Folasaga

Mata e mafai ona fesoasoani le vaega lenei ia te au ia ou aoga?

E le faigofie i taimi uma le maua o se aoaoga, ae o le a fesoasoani le vaega lenei o le ola tutoatasi ia te oe ina ia aoao i le auala sili e maua ai se aoaoga e te manaomia mo se galuega lelei. I fonotaga faalevaega, o le a e tautino atu e faia ni galuega patino, ma o le a tuuina atu ia te oe e le vaega ni manatu ma le faamalosiauga. O le sini o lenei vaega e le na o le fesoasoani e saunia oe ina ia faamanuiaina i au aoaoga; ae ia fesoasoani foi ia te oe ina ia e galue ma le usiusitai silisili ma faatuatua i le Alii ma maua Ana faamanuiaga folafolaina o le ola tutoatasi faaletino ma faaleagaga.

O le a le vaega o le ola TUTOATASI?

O le vaega o le ola tutoatasi e ese mai le tele o vasega, lesona, ma aoaoga faasemina a le Ekalesia? E leai ni faiaoga, taitai, po o ni faiaoga faapitoa. O tagata o le vaega e aoao faatasi ma lagolago ma fefaamalosiau le tasi i le isi. Tatou te tali atu i le tasi ma le isi mo a tatou tautinoga, ma e tatou te fefautuaai faatasi e foia ni faafitauli.

“E leai se faafitauli i le aiga, uarota, po o le siteki e le mafai ona foiaina pe afai tatou te saili mo ni vaifofo i le ala a le Alii e ala i le fefautuaai—matua fefautuaai—le tasi i le isi.”

M. Russell Ballard, Counseling with Our Councils, lomiga ua toe iloiloina (2012), 4

O le a le mea e fai e tagata o le vaega?

I fonotaga, e tautino atu tagata o le vaega e faatino. E le na o lo tatou aoao ae ia faia foi mea ina ia tatou ola tutoatasi ai. Tatou te faia ni tautinoga, fesoasoani le tasi i le isi e tausia na tautinoga, ma lipoti atu lo tatou alualu i luma. Talu ai e galulue le vaega o se aufono, e taua tele le auai soo i fonotaga ma ia taunuu i le taimi sa’o. Ia aumai i taimi uma le tusi galuega lenei ma tamaitusi O Lo’u Faavae: O Mataupu Faavae, o Tomai, o Mausa ma le O Lo’u Auala mo le Ola Tutoatasi. O fonotaga taitasi faalevaega e pe a ma le lua itulau. O le faatinoina o o tatou tautinoga e faaaluina ai le tasi i le lua itula i le aso.

O le a le mea e fai e le tagata e faagaoioia?

O tagata e faagaoioia e leo ni tagata tomai faapitoa i aoaoga po o le faiaoga. Latou te le taitaia pe aoao atu le vaega. Nao lo latou fesoasoani lava i le vaega ia mulimuli tonu lava i anomea e pei ona tusia. O se tagata tomai faapitoa mo le ola tutoatasi e masani lava ona faagaoioia ia fonotaga faalevaega; peitai, e mafai ona tofia ni tagata o le vaega e faagaoioia i le tea ai o nai vaiaso, pe a manaomia. Ina ia aoao atili, tagai i le Tusitaiala mo Taitai ma vitio e o faatasi i le srs.lds.org.

Tusi Faamaonia o le Maea o le Kosi

O tagata o le vaega o e auai i fonotaga ma tausia a latou tautinoga o le a agavaa e maua se tusi faamaonia mo le ola tutoatasi mai le Kolisi Faapisinisi a le AAG. Tagai i le itulau 29 i O Lo’u Faavae mo mea e manaomia.