Matuto—Maximum na Oras: 45 Minuto

Basahin:Sa nakaraang miting ng grupo, ibinahagi mo sa grupo ang iyong plano para maging self-reliant. Ngayo’y sisikapin mong isagawa ang plano mo. Kinakailangan mo rito na:

1. Pamahalaan ang pag-aaral mo.

2. Lumikha ng matagumpay na routine.

3. Manatili sa tamang landas.

1. Pamahalaan ang Pag-aaral Mo

Basahin:“Anupa ‘t ipinagkaloob ng Panginoong Diyos sa tao na siya ay kumilos para sa kanyang sarili … at hindi pinakikilos” (2 Nephi 2:16, 26).

Talakayin:Bakit mahalaga na kumilos ka para sa iyong sarili sa iyong plano sa pag-aaral?

Basahin:Ang matagumpay na mga mag-aaral ay kinokontrol ang kanilang pag-aaral. Sila ay:

• Aktibo

• Responsable

• Disiplinado

Aktibidad _{(5 minuto)}

Step 1: Bigyan ng rating ang sarili mo sa mga sumusunod. Bilugan ang item na pinakamainam na naglalarawan sa iyo.

Aktibo	Aktibo kong hinahangad na matuto nang husto hangga’t kaya ko.	Pinag-aaralan ko ang iniatas sa akin.	Kaunti lang ang ginagawa ko para makaraos.
Responsable	Maaari akong pagkatiwalaan na gagawin ko ang sinasabi ko.	Natatapos ko ang ilang bagay pero nakakalimutan ko ang iba.	Madalas ay hindi ko tinutupad ang mga ipinangako kong gawin.
Disiplinado	May regular akong routine sa pag-aaral.	Kung minsa’y nag-aaral akong mabuti at kung minsa’y nalilibang ako.	Ipinagpapaliban kong gawin ang karamihan sa mga assignment hanggang sa huling sandali.

Step 2: Humarap sa action partner mo at sabihin sa kanya kung ano ang gusto mong pag-igihin sa kakayahan mong maging aktibo, responsable, at disiplinado sa iyong pag-aaral.

Step 3: Basahin nang malakas ang sumusunod na mga pangungusap na naka-bold type. Kung sang-ayon ka sa pahayag na ito, lumagda ka sa ibaba. Ipakita ang iyong lagda sa action partner mo. Sa linggong ito, ipakita sa isang kapamilya o kaibigan ang pahinang ito at ang iyong lagda.

“Ako ang namamahala sa pag-aaral ko. Walang ibang maaaring matuto para sa akin. Nasa akin na kung magiging aktibo, responsable, at disiplinado ako sa pag-aaral ko.”

Ang aking lagda

Petsa

2. Lumikha ng Matagumpay na Routine

Basahin:Iba ang magsabing magiging aktibo, responsable, at disiplinado ka kaysa magsabing gagawin mo ito. Para magtagumpay, kailangan mong (1) unahin ang dapat unahin, (2) iwasang magpaliban, at (3) iwaksi ang mga bagay na nakagagambala…

Unahin ang Dapat Unahin

Basahin:Hindi mo kayang gawin ang lahat. Habang nag-aaral ka, dapat mong unahin ang mga gawaing may kinalaman sa pag-aaral mo.

Halimbawa, gusto mong bisitahin ang isang kaibigan na matagal-tagal mo nang hindi nakikita (mabuti), pero kailangan mo talagang mag-aral para sa isang test bukas (mas maganda).

Talakayin:Ano ang gagawin mo? Bakit?

Basahin:Para maiuna ang mga bagay na kailangan mong gawin:

• Ilista ang mga bagay na kailangan at gusto mong gawin.

• Muling isulat ang listahan na nasa unahan ang pinakamagagandang bagay, at isunod ang mas magagandang bagay at pagkatapos ay ang magagandang bagay.

Kung minsa’y kakailanganin mong pumili sa pagitan ng pinaka-mahalaga at ng pinaka-agaran. Kung minsa’y nagiging agaran ang mga gawain dahil ipinagpaliban mong gawin ang mga ito. Kung minsan naman, nagiging agaran ang mga gawain dahil umaasa ang ibang tao na gagawin mo ngayon ang mga ito.

Halimbawa, kailangan mong mag-aral para sa test na ibibigay pagkaraan ng dalawang linggo (mahalaga), pero kailangan mo ring mag-enrol sa isang klase bago mag-deadline bukas ang application (agaran).

Talakayin:Ano ang gagawin mo? Bakit?

