Punaoa

Aoaoga mo le Ola Tutoatasi

Filifili matafaioi ma faatino vaega nei.

TAGATA E FAAGAOIOIA: Talofa, tagata uma! Tau mai ia i matou o outou igoa ma sina mea e uiga ia te outou.

KWAME: Ia, o a’u o Kwame. Faatoa ou foi mai le misiona, o loo saili so’u toalua, ma o loo ou galue i ni galuega eseese.

CONSUELO: O lo’u igoa o Consuelo; Ua ou faaipoipo ma e toalua le fanau tama laiti; ou te fesoasoani i lo’u toalua i lana pisinisi fualaau suamalie.

MEKALA: Ma o a’u o Mekala. O a’u o se tina nofofua ma se tama teine e ono tausaga. Ou te faigaluega tumau i le tapenaina o fale talimalo.

ROPATI: O a’u o Ropati, ua ou faaipoipo ma e toalima le fanau, ma o loo ou galue o se epikopo i le taimi nei, ae o loo ou taumafai e saili se galuega lelei.

TAGATA E FAAGAOIOIA: Ia, lelei. Aisea la ua tou i ai uma iinei?

KWAME: Na o le fia i ai lava i le aoga. Na toe foi uma a’u soa i le misiona i le fale e o i le kolisi, ma ou te fia faapena foi.

ROPATI: Sa ou faamoemoe moni lava e maua se nonogatupe mai le Tupe Faaagaga mo Aoga—e le o le tulaga ea lena e faatatau i ai?

CONSUELO: Na saunoa mai le perofeta ia aoga i le mea e gata ai le mafai, o lea sa ou tauina ai i lo’u toalua e tatau ona ou faia lenei mea.

MEKALA: Ia, na o lou fia maua o se galue lelei ina ia ou ola tutoatasi atili ai, ma e le tele ni ou tomai.

TAGATA E FAAGAOIOIA: Lelei, e foliga mai e tele ni mafuaaga mo le i ai iinei. O le a lelei le tatou mafutaga. Mekala, e ese le taua o le mea sa e fai mai ai. Tau mai ia i matou nisi mea.

MEKALA: E matua uumi lava itula ia ou te faigaluega ai ma e le tele se taimi ma te faatasi ai ma la’u tama teine. Ma ua ou iloa e le maua sa’u galuega lelei e aunoa ma nisi o aoaoga. O lea la ou te manaomia nisi aoaoga ia maua ai ni tomai. Fai mai lo’u epikopo o le nofoaga lea.

TAGATA E FAAGAOIOIA: E sa’o oe, Mekala! O le mea moni, o le mea lena ua matou i ai iinei. E le na o le aoaoga e faatatau i ai. O se mea e faateia ai? O le a fesoasoani le vaega lenei ia i tatou e fuafua ina ia maua nisi aoaoga po o aoga, ae o le mafuaaga o le mauaina o ni tomai, maua se galuega lelei, ma faateleina a tatou totogi. Atonu o le mea sili ona taua, mo nei vaiaso e 12, o le a tatou aoaoina ni mataupu faavae, tomai, ma mausa lea o le a fesoasoani ia i tatou ina ia ola tutoatasi moni lava. O lona uiga la o lenei mea e sili atu nai lo na o le alu i le aoga.

ROPATI: A e o le a se tala i nonogatupe a le TFA?

TAGATA E FAAGAOIOIA: Afai e te iloa e te manaomia moni lava se nonogatupe, o loo avanoa lava, ma o le a tatou aoao i le auala e faia ai lena mea. Ae faapefea pe afai e mafai ona e maua le aoaoga lea e te manaomia e aunoa ma se nonogatupe? O lona uiga o le a leai se na aitalafu.

CONSUELO: Mata o le a fesoasoani ia i tatou e o ai i le iunivesite?

TAGATA E FAAGAOIOIA: Afai o le nofoaga sao lena e maua ai ni tomai e te manaomia e maua ai se galuega lelei, ona ioe laia. Ae o nisi taimi e le o se tikeri o le iunivesite o le a taitaiina atu oe i ni galuega i lo tatou atunuu.

ROPATI: E moni lena mea. Ou te iloa ni fomai o loo avetaavale laupasese.

