ng mga paglalahad.

Step 3: Maghalinhinan sa paglalahad (sa loob ng tatlong minuto o wala pa) at pagbibigay ng feedback (sa loob ng dalawang minuto o wala pa).

Ang sumusunod na mga tip ay maaaring makatulong sa iyong paglalahad at kapag nagbigay kayo ng feedback sa isa’t isa.

Tagapaglahad	Mga Miyembro ng Grupo	Timekeeper
Manatiling mahinahon at panatag. Magpakita ng tiwala sa iyong mga plano. Magsalita nang malinaw at huwag madaliin ang iyong paglalahad. Gamitin ang iyong plano para maging self-reliant na nasa mga pahina 107–8. Tumingin sa mga manonood hangga’t kaya mo.	Makinig sa mga tagapaglahad. Umisip ng mga mungkahi o bagay na maaari mong itanong na makakatulong (at hindi masakit) sa tagapaglahad. Magtala kung gusto mo. Gamitin ang mga tanong na nasa pahina 124 at ang espasyo para sa pagtatala kung makakatulong sa iyo.	Bantayan ang oras at ipagpatuloy ang mga bagay-bagay, lalo na kung maraming tagapaglahad. Pakipaalam sa mga tao kapag halos ubos na ang oras. Gumamit ng mabuting paghatol; kung may nagaganap na makabuluhang talakayan, hayaan mo muna iyon sandali bago mo ipaalala ang oras.

Mga maaaring itanong ng mga miyembro ng grupo sa tagapaglahad:

1. Sabik ka na bang makapasok sa trabahong pinili mo? Akma ba iyon sa iyo?

2. Inalam mo ba kung nakakakuha ng magagandang trabaho ang mga tao pagkatapos ng training nila?

3. Naghahanap ka ba ng mga paraan para matustusan ang iyong pag-aaral nang hindi kumukuha ng student loan?

4. Sino o anong organisasyon ang naging pinakamagandang resource mo sa paghahanap ng mga sagot sa mga tanong mo?

Talakayin:Ano ang pinakamahahalagang bagay na natutuhan mo sa miting ng grupo ngayon?