Lomiga ua Tuanai
Punaoa

Punaoa

O Le A Le Nonogatupe a le TFA?

Filifili ni matafaioi ma faatino mea nei.

USO PASILA: Ina ua ou foi mai i le fale mai la’u misiona, sa ou matua manao lava ia maua se aoaoga. Sa ou taumafai ma taumafai, i lea tausaga ma lea tausaga, ae sa le mafai ona ou ulufale i le aoga. Sa ou mafaufau pea atonu o le a taugofie atu ia kosi, peitai e lei taugofie lava. Na sili atu ona taugata, sili atu ona faigata, sili atu ona faigata.

TUAFAFINE HAITI: A unoa ma se aoaoga, e faigata [le mauaina o se galuega] i Haiti. E le mafai ona e ola e aunoa ma se aoaoga.

USO ATENTITINA: E tutusa lava au miti ma isi talavou a le Ekalesia—ina ia amata se aiga ma auauna atu i le Ekalesia. Ma ina ia lelei le faia o nei mea, ou te manaomia se galuega lelei.

PERESITENE HINCKLEY: I se taumafaiga e foia lenei tulaga, matou te tuuina atu ai se fuafuaga—o se fuafuaga matou te talitonu ua musuia e le Alii. … O le a matou ta’uina o le Tupe Faaagaga mo Aoga.

VANDERLEI: Ina ua ou foi mai la’u misiona, sa leai sou avanoa e suesue. Na faafuasei lava! Na oo mai le Tupe Faaagaga mo Aoga, ma sa ou matua fiafia lava! Sa ou alu i le aoga, lesitala, ma totogi le aoga. Sa ou tuuina atu i ai le mea sili ou te mafaia ma sa faamanuiaina au. O a’u o le numera tasi i la’u vasega! A o lei aveina lau kosi, sa ou faigaluega leipa. Sa tuuina mai e isi faatonuga ia te a’u. Ina ua maea le kosi, sa faafaigaluegaina a’u e pulea se aufaigaluega e 450 tagata, ma o le asō ua sili atu ona lelei la’u totogi. E le o toe manaomia ona faigaluega lo’u toalua. Na te tausia le ma fanau, o le mea sili ona taua mo i ma’ua. Ma ua mafai ona ou auauna atu i le Ekalesia ma le alofa. Ua mafai ona au auauna atu ma le tuuto. Ua matua suia e lenei mea lo’u olaga ma le olaga o lo’u aiga.

NADINE: E tatau ona ou faia mea uma ou te mafaia e toe totogi ai le nonogatupe, aua ou te iloa o le a fesoasoani i isi e auai ma maua se aoaoga. E tatau ona e faamaoni pe afai o avea oe ma se vaega o lenei polokalama.

CARLOS: I la’u faamanuiaga faapeteriaka o loo ta’ua ai o le a ou maua lenei avanoa, ma sa faataunuuina. Ia i matou o le Tupe Faaagaga mo Aoga ua le na o se mea faaletino. Ia i matou o se valoaga. E paia.

KEVIN: Na ou faapea o loo tagatagai mai le perofeta ia te a’u, ma iloa ia tulaga sa ou i ai. Ma sa ou faapea na ia saunoa mai, “E tatau ona ou fesoasoani ia te oe.”

PERESITENE HINCKLEY: Ua matuai manino lava le mea tatou te faia, ua matuai manaomia lava, ma ua faasino mai e le Alii le ala. O le a avea ma se faamanuiaga ia i latou uma o e ua pa’ia o latou olaga—i alii ma tamaitai talavou, i o latou aiga i le lumanai, i le Ekalesia. Matou te tatalo ma le lotomaualalo ma le agaga faafetai o le a faamanuiaina e le Atua lenei taumafaiga.

Toe foi i le itulau 60

O A Mea e Manaomia e Maua ai se Nonogatupe a le TFA?

  • Auai i se vaega o Aoaoga mo se Galuega Lelei; faamaea le pepa galuega o se fuafuaga mo se nonogatupe a le TFA.