KWAME: Na o lou fia manao lava e amataina se mea. A o lei alu la’u misiona, sa na o lou faatau mea i magaala. E leai ma ni o’u tomai faafaigaluega o i ai.

CONSUELO: Ua tatou i ai la iinei e aoao e uiga i galuega po o aoaoga?

TAGATA E FAAGAOIOIA: Mea uma e lua! Tatou te mananao ia ola tutoatasi, e sa’o? O le a tatou aoao la i mataupu faavae autu o le ola tutoatasi. O le a tatou amata i le filifiliina po o a ituaiga galuega o le a tatou maua ai se totogi lea e oo atu ai i le ola tutoatasi.

Ona tatou filifili lea po o a aoaoga o le a fesoasoani e faaagavaaina i tatou mo lena galuega. Ona tatou fuafua lea pe faapefea ona tatou totogiina lena aoaoga ma le auala e faamanuiaina ai i le aoga. O le a tatou fesoasoani i le tasi ma le isi e ausia a tatou sini.

ROPATI: O loo fetaui lelei lava le mea lenei. Seia oo mai i lenei taimi, sa na o lou mafaufau lava e alu i le aoga, ae ou te lei mafaufau tele i ai pe aisea e tatau ai ona ou alu i le aoga.

KWAME: E foliga mai o le a mafai ona aumaia e lenei mea se taiala mo a’u. Leitioa a auina mai a’u iinei e la’u peresitene o le korama!

MEKALA: Ae e aoga moni lava? Ua ou matua popole lava, ma sa ou faataitaia muamua nisi auala ina ia maua ai se aoaoga.

TAGATA E FAAGAOIOIA: Ia, e tatau ona tatou galulue malosi faatasi, ma fesoasoani le tasi i le isi. Ae ou te talitonu o le a aoga. Ou te talitonu ma lo’u loto atoa e finagalo le Alii ia i tatou ina ia ola tutoatasi ma faamanuiaina. E finagalo o Ia ina ia tatou aoao ma tuputupu ae. Ma e ia te Ia le mana e fesoasoani ia i tatou. E moni le Togiola, i mea faaletino ma faaleagaga. Ma ua fesoasoani le vaega o le ola tutoatasi i le toatele o tagata faapei o i tatou. O le a so outou manatu? E mafai ona tatou faia? Tatou taumafai e fai? O se tala lenei a se tagata e toatasi:

EMELDA: O le avea ma se tagata na sili i le vasega e le o se mea ou faafetai ai mo au lava ia; o se mea ou te faafetai ai i le Ekalesia! Na ou iloa o le auai i Le Ekalesia a Iesu Keriso o le Au Paia o Aso e Gata Ai o le a aveina au i ni malo faaleagaga sili atu, ae ou te lei mafaufau lava o le a tatala ai faitotoa mo a’u faakatemia.

O le aoaoina o le tatala na avea moni lava o se valaau lapatai mo a’u. Na ou iloa ai o a’u lava e faatonutonuina lo’u lava taunuuga. E tusa lava po o a o tatou tulaga o i ai nei ma mea o tatou lagonaina, e leai sou masalosalo o loo i ai ni fuafuaga lelei a lo’u Tama Faalelagi mo i tatou.

Toe foi i le itulau 4

“Alu ma Fai” le Aoaoina

Ia auauai i le faitauina o parakalafa nei.

I se vasega masani, e masani ona tatou mulimuli i le mamanu lenei: (1) Tatou te savavali i totonu ma saofafai i lalo, e masani lava e aunoa ma le tele o se sauniuniga i la tatou vaega. (2) E tautala mai le faiaoga. (3) Tatou te taumafai e faalogo ma aoao. (4) O nisi taimi tatou te tali i se fesili. Ona tatou (5) o lea i le fale.

I la tatou vaega o le ola tutoatasi, o le a ese se mamanu tatou te mulimuli i ai.

act diagram

Faavae

Lipoti

Aoao

Mafaufau Loloto

Tautino

FAATINO i aso uma ma tali atu i ai

I le aluga o le vaiaso, o le a tatou faatinoina. O le a tatou faia mea na tatou tautino e fai i fonotaga faalevaega ua tea. O le a tatou tuuina atu ni fesili, faataitai ia manatu, ma aoao moni lava.

