Aoao

matauila-lanumeamata

E tatau ona ou talosaga mo se nonogatupe o le Tupe Faaagaga mo Aoga?

Taimi:Seti le taimi i le 30 minute mo le vaega o le Aoaoina.

Faitau:Ua uma ona matou fuafuaina auala e totogi ai la matou aoga. O se tasi o auala o se nonogatupe o le Tupe Faaagaga mo Aoga (TFA).

Vaiaso 1	Vaiaso 2	Vaiaso 3	Vaiaso 4	Vaiaso 5	Vaiaso 6
O le a le ituaiga galuega o le a fesoasoani ia te au ina ia ou ola tutoatasi?	O a aoaoga o le a faaagavaaina a’u mo la’u galuega?	E faapefea ona ou totogiina la’u aoga?	E tatau ona ou talosaga mo se nonogatupe a le Tupe Faaagaga mo Aoga?	E faapefea ona faamanuiaina au i totonu o le potuaoga?	E faapefea ona faamanuiaina au i fafo o le potuaoga?

Faitau:I lenei vaiaso: o le a tatou sailia tali i fesili nei ma o le a tatou faia faatinoga nei:

Faitau:FESILI O LE VAIASO—E Tatau ona Ou Talosaga mo se Nonogatupe a le Tupe Faaagaga mo Aoga?

FAATINOGA O LE VAIASO—Filifili faatasi ma lo’u aiga pe o le a ou talosaga mo se nonogatupe a le TFA pe leai. Afai e fetaui le nonogatupe a le TFA mo a’u, o le a ou faatumuina le talosaga mo le nonogatupe.

O le a le nonogatupe a le Tupe Faaagaga mo Aoga?

Maimoa:“O le a le Nonogatupe a le TFA? (Leai se vitio? Faitau le itulau 68.)

Peresitene Gordon B. Hinckley

Talanoaina:

O a ni manatu po o ni lagona na e maua i le taimi o le vitio?

Faataitai:Faatasitasi i ni ‘au taitoalua pe taitoatolu. Feauauai i le faitauina o faamatalaga nei na saunoa i ai Peresitene Gordon B. Hinckley e uiga ia i latou o e maua ni nonogatupe a le TFA.

“O le a [latou] aoaoina…tomai lea e manaomia. …O le i ai o ni tomai faafaigaluega, o le a mafai ai e nei tamaitai ma alii talavou ona tulai ese mai le mativa. … O aoaoga o le ki lea i avanoa” (“O Le Tupe Faaagaga mo Aoga,” Liahona, Iulai 2001, 62).

“O le a latou faaipoipo ma fetuleni atu i luma ma tomai latou te agavaa ai mo galuega lelei, ma maua ai o latou tulaga i nuu e mafai ai ona tele so latou sao” (“E Agai Pea i Luma le Ekalesia,” Liahona, Iulai 2002, 6).

“O le a avea i latou ma taitai i lenei galuega tele i o latou lava atunuu. O le a latou totogiina a latou sefuluai a taulaga, lea o le a mafai ai e le Ekalesia ona faalauteleina atu lana galuega i le lalolagi atoa” (“Aapa Ifo i Lalo e Faatu i Le Isi,” Liahona, Ian. 2002, 62).

“O le a [latou] toe totogiina le tupe, ma afai latou te faia, o le a latou olioli i se faalogona matagofie o le saolotoga aua ua latou faaleleia o latou olaga. … E mafai ona latou maua se lagona o le mitamita ma le tutoatasi” (“O Le Tupe Faaagaga mo Aoga,” Liahona, Iulai 2001, 62, 67).

Talanoaina:O fea o folafolaga o i luga e taua ia te oe? E mafai faapefea ona ese le olaga mo oe ma lou aiga pe afai e faataunuuina nei folafolaga?

O ai e mafai ona maua se nonogatupe a le TFA?

Faitau:I le taimi muamua, sa na o faifeautalai ua maea mai misiona e i le vaitausaga o le 18 i le 30 e avanoa i ai ia nonogatupe a le TFA. I le taimi nei ua avanoa mo tagata agavaa uma o le Ekalesia e 18 tausaga ma matutua atu. Tatou sailiili i tulaga e manaomia. (O tuusaunoaga i nei tulaga manaomia e mafai ona faamaonia e taitai perisitua ina ia ausia ai manaoga e le masani ai.)