Aktibidad _{(10 minuto)}

Isaalang-alang ang sitwasyon ni Rachel: Kailangan niyang bayaran ang mga bayarin sa paaralan bukas. Kailangan niyang ihatid ang mga anak niya sa sports practice nila. Kailangan din siyang magbayad ng upa [sa bahay], pumili ng kanyang mga klase, at magsimulang mag-aplay para sa mga grant at scholarship.

Step 1: Bilang grupo, ilista ang lahat ng kailangang gawin ni Rachel sa column na “Mga Dapat Gawin” sa sumusunod na table.

Step 2: Talakayin ang maganda, mas maganda, at pinakamaganda sa bawat isa sa mga dapat gawin ni Rachel para ngayon.

Step 3: Muling isulat ang listahan ng mga dapat gawin sa column na “Mga Prayoridad” sa pagkakasunud-sunod na sa palagay mo ay pinakamainam.

Mga Dapat Gawin	Mga Prayoridad: Maganda, Mas Maganda, Pinakamaganda

Step 4: Ngayon, sa sarili mo, isipin ang ilang bagay na kailangan mong gawin. Isulat ang mga dapat mong gawin sa kaliwa at pagkatapos ay iuna ang mga dapat unahin sa kanan.

Mga Dapat Gawin	Mga Prayoridad: Maganda, Mas Maganda, Pinakamaganda

Huwag Magpaliban

Basahin:Ang pormal na pag-aaral (gaya ng trabaho mo) ay may mga deadline. Ang mga papeles ay dapat isumite kapag dapat na itong isumite; ang mga proyekto ay may mahihigpit na petsa ng pagkumpleto. Ang pagbabalewala sa mga deadline ay makakaapekto sa iyong marka, sa iyong saloobin, sa iba pang mga estudyante, at sa iyong matagumpay na pagkumpleto ng isang program. Nagiging agaran ang mga assignment kung ipagpapaliban mo ang mga ito hanggang sa araw ng deadline.

Talakayin:Paano nababawasan ang stress sa pagtatapos ng mga assisngment bago sumapit ang deadline?

Aktibidad _{(5 minuto)}

Step 1: Salungguhitan ang ilang bagay na ginagawa ni Rachel na nakatulong para maiwasan niyang magpaliban.

Nalaman ni Rachel na mahilig siyang magpaliban. Inilarawan niya kung paano niya nadaig ang gawi niyang iyon. “Nagsimula akong gumising nang mas maaga sa umaga. Ang una kong ginagawa ay ilista ang mga dapat kong gawin sa araw na iyon. Kung tila mahirap gawin ang isang bagay, iyon ang inuuna ko sa listahan. Iniisip ko rin kung gaano katagal kong gagawin ang bawat gawain at pagkatapos ay nagtatakda ako ng oras sa araw na iyon para kumpletuhin ang bawat gawain.

“Kung nag-aaral ako, nag-aaral ako nang 40 minuto at pagkatapos ay nagpapahinga ako nang 5 minuto. Pagkatapos ko ng aking mga gawain, gumugugol ako ng 10 minuto para gawin ang isang bagay na nasisiyahan akong gawin.

“Kung minsan nahihirapan akong magtuon, o maaaring wala akong sapat na lakas para gawin ang isang gawain. Tuwing mangyayari iyan, ginagawa ko ang ibang gawaing nasa listahan ko na hindi gaanong nangangailangan ng lakas at pagtutuon. Binabalikan ko ang naunang gawain kapag mas marami akong lakas at makakapagtuon ako. Patuloy akong kumikilos para tapusin ang mga gawain. Masarap sa pakiramdam kapag binubura ko sa listahan ang natapos kong mga gawain.”

Step 2: Bilang grupo, talakayin kung ano ang nakakatulong sa inyo para maiwasang magpaliban.

Iwaksi ang mga Bagay na Nakagagambala

Basahin:Ang marating ang iyong mga mithiin sa pag-aaral ay nangangailangan ng sipag, tiyaga, at pagtutuon. Ang mga bagay na nakagagambala at problema ay ililihis ka sa iyong landas patungong self-reliance. Kapag alam mo kung paano ka maaaring magambala, o alam mo ang iba pang mga problemang maaari mong kaharapin, makakapagplano ka ng mga paraan para iwaksi ang mga balakid na ito at manatiling nakatuon sa gawain.