  • Filifili se galuega, aoga, ma se polokalama mai Lisi o Mea e Fiafia i Ai a le SRS; o tuusaunoaga e ala i talosaga.

  • Filifili se faiaoga mo nonogatupe e fesoasoani i tautinoga i le aoga, galuega, ma le nonogatupe.

  • Auai i le inisitituti (mo talavou nofofua matutua).

  • Ia 18 tausaga pe matua atu.

  • Ia agavaa mo le malumalu ma auauna atu i se valaauga.

  • Ia maua se faamaoniga mai se taitai perisitua.

Toe foi i le itulau 61

E Mafai Faapefea ona Faaaoga se Nonogatupe a le TFA? E Faapefea ona Totogi?

E mafai ona faaaoga nonogatupe a le TFA e totogi ai:

  • Aoaoga ma aoaoga faalematata lea e oo atu ai i se galuega

  • Pili aoga, tusi, ma nisi sapalai (o le pili aoga e totogi i le aoga).

O taiala mo le totogiina o nonogatupe o loo ta’ua i lalo:

  • O aofaiga patino ma faatonuga o le totogiina o loo maua mo atunuu taitasi.

  • O le totogiina o loo faia i se tuufaatasiga o mea e faaosofia ai le faatinoga ma le tupe.

    • O le a faaitiitia e mea e faaosofia ai le faatinoga le paleni o le nonogatupe e pei ona ta’ua i lalo:

      • 5% e pā’u ai le tupe e totogiina o le nonogatupe faaletausaga mo togi lelei i tausaga taitasi (tagai i le tamaitusi a le TFA mo le faauigaga o togi lelei)

      • 10% le pā’u mo le faamaeaina o le polokalama faaleaoaoga (faauu).

      • 10% le pā’u mo le ausiaina o sini fuafuaina (galuega ma le tulaga o le totogi)

      • 25% o mea faaosofia talitutusa mo le totogiina o nonogatupe uma i le taimi sa’o

      • Toe pā’u le 10% i le aofaiga o totoe pe a vave ona totogiina atoa le nonogatupe.

    • Tupe e totogi faalemasina o le nonogatupe ao aoga

      • E manaomia le totogi o le totogiga muamua ao lei totogiina le aoga

      • E laiti tupe e totogi faalemasina ao i ai i le aoga mo se tau laitiiti, mo polokalama e pupuu atu.

      • E tetele tupe e totogi faalemasina ao i ai i le aoga mo se tau taugata atu, mo polokalama e pupuu atu.

    • E amata le totogiina o le nonogatupe faalemasina i le ono masina talu ona maea le aoga pe ua nofo ma le aoga

      • O tupe e totogi e fuafua i le aofai o le nonogatupe ma le umi o le polokalama

      • E aofia ai se pasene laitiiti lava

      • E mafai ona totogi atoa i le tolu i le fa tausaga atoa ai ma mea e faaosofia ai le faatinoga.

Toe foi i le itulau 62

O Le Faiaoga mo le Nonogatupe a le TFA

O ai le faiaoga mo le Nonogatupe a le TFA?

O se faiaoga mo le nonogatupe a le TFA o se tagata matua o lē fesoasoani ia te oe ina ia manuia le aoga, galuega, ma le totogiina o le nonogatupe. O le faiaoga mo le nonogatupe a le TFA e le o se tagata lua te toalua i le sainiina o le nonogatupe po o se tagata e faamaonia [le nonogatupe] ma e leai ni tuutuuga tautupe e fesootai ma le nonogatupe a le TFA.

E faapefea ona ou filifilia sa’u faiaoga mo le nonogatupe a le TFA?

Talosaga atu i se tagata matua faamoemoeina e avea ma ou faiaoga mo le nonogatupe a le TFA. Atonu o le a e filifilia se tasi e iloa au fuafuaga, e aofia ai ma i latou e te talanoa i ai e uiga i galuega po o aoga. E mafai ona avea o ia ma se tagata o le Ekalesia po o se tagata foi e le lotu.