Faataitai:Liliu lou nofoa e faasaga i se isi tagata o le vaega. Faitau faatasi ia tulaga manaomia o i le itu agavale o le pusa o i lalo. Ona tusi lea o se laina i upu o i le itu taumatau lea e faatumuina ia avanoa. O loo faaali atu se tasi o faataitaiga.

O TAGATA AUAI I LE POLOKALAMA O NONOGATUPE A LE TFA E TATAU ONA:
Avea ma ni tagata toaaga i le Ekalesia o e o auauna atu i se .	inisitituti
Faamaonia mai e o latou taitai perisitua e agavaa, e manaomia se fesoasoani tau tupe, ma e tuuto atu i le faataunuuina o a latou sini.	18 pe matua atu
Tausaga .	valaauga
Suesue i se polokalama ma le aoga e .	Aoaoga mo se Galuega Lelei
Saunia e ala i le auai i se vaega ma faamaea le fuafuaga mo le nonogatupe a le TFA.	malumalu
Nonofo, faigaluega, ma auai i aoga i le lotoifale i eria lea .	e i le lisi o Aoga ma Polokalama e Sili ona Fiafia i Ai
Tautino atu ia faamaoni ma ola tutoatasi e ala .	faiaoga
Faipaaga ma se , o le e fesoasoani i tagata auai ia faamanuiaina i le aoga, galuega, ma le totogiina o le nonogatupe.	Ua faamaoniaina ia nonogatupe a le TFA
Auai , pe afai o se talavou nofofua matutua.	o loo totogiina atoa le nonogatupe

Faamolemole tagai i le itulau 69 mo se fesoasoani ia malamalama ai i tulaga manaomia.

E faapefea ona faagaoioi se nonogatupe a le TFA?

Faaaliga i le tagata e faagaoioia: Tufa atu ia tamaitusi a le TFA i le lotoifale lea e aofia ai taiala patino o le polokalama a le TFA mo la outou eria.

Talanoaina:Faitau mo sina taimi le tamaitusi a le TFA i le lotoifale, lea e aofia ai taiala mo nonogatupe a le TFA mo la outou eria. O le a le mea na e aoaoina?

Faitau:A lelei lo tatou totogiina, o le a maua se faapauga o le totogiina o la tatou nonogatupe. E mafai ona faapa’ū le aofai atoa o le nonogatupe pe a tatou (1) maua ni togi lelei, (2) faauu, (3) ausia a tatou sini faigaluega, ma (4) lelei le totogiina o le nonogatupe. Afai tatou te faia nei mea, tatou te maua ni togi mo le lelei o lo tatou faatinoga, ma o le a faapa’ū le aofai tatou te totogiina.

Mo nisi faamatalaga i nonogatupe a le TFA, tagai itulau 70. Toe faitau ma le faaeteete lenei faamatalaga i le fale. E mafai foi ona e faafesootai atu se nofoaga autu mo le ola tutoatasi mo ni fesili.

Talanoaina:E i ai nisi au fesili e mafai e le vaega ona fesoasoani i le taliina?

E faapefea ona ou talosaga?

Faitau:O laasaga nei e talosaga ai mo se nonogatupe a le TFA. Ia faatasi ma se paga ma aoao e uiga i le faamatalaga o le a e manaomia mo laasaga taitasi. Susue i le itulau o loo lisiina mo laasaga taitasi ma feauauai e faitau (ae aua nei faatumuina faamatalaga i isi itulau). Ona toe foi mai lea i le itulau lenei ma tuu se faailoga togi i le pusa mo lena laasaga.

1. Filifili se galuega, polokalama, ma le aoga mai i Lisi e Sili ona Fiafia i Ai a le SRS (tagai itulau 11, 14, 33, 34).

2. Faatumu se fuafuaga tautupe o le aoga (tagai itulau 50).

3. Filifili se faiaoga mo nonogatupe a le TFA (see itulau 71–72).

4. Faatumu le pepa galuega o le fuafuaga mo nonogatupe a le TFA (tagai itulau 73–74).

5. Maua le faamaoniga mai taitai perisitua (tagai itulau 75–76).

6. Faatumu i luga o le initoneti le talosaga mo le nonogatupe a le TFA i le srs.lds.org/pef (tagai itulau 77).

Talanoaina:Ua e mauaina uma faamatalaga e te manaomia e faamaea ai ia laasaga? Afai e leai, e faapefea ona e mauaina?