Kilalanin si Afu, edad 23. Siya ay nagmula sa isang napakadukhang pamilya sa bukid. Ang kanyang misyon ay iminulat ang kanyang mga mata sa mga posibilidad na kumita ng mas malaki at maglaan para sa kanyang pamilya. Gusto niyang lumipat sa lungsod upang mag-training bilang electrician, pero gusto ng mga magulang niya na manatili siya sa bahay at tulungan sila sa pagsasaka tulad ng ginawa ng nakaraang mga henerasyon ng pamilya.

Aktibidad _{(10 minuto)}

Step 1: Magsalitan sa pagbabasa ng tatlong halimbawang ito.

Isinulat ni Rachel:

Gambala o Problema	Planong Iwaksi
Madali akong panghinaan ng loob at gusto kong tumigil kapag nagrereklamo ang mga anak ko na wala akong sapat na oras para sa kanila dahil lagi akong nasa paaralan o kaya’y gumagawa ng schoolwork.	Kapag nadarama ko ang ganitong panghihina ng loob, tinatawagan ko ang action partner kong si Liz. Lagi niya akong pinasisigla.

Isinulat ni Stefano:

Gambala o Problema	Planong Iwaksi
Madalas kapag sinisikap kong mag-aral, naririnig ko na naglalaro ng video games ang kuya ko sa kabilang silid, at gusto ko talagang makipaglaro sa kanya.	Nagpasiya akong mag-aral sa library o gumamit ng headphones kapag nag-aaral ako para hindi ako magambala.

Isinulat ni Afu:

Gambala o Problema	Planong Iwaksi
Kapag gustong magpunta ng mga kaibigan ko sa beach o tumambay, hindi ako makahindi. Dapat talaga ay nag-aaral ako, pero gusto ko ring magsaya.	Habang nasa paaralan ako, ipinasiya ko na Biyernes at Sabado ng gabi lang ako magsasaya sa piling ng mga kaibigan ko. Kung gusto ng mga kaibigan ko na magsaya ako sa isa pang gabi, sinasabi ko, “Sori. Kailangan kong gugulin ang mga gabi ko sa pag-aaral kapag may pasok. Puwede ba sa Biyernes o Sabado na lang?”

Step 2: Ilista ang ilang gambala o problema na maaari mong makaharap sa iyong pag-aaral. Magpasiya ngayon kung ano ang gagawin mo tungkol dito. Maaari mong kausapin ang mga kagrupo mo.

Gambala	Planong Iwaksi

Basahin:Ang ilang problema ay maaaring dumating nang di-inaasahan. Walang nagpaplanong magkasakit o mawalan ng trabaho. Ang pananampalataya at tiwala sa ating Ama sa Langit at suporta ng pamilya at mga kaibigan ay makakatulong na malampasan mo ang mga hamong iyon.

Talakayin:Ano ang gagawin mo kapag naharap ka sa mahihirap at nakakagulat na hamon?

3. Manatili sa Tamang Landas

Basahin:Maraming taong hindi nakakatapos sa pag-aaral. Madalas ay may mga problema, mahihirap na sitwasyon, at ibang mga tao na maaari kang iligaw ng landas.

Halimbawa:

• Sa maraming lugar sa mundo, sasabihin ng mga magulang sa kanilang mga anak, “Tumigil ka na sa pag-aaral. Umuwi ka at magtrabaho sa bukid. Hindi mabubuhay ang pamilya natin kung hindi ka magtatrabaho rito.” Iyan mismo ang problemang nakaharap ni Afu.

• Tumitigil sa pag-aaral ang ilang tao dahil nagkasakit o namatay ang isang kapamilya, o naghihirap ang pamilya.

• Tumitigil sa pag-aaral ang ilang tao dahil ginastos nila ang kanilang pera sa mga bagay na hindi kailangan at wala nang sapat na pera para makapag-aral.

• May ilang taong hindi nakatapos sa kanilang training dahil ayon sa isang kaibigan, “May maganda akong mapagkakakitaan para sa iyo. Mas malaki ang kikitain mo sa paggawa nito kaysa sa training mo.” Lumalabas na ang oportunidad na ito ay hindi katulad ng nais mong mangyari. Dalawang beses naharap si Stefano sa tuksong ito, at dalawang beses ding mas malaki ang nawalang pera sa mga kaibigan niya kaysa kinita nila. Natuwa siya na hindi siya nakisali.

• Hindi natatapos ng ilang tao ang kanilang pag-aaral dahil pinanghihinaan sila ng loob at sinasabi nila sa kanilang sarili, “Mas mahirap ito, mas matagal gawin, at mas magastos kaysa inakala ko. Palagay ko hindi para sa akin ang pag-aaral.”

