Tautino

Ata

āu-lanu viole

E faapefea ona alualu i luma i aso taitasi?

Taimi:Seti le taimi i le 10 minute mo le vaega Tautino.

Faitau:O vaiaso taitasi, tatou te filifili ai se “soa galue.” O le tagata lea o le vaega o le a fesoasoani ia i tatou e tausia a tatou tautinoga. E tatau ona faafesootai e soa galue le tasi ma le isi i le aluga o le vaiaso e lipoti atu lo laua alualu i luma i le tasi ma le isi. E masani lava, o soa galue e i le itupa e tasi ma e le o ni tagata o le aiga.

Faataitai:Filifili lau soa galue. Filifili pe o afea ma pe faapefea ona faafesootai e le tasi le isi.

Igoa o le soa galue

Faamatalaga e faafesootai ai

Faitau leotele atu ia tautinoga taitasi i lau soa galue. Folafola atu e tausia au tautinoga! Saini i lalo.

O A’U TAUTINOGA
O le a ou talanoa i ni tagata e le itiiti ifo ma le toalima e ao mai ai ni faamatalaga mo la’u fuafuaga faalegaluega. La’u sini: 5 8 10
O le a ou saunia la’u fuafuaga faalegaluega mo le tuuina atu.
O le a ou faataitaia i le aso le mataupu faavae o le O Lo’u Faavae ma aoao atu i lo’u aiga.
O le a ou faaopoopo i a’u teugatupe—pe tasi sene pe lua.
O le a ou lipotia atu i lau soa galue.

O la’u saini

Saini a lo’u soa galue

E faapefea ona ou lipotia atu lou alualu i luma?

Maimoa:“Faatinoga ma Tautinoga” (Leai se vitio? Faitau le itulau 23.)

Faitau:Pe a tatou lipotia mai a tatou tautinoga, o le a sili atu ona tatou tausiaina. Faitau le upusii i le itu taumatau.

Faataitai:A o lei faia le isi fonotaga, faaaoga le siata o le tautinoga lenei e faamaumau ai lou alualu i luma. I pusa o i lalo, tusi le “Ioe,” “Leai,” po o le aofai o taimi na e tausia ai le tautinoga.

Talanoa i ni tagata e le itiiti ifo ma le toalima e uiga i le fuafuaga faalegaluega (Tusi le #)	Saunia le tuuina atu o le fuafuaga faalegaluega (Ioe/Leai)	Faataitaia le mataupu faave o le Faavae ma aoao atu i le aiga (Ioe/Leai)	Faaopoopo i teugatupe (Ioe/Leai)	Lipotia atu i le soa galue (Ioe/Leai)

Faitau: Ia manatua foi e siaki au lava tupe faaalu i tua o lau tamaitusi O Lo’u Auala mo le Ola Tutoatasi.

I le isi a tatou fonotaga faalevaega, o le a tusi e le tagata e faagaoioia se siata o le tautinoga i luga o le laupapa (e pei o le [siata] lea e i luga). O le a tatou taunuu i le 10 minute ao lei amataina le fono ma tusi lo tatou alualu i luma i luga o le siata.

Filifili se tagata e faagaoioia le autu o le O Lo’u Faavae i le isi fonotaga. Fai atu ia te ia e faitau i totonu o le faavaa i luma o le api galuega lenei e iloa mea e faia e le tagata e faagaoioia. E tatau ona ia faagaoioia e pei ona faia e le tagata e faagaoioia i le aso:

Valaaulia le Agaga; valaaulia tagata o le vaega e saili le Agaga.
Ia faatuatuaina anomea; aua nei faaopoopo i ai; fai mea o loo fai mai ai.
Pulea le taimi.
Faaopoopo i ai le malosi; ia fiafia!

Fai atu i se tagata e faia le tatalo faaiu.

Taliaina Manatu Faaalia

Faamolemole ia auina atu ou manatu, manatu faaalia, fautuaga, ma aafiaga i le srsfeedback@ldschurch.org.

Faaaliga i le Tagata e Faagaoioia:

Manatua e lesitala ia tagata uma o le vaega i le srs.lds.org/report.

Ia manatua foi e faia ni kopi o faamatalaga e faafesootai ai vaega mo le isi fonotaga.