Ona, ao lei faia le fonotaga faalevaega, o le a tatou iloiloina uma le api galuega ma a tatou tautinoga ma o mai saunia ma i le taimi sa’o.

I le faagasologa o le vaega muamua o le fonotaga faalevaega o le a tatou faaaluina ai le taimi e taulai atu ai i se mataupu faavae po o se mausa o le Faavae. O le a tatou tautino atu foi e aoao atu i lo tatou aiga ma isi.

Sosoo ai, o le a tatou lipoti atu a tatou tautinoga, aoao mai isi, ma saili ni auala e faaleleia ai.

Ona tatou liliu atu lea e aoao. O i o le a tatou sailiili ai i ni manatu ma meafaigaluega tatou te manaomia e “alu ai ma fai” i le aluga o le vaiaso. O le a tatou soalaupule faatasi, matamata i vitio, aoao, ma faataitai.

A uma le vaega o le aoao, o le a tatou tutu ma mafaufau loloto. E mafai ona avea lea ma se taimi mo le uunaiga ma tali.

Ma le mulimuli, tatou te tautino i le tasi ma le isi. Tatou te iloilo mea o le a tatou o ma fai i le aluga o le vaiaso e faaleleia ai o tatou olaga.

O le a toe aumaia i tatou e lena mea i le faatinoina. O le vaega sili ona taua o lenei mamanu o le aoaoina e tupu i le va o fonotaga! Ina ia fesoasoani ia i tatou, o le a tatou filifili se “soa galue” mo le vaiaso, ma o aso taitasi e tatau ona tatou faafesootai atu lena tagata ia vave ona lipoti atu mea sa tatou faia ma aoaoina. E mafai ona tatou faaaogaina ia feau tusitusia po o isi ala o fesootaiga. Ma, o o tatou aiga o ni a tatou punavai silisili o le fesoasoani!

Toe foi i le itulau 5

O Lisi o Mea e Fiafia I Ai a le TFA

Filifili ni matafaioi ma faatino mea nei.

TAGATA E FAAGAOIOIA: Ia lelei tagata uma. O lenei lisi o Mea e Fiafia I Ai a le TFA o loo faaalia mai ai nisi o galuega sili ona lelei i le lotoifale, polokalama faaleaoaoga, ma aoga i la tatou eria. Afai e te manao i se nonogatupe a le TFA, e tatau ona e filifili mai le lisi lenei.

CONSUELO: Aisea?

TAGATA E FAAGAOIOIA: Lelei le fesili. O loo faaalia i lenei lisi ia ni galuega lelei i la tatou eria. O ni “galuega [nei] e sili ona fiafia i ai” ma e manaomia tele. E tele galuega nei o loo avanoa ma ua tele naua tagata o loo faafaigaluegaina.

ROPATI: E matua foliga fesoasoani lava lenei mea. O ai na faia le lisi lenei?

TAGATA E FAAGAOIOIA: Na suesueina e lo tatou pule o le tautua mo le ola tutoatasi i le lotoifale ma nisi o tagata volenitia la tatou maketi o galuega, vaavaai i tulaga o galuega, ma talanoa moni lava i le tele o falefaigaluega i le lotoifale. Sa latou mauaina foi ia aoga ma polokalama i le lotoifale ia na fesoasoani i tagata ia maua tomai e manaomia mo galuega sili ona fiafia i ai.

MEKALA: E foliga mai sa latou lisiina foi ia le uumi o polokalama ma tau.

KWAME: Oka. E ese foi le manaia o le iloaina o nisi o aoga e manaomia ai le silia ma le lua tausaga ao isi e na o le 10 masina mo le polokalama lava e tasi.

CONSUELO: Ma e matua eseese ia tau. Ou te le iloa pe aisea?

TAGATA E FAAGAOIOIA: O le a tatou aoao atili i tau ma le taua i vaiaso o i luma. Ae o le mea o e vaaia e taua. E le o aoga uma e maua ai le taua lava e tasi!

MEKALA: E taua lena mea. Ou te fia alu i se aoga lea e fesoasoani ia te au ia maua ai se galuega lelei. Peitai e taua foi se kosi e puupuu atu ma e taugofie.

