Aoao

Ata

matauila-lanu enaena

O a ni a’u filifiliga tau aoaoga?

Taimi:Seti le taimi le 30 minute mo le vaega Aoao

Faitau:Ua i ai nei ni o matou manatu e uiga i la matou galuega i le lumanai. O le a matou talanoaina i lenei vaiaso le ituaiga o aoaoga po o aoaoga faalematata tatou te manaomia ina ia maua ai ni tomai e agavaa ai mo lena galuega.

Vaiaso 1	Vaiaso 2	Vaiaso 3	Vaiaso 4	Vaiaso 5	Vaiaso 6
O a ituaiga o galuega o le a fesoasoani ia te a’u ina ia ola tutoatasi?	O a aoaoga o le a faaagavaaina a’u mo la’u galuega?	E faapefea ona ou totogiina la’u aoga?	E tatau ona ou talosaga mo se nonogatupe a le Tupe Faaagaga mo Aoga?	E faapefea ona faamanuaina a’u i totonu o le potuaoga?	E faapefea ona faamanuiaina a’u i fafo atu o le potuaoga?

Faataitai:E tatau i le tagata e faagaoioia ona tuu atu ia tofu tagata o le vaega ma se kopi o Lisi o Auaunaga mo le Ola Tutoatasi e Fiafia I Ai pe afai e leai ni a latou lisi mai le vaiaso ua tea.

Filifli ni tagata se toalua e tusi i luga o le laupapa. Ona, tau vave mai lea e tagata uma ia igoa o aoga i le lotoifale po o polokalama faaleaoaoga faalematata i le vave e mafai ai i le lua minute. Mafaufau i tulaga nei:

Aoga lautele ma aoga tumaoti po o iunivesite
Aoaoga faalematata ma faatekinolosi
Faaaperenitisi po o aoaoga faalevaega
Polokalama ma aoga e fiafia i ai mai le Lisi o Aoga ma Polokalama e Fiafia i Ai

Faitau:O fea o filifiliga e mafai ona faaagavaaina i tatou mo a tatou galuega i le lumanai? E taua le iloaina e le o aoga uma ma polokalama e tutusa. Latou te eseese i le umi, tau, ma le faigata. O nisi e faamanuiaina i le fesoasoani i tagata faauu ia maua ni galuega. O nisi e le lelei pe ua taugata tele.

Maimoa:“Filifiliina o se Aoga po o se Polokalama Faaleaoaoga Faalematata” (Leai se vitio? Faitau le itulau 38.)

Talanoaina:O a laasaga o le a e faaaogaina e saili ai le polokalama faaleaoaoga sa’o?

Faitau:Afai tatou te faaaogaina se nonogatupe a le TFA, tatou te manaomia le filifiliina o se aoga po o se polokalama mai le Lisi o Aoga ma Polokalama e Fiafia I Ai. O nei aoga e saunia ia tomai e maua ai se galuega e fiafia i ai. Latou te fesoasoani foi i tagata faauu e saili lena galuega. E mafai ona e talosagaina se tuusaunoaga po o se faaopoopoga i le lisi e ala i le faafesootaiina o la outou pule o auaunaga mo le ola tutoatasi i le lotoifale.

Faitau:I lenei vaiaso, o le a tatou tuuina atu le fesili lenei ma faia le faatinoga lenei:

Faitau:FESILI O LE VAIASO—O a aoaoga po o aoaoga faalematata o le a faaagavaaina a’u mo la’u galuega?

FAATINOGA O LE VAIASO—Sailiili i filifiliga po o avanoa mo aoaoga, aoao e uiga i polokalama e ala i le talanoa atu i isi tagata, ma saunia se fuafuaga faaleaoaoga.

E faapefea ona ou fatuina sa’u fuafuaga faaleaoaoga?

Faataitai:I le aluga o le vaiaso, o le a tatou fatuina se “fuafuaga faaleaoaoga” (tagai i le itulau 33). O le a fesoasoani lenei faatinoga ia i tatou ia aoao ai i le auala e faia ai lena mea, i lea laasaga ma lea laasaga!