Ina ia maua le itulau a le faiaoga mo le nonogatupe a le TFA i le uepisate a le TFA, o le a manaomia e le faiaoga mo le nonogatupe a le TFA se Faitotoa a le AAG. O le a e manaomia ia faamatalaga nei mai lou faiaoga e faamaea ai le talosaga o le nonogatupe a le TFA i luga o le initoneti:

  1. Igoa faaaoga o le faitotoa o le AAG (tuu i le faitalia) (E avanoa ia Faitotoa a le AAG i tagata uma.)

  2. Telefoni (autu)

  3. Telefoni (faaleoleo)

  4. Imeli

O le a faafesootaia lou faiaoga mo le nonogatupe a le TFA e se sui o le TFA ia talia tiutetauave o se faiaoga.

O le a se mea o le a manaomia e lo’u faiaoga mo nonogatupe a le TFA ona silafia ma faia?

O lou faiaoga:

  • E tatau ona ia silafia e le nafa o ia ma mea tautupe o lau nonogatupe a le TFA.

  • O le a ofoina atu lau faamalosiauga ma fautuaga ao e fetaiai ma luitau faaleaoaoga, galuega, po o le totogiina ma fesoasoani ia te oe e tausia au tautinoga e totogi le nonogatupe a le TFA.

  • E manaomia le taliina o valaau mai telefoni po o savali faaeletonika mai sui o le TFA ma taitai perisitua e talanoa i lou alualu i luma.

  • E tatau ona faatumauina le le faalauaiteleina o faamatalaga o lau nonogatupe.

  • Ua ioe ma malie i le mafai e le TFA ona faaaoga, ao mai, ma faagaoioia ia faamatalaga mai faamaumauga o pepa faamaumau a le Ekalesia mo faamoemoega e faatatau i lana matafaioi o se faiaoga mo nonogatupe a le TFA.

Toe foi i le itulau 62

Fuafuaga mo Nonogatupe a le TFA

Fuafuaga o le Nonogatupe a le TFA (faaauau pea)

Faamaoniga a le Tagata e Faagaoioia

Ua uma ona faamaeaina e (igoa) lesona e fa o le Aoaoga mo se Galuega Lelei ma ua saunia e talosaga mo se nonogatupe a le TFA.

Igoa o le tagata e faagaoioia

Saini a le tagata e faagaoioia

Aso

Faamaoniga a le Taitai Perisitua

O loo maua le fomu lenei i le nofoaga autu a le siteki mo le ola tutoatasi po o luga o le initoneti i le srs.lds.org/pef. Aumai le fuafuaga o le nonogatupe a le TFA (itulau e 73–74) o lau fuafuaga o le nonogatupe a le TFA i le faatalanoaga o le faamaoniga e lou taitai perisitua.

fomu o le faatalanoaga ma le faamaoniga

Aoaoga Faavae Taua o le Ola Tutoatasi mo Taitai Perisitua ma Tagata Talosaga

Faatuatua ia Iesu Keriso
MF&F 104:15; Eteru 12:27

Faatuatua o le faamoemoega a le Atua le saunia mo manaoga faaletino o Ana Au Paia ma ua ia te Ia le mana atoa e faataunuu ai.

Usiusitai
MF&F 130:21; Mataio 7:21

O le faamanuiaga o le ola tutoatasi e faalagolago lea i le usiusitai i tulafono ma sauniga lea o faavae ai le ola tutoatasi.

E Tatau ona Galulue Tagata Taitoatasi
2 Nifae 2:16, 26

O le ola tutoatasi o le fesoasoani lea ia te oe lava, ae le o se aia tatau. E tatau ona e galue. O oe e te galue ae le o le galue mai mo oe.

Lotogatasi ma Auaunaga
Mose 7:18; MF&F 56:16–17

E tatau ona tasi le tagata mativa ma le tagata mauoa. E tatau i tagata uma ona auauna ma alolofa le tasi i le isi.