TAGATA E FAAGAOIOIA: Sao lelei. O aoga ma polokalama e sili ona fiafia i ai e sauniaina ni tomai mo ni galuega e sili ona fiafia i ai ma le umi ma le tau talafeagai. E tatau foi ona maualuga le tulaga o sailiga o galuega. O se meafaigaluega taua lenei mo i tatou.

ROPATI: E mafai ona fesoasoani lenei mea e tusa lava pe ou te le manaomia se nonogatupe a le TFA?

KWAME: Ia, ioe. O le a ou amata pea i lenei lisi.

TAGATA E FAAGAOIOIA: Lelei le manatu. Ma afai e te le filifilia se galuega, polokalama, po o aoga o i lenei lisi, e tatau lava ona e saili au lava tali i fesili nei: o a galuega o loo manaomia tele, ma o a polokalama ma aoga e sili ona lelei mo na galuega. O le a so outou manatu?

Toe foi i le itulau 6

O La’u Fuafuaga Faalegaluega mo le Tolu Minute

Filifili ia matafaioi ma faatino mea nei.

MEKALA: Lelei la, o la’u fuafuaga lea faalegaluega mo le tolu minute. O le vaega muamua o le lisiina lea o au filifiliga faalegaluega. Ou te le o mautinoa lelei lava e uiga i filifiliga nei ae o loo ou aoao atili ma lagonaina atili le faamoemoe. O le pule lagolago, faiaoga, ma le pule o le faletalimalo. O le isi vaega …

ROPATI: O le isi vaega o le fuafuaga faalegaluega o tagata ia o loo ou talanoa i ai. Mo le vaega o tagata faaliliu, sa ou talanoa ma tagata i se ofisa faaliliu ma lo’u peresitene o le siteki, o le faia le tele o galuega faavaomalo. Mo taitai aoga, sa na o le toalua tagata na ou mauaina i nisi o aoga tumaoti o e mafai ona faaaluina soo se taimi ma a’u. Ma mo le vaega o pisinisi o le taoina o keke ma falaoa, sa ou talanoa i ni tagata eseese se toafa e onaina ni fale tao keke ma falaoa, e aofia ai ma se tina o lo matou aiga o Ellen. Faatasi ai ma lou talaaga i mea tau pisinisi, na i ai ni faamoemoega moni lava.

O lea la, o i ai ni fesili po o ni manatu faaalia mo a’u?

MEKALA: O fea o na filifiliga o le a faatagaina oe ina ia auauna lelei atili i lou valaauga o le Ekalesia? Ou te iloa e taua lena mea ia te oe.

CONSUELO: Ma e fia ni masini e manaomia e amataina ai se fale tao keke ma falaoa?

ROPATI: Manaia ia fesili. Ou te manatu la o le a tele atu lou taimi, ae o le tau …

KWAME: Oka, o se gaoioiga lelei tele lenei gaoioiga, a ea? E pei ua toe i ai i le misiona. Sa tau mai e se tasi o pule o se faleoloa o mea tau uelo le auala na ia aoga ai ma le nofoaga ma le tau. Ona ia fai mai lea o se tulaga faigaluega faaleaoaoga o se auala lea mo a’u. Na ofoina mai foi e se isi faleoloa ia te a’u se tulaga faigaluega faaleaoaoga i le taimi lava lea, ae e leai se totogi, ou te le iloa la i lena tulaga. Ma na matuai maoae lava le aoga faaleoleo. E tatau ona ou aoga mo se tausaga ona feofeoai lea ma nisi leoleo mo le isi tausaga. O le a taugata atu, ae o le totogi o le a faafaina nai lo se isi lava totogi na ou mauaina. E tatau ona ou faia se filifiliga…

CONSUELO: Ma o le mea mulimuli, e tatau lava ona ou faia se filifiliga. Na ou faaitiitia i le lua mo le taimi nei, ae o loo matou galulue i ai o se aiga ma o se mea lelei. O le a ou galue agai i le vaega o tagata tomai faapitoa i komepiuta po o fomai tekinolosi. E tutusa lava ia totogi ae o le tagata tomai faapitoa i komepiuta ou te iloa e masalo e sili atu mo lo’u aiga. O loo mafai lava ona ou fesoasoani i lo’u toalua, ma e tolu masina e puupuu atu ai le aoga…

KWAME: Ia, ua lelei la, ua uma le taimi. O loo matou agaigai pea i luma!