Laasaga 1. Faitau ia faataitaiga. Ona tusi lea o le igoa, mo na o se faataitaiga, o se vaega faaleaoaoga o loo e mafaufau i ai i lalo o le “O La’u Faataitaiga.” Lisi uma tagata e mafai ona e talanoa i ai e uiga i lena filifiliga.

O LA’U FUAFUAGA FAALEAOAOGA: O A NI A’U FILIFILIGA FAALEAOAOGA?
	Faataitaiga 1	Faataitaiga 2	O Lau Faataitaiga
Lisi ia polokalama faaleaoaoga po o aoga o loo e iloiloina.	Inisitituti o Aoaoga Faalematata Eseese	Nofoaga Autu o Faamaoniga o Polokalama Tau Komepiuta

O AI E ILOA SE MEA E UIGA I POLOKALAMA PO O AOGA?
Lisi ia tagata mo polokalama po o aoga taitasi e mafai ona e talanoa i ai	E faigaluega Tuafafine Addo iina Faufuatua o le aoga, faiaoga O la’u uo, o Sofia e aoga ai iina Tagata aoga	Alii i le faleoloa o komepiuta Ua faamaonia ia Uso Moldona O se tasi e i le nofoaga autu e faamaonia ai

O AI E ILOA SE MEA E UIGA I POLOKALAMA PO O AOGA?

Lisi ia tagata mo polokalama po o aoga taitasi e mafai ona e talanoa i ai

E faigaluega Tuafafine Addo iina

Faufuatua o le aoga, faiaoga

O la’u uo, o Sofia e aoga ai iina

Tagata aoga

Alii i le faleoloa o komepiuta

Ua faamaonia ia Uso Moldona

O se tasi e i le nofoaga autu e faamaonia ai

Laasaga 2 Faitau ia fesili ma faataitaiga nei. Faatumu ia pusa mo “O Lau Faataitaiga.” Mo le faataitaiga lenei, atonu e manaomia le mateina.

O LE A MEA O LE A OU FESILI ATU AI?
	Faataitaiga 1	Faataitaiga 2	O Lau Faataitaiga
E toafia le au faauu? E toafia e maua ni galuega lelei?	E 80% e faauu ma maua tusi faamaonia O le toatele o e faauu e maua galuega lelei O le toatele ua pule i le tasi tausaga	60-65% ua maua tusi faamaonia E toeitiiti lava o tagata uma ua pasi e maua ni galuega lelei
O le a le mea e manaomia e talia ai i se polokalama po o se aoga?	Latou te talia tagata e toa 100 i le tausaga i le uelo; e tatau ona pasi le suega o le numera autu; manaomia ni tusi faamaonia se 2	Pasi le suega o le numera Totogi le tupe E i ai se komepiuta feaveai
O le a le umi e maua ai se tusi faamaoni/faauu?	18 masina e maua ai se tusi faamaonia 6 masina e fautuaina atu ai i se faaaperenitisi (e faatulagaina e le aoga, leai se totogi)	9 masina faatasi ai ma se suega o le tusi faamaonia
O a tau i tausaga taitasi? Mo le polokalama atoa? Mo le tusi faamaonia?	10000/tausaga o le pili aoga ma tau 15000 mo le polokalama atoa 8000 (faaopoopo) mo le tusi faamaonia ma meafaigaluega	15000/9 masina (15000 mo le polokalama atoa) 5000 (faaopoopo) mo le faamaoniga o le tusi faamaonia
O i ai ni sikolasipi? Foai? Nonogatupe?	Sikolasipi mo tagata aoga maualuluga mo le 6 masina; leai ni foai; nonogatupe e maualuga le pasene	Leai
O le a le faatulagaga? Femalagaaiga?	3 vasega (taeao, aoauli, afiafi) E lata i le mea e faatali ai le pasi; e 45 minute ou te malaga ai	Taeao ma le po Lua pasi e tietie ai, 1 le itulau i itu taitasi

Laasaga 3. Ia, faitau nei ia faataitaiga ona otooto mai lea o le tali “O Lau Faataitaiga” i le pusa i le itu taumatau. Manatua, ua na o se faataitaiga. O le a tatou ao maia nisi faamatalaga e sili ona sa’o i lenei vaiaso.