Toe foi i le itulau 62

Fesootai Atu i le Talosaga mo le Nonogatupe a le TFA i luga o le Initoneti.

Ina ia mafai ona talosaga mo se nonogatupe a le TFA, e tatau ona e faamaeaina le talosaga mo le nonogatupe i luga o le initoneti i le srs.lds.org/pef e faaaoga ai lau Faitotoa a le AAG.

O faiaoga mo nonogatupe a le TFA o e ua maua Faitotoa a le AAG e mafai ona maua a latou itulau mo nonogatupe a le TFA i luga o le uepisaite a le TFA.

Afai sa e faamisiona talu ai nei, atonu ua uma ona i ai sau Faitotoa a le AAG. Afai e leai, e mafai ona maua se Faitotoa a le AAG i le ldsaccount.lds.org.

Fesili Lautele

  1. O le a le Faitotoa a le AAG?

    O le Faitotoa a le AAG o se polokalama e saini ai i totonu (igoa faaaoga ma le uputatala ) mo le tele o uepisaite a le Ekalesia, e aofia ai ldsjobs.org, talafaasolopito o aiga, talosaga mo faifeautalai i le initoneti, ma uepisaite a le uarota po o le siteki.

  2. Pe tatau ona avea au ma se tasi o Le Ekalesia a Iesu Keriso o le Au Paia o Aso e Gata Ai ina ia faaaogaina ai le Faitotoa a le AAG?

    Leai, e le manaomia. E ui e maua e tagata o le Ekalesia nisi punaoa faapitoa i le avea ma tagata auai (manaomia mo se nonogatupe a le TFA), e mafai e soo se tasi ona lesitala mo se faitotoa o se “uo” (e aofia ai ma faiaoga e le lolotu mo nonogatupe).

  3. O a faamatalaga ou te manaomia e seti au sa’u Faitotoa a le AAG?

    Afai o oe o se tagata o le Ekalesia, o le a manaomia lau numera o le pepa faamaumau, lou aso fanau, ma se tuatusi imeli i loo aoga. Atonu e mafai ona e maua le numera o lou pepa faamaumau i luga o lau pepa faataga o le malumalu pe e te talanoa i le failautusi a la outou uarota po o paranesi. Afai o lou faiaoga mo le nonogatupe e le o se tagata o le Ekalesia, e manaomia lona faamaoniaina o lona igoa, aso fanau, itupa, ma le atunuu.

    Ina ia maua le talosaga mo nonogatupe a le TFA i le initoneti, matou te manaomia:

    1. Faamatalaga autu e uiga ia te oe ma le aiga

    2. Faamaoniga ua sainia e le taitai Perisitua

    3. “Fuafuaga mo Nonogatupe a le TFA” ua maea

      • Faamatalaga e uiga i le Faiaoga

      • Fuafuaga faalegaluega

      • Fuafuaga faaleaoaoga

      • Fuafuaga Tau Tupe Faaleaoaoga

      • Faamaoniga a le Tagata e Faagaoioia

Toe foi i le itulau 62

E I Ai Ou Lima e Lua e Galulue

Feauauai i le faitauina o le tala lenei e uiga ia Arturo, o se tagata o le Ekalesia mai Peru.

O le tuua o le misiona sa lei faigofie. Sa tele naua au sini ma miti; ae ina ua ou toe foi mai sa ou fetaiai ma tulaga moni. Sa leai ni ou tomai ma e le tele ni tupe maua. O le sailia o se galuega e lei faigofie.

Na iu lava ina ou faatuina se tulaga e faatau atu ai fualaau aina suamalie, ma o lena tupe sa ou totogiina ai le aoga, fesoasoani i le aiga, ma totogi ai la’u sefuluai ma taulaga.

