Aoao

E faapefea ona ou totogiina la’u aoga?

Taimi:Seti le taimi i le 30 minute mo le vaega Aoaoina.

Faitau:Ua i ai nei se tatou malamalamaaga lelei e uiga i mea e mafai e aoaoga po o aoaoga faalematata ona fesoasoani e faaagavaaina i tatou mo a tatou galuega i le lumanai. Ua mafai nei ona tatou fuafuaina pe fia le tau o la tatou aoaoga ma pe faapefea ona totogiina. Atonu o le a tele ni filifiliga ma punaoa, e aofia ai ni teugatupe a le tagata lava ia, fesoasoani a aiga, sikolasipi, ma nonogatupe.

Vaiaso 1	Vaiaso 2	Vaiaso 3	Vaiaso 4	Vaiaso 5	Vaiaso 6
O a ituaiga galuega o le a fesoasoani ia te au ina ia ola tutoatasi?	O a aoaoga o le a faaagavaaina a’u mo la’u galuega?	E faapefea ona ou totogiina la’u aoga?	E tatau ona ou talosaga atu mo se nonogatupe a le Tupe Faaagaga mo Aoga?	E faapefea ona faamanuiaina a’u i totonu o le potuaoga?	E faapefea ona faamanuiaina a’u i fafo atu o le potuaoga?

Maimoa:“Totogina mo La’u Aoga” (Leai se vitio? Faitau le itulau 54.)

Faitau:I lenei vaiaso, o le a tatou saili ni tali i le fesili lenei ma o le a tatou faia le faatinoga lenei:

Faitau:FESILI O LE VAIASO—E faapefea ona ou totogiina la’u aoga?

FAATINOGA O LE VAIASO—Sue pe fia le tupe ou te manaomia e totogi ai polokalama o aoaoga lea ou te mafaufau i ai, aoao e uiga i auala e totogiina ai, ma fatu se fuafuaga tau tupe.

Faitau:O le a tatou matua mafaufau i tupe ina ia totogi ai a tatou aoaoga. Atonu e le toafimalie i le taimi muamua, ae o le a fesoasoani ia i tatou e fuafua ai ma le atamai a tatou tupe ma maua ai se aoaoga tatou te manaomia.

Talanoaina: Faitau le mau i le itu taumatau. I le avea ai ma se vaega, talanoa i mataupu faavae o i le mau. O le a sou lagona e uiga i tupe pe a e malamalama i nei mataupu faavae?

“Ae tou te lei saili mo le oa, ia outou saili mo le malo o le Atua. Ma pe a uma ona outou maua o se faamoemoe ia Keriso o le a outou maua ʼoa, pe afai tou te sailia; ma ia outou sailia e fai ai mea lelei—e faaoofu ai e ua le lavalavā, ma fafaga ai e ua fia aai, ma faasaoloto e ua faatagataotauaina, ma avatu ai le fesoasoani i e ua mamaʼi ma puapuagatia.”

Iakopo 2:18–19

E faapefea ona ou vavalo i tau?

Faataitai:Faitau leotele le faataitaiga lenei ma talanoa i fuafuaga ao tou agaigai atu i luma.

O loo fuafua Manuele e avea ma se tagata tomai faapitoa i pusaaisa. E manaomia tele le galuega lenei i lana eria. O loo i ai i le Lisi o Galuega e Fiafia i Ai. Ua la filifilia ma lona toalua, o Elisapeta, se polokalama ma se aoga mai le Lisi o Aoga ma Polokalama e Fiafia i Ai, ae la te le mautinoa pe faapefea ona totogiina. Sa la galulue faatasi i le faatulagaina o a laua tupe. La te siakiina lava a laua tupe faaalu ma tupe maua, ma e la te faafouina a laua tupe maua ma tupe faaalu faalemasaina mai le tamaitusi O Lo’u Auala. O le mea lenei sa la mauaina:

TUPE MAUA FAALEMASINA
Tupe maua mai galuega	1450
Saofaga a aiga	100
Isi tupe maua (faalemasina)	100
“A” Aofaiga o Tupe Maua Faalemasina	1650

TUPE FAAALU FAALEMASINA
Sefuluai, taulaga	170
Mautotogi	550
Meaai	450
Femalagaaiga	200
Vai, eletise, telefoni	230
“E” Aofaiga o Tupe Faaalu Faalemasina	1600

Latou te fuafuaina pe fia le tupe latou te totogiina i masina taitasi mo aoaoga: “A” Aofaiga o Tupe Maua Faalemasina – “E” Aofaiga o Tupe Faaalu Faalemasina = “I” po o le 50.

Ona latou fuafuaina lea pe fia se tupe e mafai ona latou totogiina i se tausaga: “I” (50) x 12 (masina) = “O” (600). O le “O” po o le 600 o le aofai lea e mafai ona latou totogiina i le tausaga mo aoaoga.