O le a le mea e tupu pe a uma ona faatumu la’u talosaga?

Faitau:A uma ona tatou faatumuina le talosaga, o le mea lenei e tupu.

¹E te auina atu le talosaga

²E iloilo e le aufaigaluega ma taitai o le TFA le talosaga

³Afai e faamaonia le talosaga, e te taliaina le pepa o le maliega o le nonogatupe i le uepisaite a le TFA

⁴O le a faatalanoaina oe e le tagata tomai faapitoa a le TFA i le telefoni ma faatalanoa lou faiaoga i le telefoni

⁵E te lesitala mo le aoga ma talosaga le totogiina o le aoga

Talanoaina:O i ai nisi fesili? Afai e te leiloaina ni tali, asiasi ane i le nofoaga autu mo le ola tutoatasi e sili ona latalata ane.

A maea le fonotaga, afai e mafai ona faaaoga e lou faiaoga le Initoneti, e mafai ona ia tatalaina le uepisaite mo talosaga o nonogatupe a le TFA ma faataitai atu le auala e faaaoga ai.

E faapefea ona ou totogiina?

Faitau:O le nonogatupe a le TFA e le o se meaalofa ma ua faamoemoeina i tatou e toe totogiina mai. Tatou te tautino atu e toe totogiina. Tatou te faia lenei tautinoga i le taimi o le faatalanoaga o le faamaoniga o le nonogatupe a le TFA ma o tatou taitai perisitua ma pe a uma ona tatou faatumuina le talosaga i le initoneti.

O a tatou tupe o loo totogiina atu mo nonogatupe a le TFA o le a sauniaina ai ni tupe mo isi ina ia mauaina foi se nonogatupe a le TFa i le lumanai, e aofia ai tagata o o tatou siteki po o itu. Afai tatou te le totogiina, o le a faaitiitia le tupe mo nonogatupe a le TFA i le lumanai.

Faitau le upusii i le taumatau.

“O i latou e faaaogaina, o le a latou toe totogiina le tupe, ma afai latou te faia,o le a latou olioli i se faalogona matagofie o le saolotoga aua ua latou faaleleia o latou olaga, e le mai se tupe maua fua mai po o se meaalofa, ae mai se faaunegatupe na toe totogiina. E mafai ona latou maua se lagona o le mitamita ma le tutoatasi. O le a matua maualuga foi lo latou faamaoni ma le toaaga i le ekalesia i aso uma o lo latou ola.”

Gordon B. Hinckley, “O Le Tupe Faaagaga mo Aoga,” Liahona, Iulai 2001, 62, 67

Talanoaina:Aisea e taua ai le toe totogiina o le nonogatupe a le TFA? Mafaufau i mafuaaga nei:

• Faamamalu ia tautinoga ma faatele le tomai e tausia ai feagaiga.

• Tuu atu i isi le avanoa lava e tasi e maua ai se nonogatupe.

• Ia maua ia faamanuiaga folafolaina mo oe lava ia ma lou aiga.

• Ia faateleina lou faatuatua ia Iesu Keriso ma ia ola tutoatasi.

Faitau:Ina ia mautinoa ua tatou iloa le auala e totogiina ai le nonogatupe, e tatau ona faia la tatou totogi muamua o le nonogatupe ao lei maua e la tatou aoga le tupe.

Faaaliga i le tagata e faagaoioia: Tufa atu faatonuga mo le totogiina mo lo outou atunuu.

Toe iloilo faatasi mo sina taimi ia faatonuga o le totogiina mo lo outou atunuu.

O le a se mea e manaomia ina ia faamanuiaina ai i se nonogatupe a le TFA?

Maimoa:“I Have Two Hands to Work” (E leai se vitio? Faitau le itulau 78.)

Talanoaina:Filifili se upu se tasi e faamatala ai ou lagona e uiga i lenei vitio. Faasoa atu lau upu

Mai mea ua e iloa i le taimi nei, mata o le a e filifili e talosaga mo se nonogatupe a le TFA? O le a se mea e mafai ona e faia i le aluga o le vaiaso e faia ai se faaiuga lelei e uiga i lenei filifiliga.

Faitau:A o tatou agai atu i luma, e le o tuua na o i tatou. Ia tatou manatua: “Ou te mafaia mea uma lava i le faamalosi mai o Keriso ia te a’u” (Filipi 4:13).