Sa ou faia lena mea seia oo i lena Setema. Ao faatauina a’u fualaau aina, na sau se loli uaina i o’u tua ma taia a’u. Na taia a’u agai i le puipui ma faaleagaina ai lo’u vae taumatau. Sa aveesea lo’u vae taumatau ma tauaso lo’u mata e tasi. Na faamanuaina foi lo’u lima taumatau ma lo’u vae tauagavale.

Ina ua maea lena tulaga, sa ou faalogo i le perofeta o saunoa ua tatau ona tafiesea le mativa, ma o le a mafai e faifeautalai ua maea misiona o e le maua ni punaoa tau tupe ona maua se aoaoga. O le Tupe Faaagaga mo Aoga o le a fatuina mo talavou o i ai ni faamoemoega maualuluga. E moni sa aveesea lo’u vae ma lo’u mata ae le o le naunau ia ola pe faaauau pea ona miti. Sa ou filifili e tau ina ia ausia au sini.

Faafetai i le Tupe Faaagaga mo aoga, sa ou faamaeaina la’u aoaoga faalematata i tausaga e tolu, ona ou manao lea i nisi mea. Sa ou talosaga atu ma taliaina i le iunivesite.

O loo ou faigaluega i le taimi nei ia te au lava ia e avea ma se tagata i le laulau fesoasoani. Ou te tuuina atu ni auaunaga fesoasoani i tagata faapea ma tekinolosi faakomepiuta mo nisi o kamupani i le taeao seia oo pe tusa o le 4 i le afiafi. Ou te lipeaina foi komepiuta i le fale. Ou te auai i le aoga i afiafi. Ou te aluese mai i le 5 ma amata au vasega i le 6. O le umi o vasega e oo i le 11 i le po, pue se taavale laupasese pe tusa o le 11:30 ina ia taunuu i le fale i le va o le vaeluapo ma le 12:30. Ou te ‘ai, toe suesue a’u mea aoga ma moe loa. O le aso e sosoo ai ou te alapo e alu i le galuega pe sue se galuega. Ou te galue seia oo i le 2 po o le 3 i le aoauli, ona ou agai atu lea i le iunivesite.

Ou te matua faafetai i le Atua mo mea uma ua ou maua. Ou te fia taui atu ia te Ia i nisi o auala mo mea uma ia Ia faia mo a’u. E le tele ni au mea e fai ma ou te nofo aitalafu pea ia te ia. Ou te auauna atu o se volenitia i le nofoaga autu o valaau i ofisa a le Ekalesia o Tupe Faaagaga mo Aoga.

I le lua ma le afa tausaga ou te vaai atu i lo’u tagata o faauu o se enisinia o mea tau tekinolosi. I le lima tausaga, o le a ou faigaluega i se kamupani taua e tausia lo’u aiga faapea foi ma lo’u aiga ma fanau i le lumanai.

O la’u sini o le faaipoipo i le malumalu. O le mafuaaga lena ua ou suesue ai, ma o le mafuaaga lena ua ou galue ai. Ma o le mafuaaga lena ou te fusu ai i aso taitasi.

Ou te iloa o le a le faigofie, ae e tatau ona ou aoao e le tuuina mai ia i tatou e le Alii ni poloaiga e aunoa ma le saunia o le auala.

Ua Ia aumaia ia te au le ola. Ua Ia aumaia ia te a’u le Tupe Faaagaga mo Aoga. Ua Ia aumaia ia te a’u ni lima se lua ina ia galulue, o se faiai e mafaufau ai, o se gutu e tautala ai, ma se loto ia lagona ai ma agai atu i luma ma a’u miti.

Ou te iloa e mafai mea uma, e pei ona ta’u mai e Paulo: “Aua o le vaivai e faaatoaina ai lo’u mana.” Ua fesoasoani mai le Alii ia te a’u.

O mea uma ua ou maua—o lo’u aiga, la’u aoga, ma e oo lava i lo’u ola—ou te tuuina atu i le Atua. O mea uma e sau mai Ona aao ma ou te faafetai ai mo lena mea.

Toe foi o le itulau 64