O FEA GALUEGA E FOLIGA MAI E SILI ONA LELEI E MAUA AI SE TOTOGI MA TUTUSA MA O’U MALOSIAGA MA TOMAI?
	Faataitaiga 1	Faataitaiga 2	O Lau Faataitaiga
O a ni mea ua ou aoaoina mai nei filifiliga? O fea e foliga e sili ona lelei mo a’u	Sina taimi faaopoopo. Sina taugata teisi. Lelei le tulaga, sikolasipi, fetuutuunai ia taimi. Lelei fesootaiga ma pule.	Laitiiti le taimi. Laitiiti le tau atoa. Maualuga le lamatia e toilalo. Lelei tele le tulaga. Faigata femalagaaiga

Faitau:A maea ona ao mai faamatalaga i lenei vaiaso, e tatau ona faia ni a tatou filifiliga. E mafai ona tatou tatalo ma faitau a tatou faamanuiaga faapeteriaka e fesoasoani ia i tatou. A tatou agavaa ma faamaoni, o le a taitaiina i tatou e le Agaga Paia. E finagalo le Alii e faamanuia ia i tatou. Sei o tatou saili Lana fesoasoani!

E faapefea ona ou tuuina atu la’u fuafuaga faaleaoaoga?

Faitau:Ina ia saunia mo le vaiaso a sau, sei o tatou faataitaia le tuuina atu o le fuafuaga faaleaoaoga.

Faataitai:Tutu i luga ma sue mai se soa galue fou. Tuu atu se fuafuaga faaleaoaoga faataitai se tasi e pei o oe e anaina (tagai i itulau e 30–31). Afai e te le o mauaina uma faamatalaga, faaaoga lou mafaufau. Ia faia i le tolu minute. Ona faaaoga lea o le lua minute e talosaga atu ai mo ni manatu faaalia mai isi tagata.

Fesuiai ia matafaioi ma tuu atu i le isi tagata e faataitai le tuuina mai.

Talanoaina:Toe foi i le vaega toatele. Talanoa i le auala o le a e aoina mai ai faamatalaga i le faagasologa o le vaiaso ma le auala o le a e tuuina atu ai lau fuafuaga faaleaoaoga i le vaiaso a sau. Tuu atu ni fesili ma fetufaai ia manatu.

Faitau:I le aluga o le vaiaso; ao mai ni faamatalaga ma tuu i totonu o le fuafuaga faaleaoaoga lenei. Talanoa atu i le toatele o tagata e mafai ona e talanoa i ai. Fai atu ni fesili se tele ma faaopoopo nisi fesili i au tusitusiga. Afai e te manaomia se isi fomu o le fuafuaga faaleaoaoga, o loo i ai se kopi i le itulau e 39.

E mafai faapefea ona ou saunia e maua se nonogatupe a le TFA?

E mafai foi e lau fuafuaga faaleaoaoga ona fesoasoani ia te oe e saunia mo se nonogatupe a le TFA, pe afai e te manaomia se nonogatupe e fesoasoani i le totogiina o lau aoga po o aoaoga. Afai e te manatu e ono manaomia se nonogatupe a le TFA, tali i fesili nei ao atinae lau fuafuaga faaleaoaoga ma teu le faamatalaga lenei mo lau talosaga o le TFA.

O LA’U FUAFUAGA FAALEAOAOGA: O A AOAOGA PO O AOAOGA FAALEMATATA O LE A FAAAGAVAAINA A’U MO LA’U GALUEGA?
O le aoga na filifilia (mai le Lisi o Aoga ma Polokalama e Fiafia i Ai a le SRS).
Faailoga po o polokalama (mai le Lisi o Aoga ma Polokalama e Fiafia i Ai a le SRS).
Galuega e fiafia i ai (mai le Lisi o Aoga ma Polokalama e Fiafia i Ai a le SRS).
Faatasi ai ma le talosaga lenei o le nonogatupe, o a fea o le a amata ai lau aoga?
Masina ma le tausaga o le faauuga ua fuafuaina:

Faaaliga: Afai e le o i ai le aoga po o le polokalama i le Lisi o Aoga ma Polokalama a le SRS ma o loo e fia talosaga pea mo se nonogatupe, faafesootai le pule o auaunaga mo le ola tutoatasi.