Punaoa
Filifiliina o se Aoga po o se Polokalama Faaleaoaoga
Filifiliina o matafaioi ma faatino mea nei.
KWAME: Ia, ou te manatu e i ai sou manatu lelei e uiga i ni nai galuega lelei ou te alu i ai.
CONSUELO: Mata latou te fesoasoani ia te oe ia ausia lau sini o le ola tutoatasi?
KWAME: Ou matea lava. Ae ou te lei maua lava ia tomai e agavaa ai mo i latou.
MEKALA: Ioe. O le mea foi lena o lea ou te i ai.
ROPATI Ua tatou lava ona tatou o ia maua nisi aoaoga po o aoaoga faalematata.
CONSUELO: Peitai i le tele o filifiliga a aoga, e faapefea ona ou iloa le mea e alu i ai? E eseese uma lava tau. Ma e faapefea ona tatou iloa pe lelei?
KWAME: O se alii i la’u uarota o le a alu i le Tausaga Fou. O se aoga faalematata. Masalo o le a ou alu ia iina.
MEKALA: Na ou vaai i le tele o pepa o i ai savali o fai mai o le iunivesite a le setete e sili lava lea. Ae e le mafai lava ona ou ulufale ai.
ROPATI: Ma sa ou faalogo e tele le avanoa e maua ai se galuega lelei pe a fai sau galuega faataitai.
CONSUELO: E faapefea lava ona tatou iloa?
KWAME: E mafai ona tatou o e talanoa i nisi o tagata i aoga? Po o nisi o tagata ua faauu?
MEKALA: E faigata lena mea. Ou te matua popole ai lava.
ROPATI: Ae masalo o le mea lena e tatau ona tatou faia. E tatau ona tatou talanoa ia i latou e iloa ai pe na faauu a latou tamaiti aoga ma pe na maua ni a latou galuega lelei. Ae faapefea ia pili ma ni sikolasipi—ma mea uma tautupe? Ou te manatu sei o tatou talanoa ia i latou. Faapea foi ma tagata o e na auai i lena aoga.
CONSUELO: Ta o, Mekala. Ta o faatasi.
MEKALA: Lelei tele la!
KWAME: O se filifiliga tele tele lenei mea—o a tatou tupe ma lo tatou lumanai. Masalo e tatau foi ona tatou tatalo e uiga i ai. Pe fai se faamanuiaga e taiala ai i tatou. Sa ou aoao i la’u misiona e mafai ona taialaina i tatou e le Alii.
MEKALA: Ou te talitonu foi i ai. Masalo o le faatuatua o se vaega tele lenei mea. Faatuatua ma faamoemoe ma a tatou taumafaiga. Ua amata ona ou lagona e finagalo le Tama Faalelagi e faamanuia i tatou i lenei mea.
ROPATI: Ma aua nei galo ia i tatou le Lisi o Aoga ma Polokalama e Fiafia i Ai. O loo i ai ni manatu lelei e uiga i polokalama ma tomai e fesoasoani ia i tatou e agavaa ai mo galuega e sili ona fiafia i ai. Atonu o le nofoaga lena e amata ai—pe tatou te manaomia pe leai foi se nonogatupe a le TFA.
Toe foi i le itulau 29