Panoorin:“Good Things to Come,” makukuha sa srs.lds.org/videos. (Walang video? Basahin ang mga pahina 145–46.)

Basahin:Ang isang pamamaraan para manatili ka sa tamang landas ay kinabibilangan ng:

1. Paglalarawan sa isipan ng iyong buhay at kung ano ang pakiramdam mo kapag self-reliant ka.

2. Paghula kung sino o ano ang magiging dahilan para tumigil ka.

3. Paghahanda ng sasabihin o gagawin mo para manatili sa tamang landas.

Pag-isipang mabuti:Tingnan ang tulay sa ibaba. Isipin kung ano ang magiging pakiramdam pagkatawid mo ng tulay. Isipin kung ano ang pakiramdam ng maging mas self-reliant.

Basahin:Ang sumusunod na mga halimbawa ay mga taong nag-isip kung ano ang magiging dahilan para huminto sila sa pag-aaral at kung ano ang gagawin nila.

Isinulat ni Rachel:

Ano ang Pakiramdam Kapag Self-Reliant Ako	Sino o Ano ang Magiging Dahilan para Tumigil Ako sa Pag-aaral	Ang Sasabihin o Gagawin Ko para Manatili sa Tamang Landas
Simula nang makipagdiborsyo ako, hirap na hirap na akong tugunan ang mga pangangailangan namin. Maliit ang suweldo ko sa trabaho ko sa grocery store. Kapag nakatapos ako sa aking degree at nakakuha ng trabahong mataas ang suweldo, mapapanatag ako dahil mababayaran ko na ang mga bayarin at matustusan ko ang aking pamilya.	Madali akong panghinaan ng loob. Tiyak ko na magkakaroon ng mga pagkakataon na iisipin ko na napakahirap mag-aral at maraming problema. Nag-aalala ako lalo na kung paano matitiis ng mga anak ko na wala akong panahon sa kanila habang nag-aaral ako. Siguro maiinis ako at gugustuhin kong tumigil.	Maglilista ako ng kapamilya at mga kaibigan na mahusay magpalakas ng loob ko. Tatawagan ko sila kapag pinanghinaan ako ng loob. Susubukan kong makahanap ng isang kaibigan na makakapagturo sa akin para mas madalian akong mag-aral. Magtatago rin ako ng listahan ng mga mensahe sa kumperensya at mga pelikulang nagbibigay-inspirasyon sa akin. Panonoorin ko ang mga iyon kapag parang gusto kong sumuko.

Isinulat ni Afu:

Ano ang Pakiramdam Kapag Self-Reliant Ako	Sino o Ano ang Magiging Dahilan para Tumigil Ako sa Pag-aaral	Ang Sasabihin o Gagawin Ko para Manatili sa Tamang Landas
Kapag natapos ko ang certificate ko, magiging electrician na ako sa lungsod na kumikita nang mas malaki kaysa kikitain ko sa munting bayan namin. Mas matutustusan ko na ang sarili ko, at gaganda ang pakiramdam ko.	Hindi masaya ang mga magulang ko na umalis ako para mag-aral. Alam ko na malapit nang dumating ang tatay ko upang pauwiin ako para magtrabaho sa bukid at tustusan ang mga pangangailangan ng aking mga magulang at kapatid.	Sasabihin ko sa kanya na mahal ko siya pero kailangan kong tapusin ang pag-aaral ko para mas handa akong tustusan ang sarili ko at ang magiging asawa at mga anak ko. Ipaliliwanag ko kung paano rin sila makikinabang sa aking pasiya dahil mas matutulungan ko sila. Hihingi ako ng priesthood blessing para magkaroon ako ng tapang na sabihin ang mga bagay na ito sa tatay ko.

Aktibidad _{(5 minuto)}

Ngayon ikaw naman. Isulat ang mga sumusunod:

Ano ang Pakiramdam Kapag Self-Reliant Ako	Sino o Ano ang Magiging Dahilan para Tumigil Ako sa Pag-aaral	Ang Sasabihin o Gagawin Ko para Manatili sa Tamang Landas

Basahin:“Walang anumang mabuti kung hindi mo ito gagawin” (Dieter F. Uchtdorf, “Papasanin Ka Niya sa Kanyang Balikat at Iuuwi,” Ensign o Liahona, Mayo 2016, 103, sa pagsipi kay Erich Kästner).

Talakayin:Ano ang pinakamahalagang bagay na natutuhan mo sa miting ng grupo ngayon?