Lipoti

aū faataamilo-lanumoana

Pe na ou tausia a’u tautinoga?

Taimi:Seti le taimi i le 20 minute mo na o le itulau lenei (e le o le vaega o le Lipoti atoa).

Faataitai:Sei o tatou lipotia mai a tatou tautinoga. O i latou o e na tausia uma a latou tautinoga, faamolemole ia tutu i luga. (Patipati.)

Faitau:Ia, tutu uma i luga tagata uma. E tatau ona tatou taumafai ia tausia uma a tatou tautinoga. O se tasi lena o mausa autu a tagata ola tutoatasi. Sei o tatou toe faia faatasi la tatou faamatalaga autu:

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Faatasi ai ma le faatuatua i le Alii, o loo tatou galulue faatasi ina ia ola tutoatasi.

Faitau:Ia tatou nonofo i lalo.

Talanoaina:O le a se mea sa e aoaoina ao e tausia ou tautinoga i lenei vaiaso? E te manaomia soo se fesoasoani mai le vaega?

O lo’u alualu i luma

Taimi:Seti le taimi i le 15 minute mo na o le itulau lenei.

Faitau:Sei o tatou lipoti mai lo tatou tulaga alualu i luma ua i ai nei. O le a fesoasoani le vitio lenei ia i tatou e iloa ai le auala e faia ai lenei mea.

Maimoa:“Reporting My Progress” (E leai se vitio? Faitau le itulau 92.)

Faataitai:O le a faasoa mai nei e tagata o le vaega lo latou tulaga alualu i luma i nai vaiaso ua tea. Faitau muamua faatonuga nei.

1. Faaaoga se minute mo oe lava ia e mafaufau ai e uiga i au tali i fesili autu o i lalo. E tatau ona i ai i lau api o galuega ia faamatalaga mai vaiaso ua tuanai.

2. A saunia loa tagata uma, ia auauai i le tuuina atu o au tali i lau soa galue. Ia mautinoa ua e fesili atu mo ni manatu faaalia.

O LO’U TULAGA ALUALU I LUMA I AOAOGA MO SE GALUEGA LELEI

Aisea ou te fia manao ai ina ia ou ola tutoatasi? O le a se totogi e tatau ona ou maua ina ia ola tutoatasi? O le a se ituaiga o galuega i le lumanai ua ou filifilia e maua ai lena totogi? O a ni aoaoga ou te manaomia e agavaa ai mo la’u galuega i le lumanai? O le a le aoga ma le polokalama na ou filifilia? Aisea? Mata ou te iloa le tau o la’u aoga? E faapefea ona ou totogiina? Galuega? Aiga? Nonogatupe? E tatau ona ou talosaga mo se nonogatupe a le TFA e fesoasoani e totogiina le tau? Afai o lea, pe na ou mauaina ea se faiaoga ma faafesootai atu lo’u taitai perisitua? Afai o lea, pe na ou faamaeaina ea le faagasologa o le talosaga mo le nonogatupe? O lo’u popolega po o le fesili tele lenei: O i ai se manatu faaalia po o se fautuaga mo a’u?