Toe foi i le itulau 10

Faatinoga ma le Tautinoga

Filifili ni matafaioi ma faatino mea nei.

SUI O LE VAEGA 1: Matou te talitonu i le faia ma le tausiaina o tautinoga. I o tatou vaega mo le ola tutoatasi, o mea uma tatou te faia o loo fausiaina i le faia o tautinoga ma le lipotiina.

SUI O LE VAEGA 2: I le faaiuga o se fonotaga faalevaega, tatou te iloiloina ai a tatou faatinoga mo le vaiaso ma faaopoopo atu la tatou saini e faailoa ai la tatou tautinoga. Tatou te filifili foi se “soa galue”. E saini e le soa galue la tatou api galuega e tautino ai le lagolago. Ma o aso taitasi i le va o fonotaga, tatou te faafesootaia ai la tatou soa galue e lipoti atu a tatou faatinoga ma ia maua mai se fesoasoani pe a manaomia.

SUI O LE VAEGA 3: I va o fonotaga, tatou te faailogaina ai lo tatou alualu i luma i le api galuega ma faaaoga ia meafaigaluega ua saunia, e pei o pepa o galuega po o isi fomu. Ma afai tatou te manaomia se isi fesoasoani, e mafai ona tatou valaau atu i o tatou aiga, a tatou uo, po o le tagata o loo faagaoioia.

SUI O LE VAEGA 4: I le amataga o le isi a tatou fonotaga, matou te toe foi mai ma lipoti atu ia matou tautinoga. E tatau ona avea lea ma se aafiaga toafimalie ma mamana mo tagata uma. A o lipoti atu sui o vaega taitasi, mafaufau i le auala na fesoasoani ai ia te ia le faiga o tautinoga ma le lipotia mai o le alualu i luma.

SUI O LE VAEGA 1: O le taimi muamua lava sa ou lipoti atu ai ou tautinoga, sa ou mafaufau, “E uiga ese lenei mea.” Aisea e popole ai tagata o lau vaega i mea ou te faia? Ae sa ou iloaina lo latou popole. Ma sa fesoasoani lea ia te a’u.

SUI O LE VAEGA 2: Sa ou iloaina ou te lei manao e faatoilalo la’u vaega. O lea sa ou matua galue malosi ai e tausia a’u tautinoga. Ou te le mautinoa pe ou te alualu i luma i se isi lava auala. O le lipoti atu i fonotaga taitasi na matua fesoasoani ia te a’u ma mea ou te faamuamuaina.

SUI O LE VAEGA 3: Ina ua ou mafaufau e uiga i lo’u auala i le ola tutoatasi, sa ou fefe aua sa avea ma se mea tele. Ae sa fesoasoani ia te a’u ia fonotaga faalevaega e faaitiitia i ni sitepu laiti. Ma sa ou lipotia ia sitepu taitasi i la’u vaega. Ona ou alualu moni ai lea i luma. Ou te manatu o lenei manuia na mafua mai i le fausiaina o ni mausa fou.

Toe foi i le itulau 17

O LA’U FUAFUAGA FAALEGALUEGA: O A GALUEGA E MAFAI ONA FESOASOANI IA TE A’U INA IA OLA TUTOATASI
Lisi mai ni ituaiga o galuega e tolu o le a e mafaufau i ai.

O AI E SILAFIAINA LENEI ITUAIGA O GALUEGA?
Lisi mai ni tagata se toa 3-5 e talanoa i ai e uiga i galuega taitasi.

O A FESILI O LE A OU TUUINA ATU I NEI TAGATA?
E fia se totogi ou te faamoemoe i ai i masina taitasi pe a ou amata? E fia se totogi faalemasina ou te faamoemoe i ai pe a uma se tausaga o faigaluega?
E faapefea ona ou agavaa mo ituaiga o galuega taitasi?
O i ai ni aoga i le lotoifale?
O tele se manaoga mo lenei ituaiga o galuega?
O le a le tau e amatalia ai?
Isi fesili?

O FEA O GALUEGA E FOLIGA MAI E SILI ONA MAUA MAI AI SE TOTOGI MA E TUTUSA MA OU MALOSIAGA MA TOMAI?
O a ni mea ua ou aoaoina mai nei filifiliga po o vaega? O fea o nei mea e sili mo au?