Lipoti

āu faataamilo-lanumumu

Pe na ou tausia a’u tautinoga?

Taimi:Seti le taimi i le 10 minute mo na o le itulau lenei (e le o le vaega atoa o le Lipoti).

Faataitai:Sei o tatou lipotia atu a tatou tautinoga. O i latou o e na tausia uma a latou tautinoga, faamolemole ia tutu i luga. (Patipati)

Faitau:Ia, ia tutu uma i luga tagata uma. E tatau ona tatou taumafai e tausia uma a tatou tautinoga. O se tasi na o mausa autu a tagata ola tutoatasi. Sei o tatou toe faia faatasi la tatou faamatalaga autu.

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Faatasi ai ma le faatuatua i le Alii, o loo tatou galulue faatasi ina ia ola tutoatasi.

FaitauIa tatou nonofo i lalo.

Talanoaina:O le a se mea sa e aoaoina a o e tausia au tautinoga i lenei vaiaso? E te manaomia se fesoasoani mai le vaega?

O le a se mea sa ou aoaoina e ala i le sauniaina o la’u fuafuaga faaleaoaoga?

Taimi:Seti le taimi i le 40 minute mo na o le itulau lenei.

itulau o le fuafuaga faaleaoaoga

Faataitai:

Ua tatau nei i tagata taitasi o le vaega ona faaaoga le itiiti ifo ma le tolu minute e tuuina atu lana fuafuaga faaleaoaoga i le vaega.

A uma lau faatinoga, talosaga atu mo ni manatu faaalia. Tusi i lalo ni manatu faaalia sa e mauaina. Faaaoga le avanoa o i lalo e tusi ai ni faamatalaga.

Faapuupuu ia manatu faaalia ina ia maua e tagata uma se avanoa e lipoti mai ai i totonu o le taimi faatapulaaina.

Talanoaina:O a ni manatu sa e mauaina mai lipoti e fesoasoani ia te oe i au filifiliga? Tusi ou manatu.