O le isi mea e mafai ona latou fuafuaina pe fia le tau o a latou aoaoga, “U.”

Ma le mea mulimuli, e mafai ona latou fuafuaina le mea e le mafai ona latou totogiina, “F.”

E manaomia ona latou totogiina le aofaiga lenei e ala i le faigaluega i se isi galuega, i le mauaina o se nonogatupe, po o i nisi auala.

TAU O AOAOGA (mo le tasi tausaga)	INSTITUTO TECHNICO
Pili aoga	9800
Faaopoopo i ai Suega ma Pili	+ 500
Faaopoopo Tusi ma sapalai	+ 1200
Toese Sikolasipi	-1150
“U” O Tau o A’u Aoga	=10350
“O” E fia le tupe e mafai ona tatou totogia	-600
“F” O le aofai e le mafai ona tatou totogiina	=9750

Talanoaina:E manaomia e Manuele ma Elisapeta se isi 9750 e totogi ai le tausaga muamua o le aoaoga. Na e vaai i le auala na la faia ai le fuafuaga? Soalaupule faatasi nisi o fesili o i ai.

O le a lo’u totogi? O a au tupe faaalu?

Faitau:Ia, sei o tatou fatuina sa tatou lava fuafuaga o tupe mo aoaoga.

Faataitai:I lou lava taimi, faaalu ni nai minute e faatumu ai le fomu lenei. Ia faamaoni ia te oe lava ia. Atonu e te faaaogaina se penitala. Ona, galue lea ma lou aiga i le faagasologa o le vaiaso e faasa’o atili. Mo le taimi nei, fai le mea sili e te mafaia e fuafua ai ia fuainumera.

Faaaoga fuainumera na e siakia i tua o le faavaa o le tusi O Lo’u Auala.

TOTOGI FAALEMASINA (e aofia ai le totogi o le toalua, pe afai ua faaipoipo)
Totogi mai le galuega
Saofaga a aiga mo tau o aoaoga
Isi Tupe Maua
Isi Tupe Maua
“A” Aofaiga o Tupe Maua Faalemasina

TUPE FAAALU FAALEMASINA
Sefuluai, taulaga
Teugatupe
Meaai
Fale
Vaiinu
Tupe faaalu faafomai
Femalagaaiga
Tupe faaalu mo
Totogi o aitalafu
Lavalava
Eletise
Telefoni
Isi
“E” Aofaiga o Tupe Faaalu Faalemasina

A uma ona e faatumuina au tupe maua ma tupe faaalu, fuafua pe fia le mea e mafai ona e totogiina mo lau aoga i masina taitasi:

“A” Aofaiga o Tupe Maua Faalemasina – “E” Aofaiga o Tupe Faaalu = “I” .

Afai o le “I” o le 0 pe itiiti ifo, e leai ni au tupe faasili e totogi ai ia tupe o lau aoga.

Afai o le “I” e sili atu nai lo le 0, ona fuafua lea pe fia le aofai e te totogia i se tausaga:

I x 12 (masina) = “O” .

O le“O” o le aofai lea e mafai ona e totogia i tausaga taitasi mo tau o lau aoga.

O a tau o la’u aoga?

Faitau:Sosoo ai, o le a tatou vaavaai i tau o a tatou aoaoga.

Faataitai:Taumafai e faatumu ia avanoa nei ma fai ia fuafuaga. Faaaoga se penitala. Afai na e filifilia se tasi o polokalama patino, faatumu se tasi o koluma. Afai o e mafaufau i ni polokalama se lua pe tolu, faatumu ia koluma na e faatusatusa i ai. Galulue faatasi ma isi po o le tagata e faagaoioia pe a e manaomia se fesoasoani.

O le faataitaiga e mo le tasi tausaga. Afai e puupuu lau polokalama, fetuunai ia mea o e fuafuaina. O le a fesoasoani ia te oe le Lisi o Aoga ma Polokalama e Fiafia I Ai a le SRS ma lau fuafuaga faaleaoaoga.

O LA’U FUAFUAGA O MEA TAU TUPE FAALEAOAOGA (mo le tasi tausaga)	Faataitaiga tekinolosi o faaata faafomai	Polokalama 1	Polokalama 2	Polokalama 3
Pili aoga (tasi tausaga)	12000
Faaopoopo ia tupe o suega ma isi pili (tupe ulufale, laisene, tusi faamaonia, suega faaiu, ma isi pili—tasi tausaga)	+ 2000	+	+	+
Faaopoopo ia tusi ma sapalai (tasi tausaga)	+ 1000	+	+	+
Toese ia sikolasipi po o foai (pe afai o i ai—tasi tausaga)	- 1000	-	-	-
“U” Tau o La’u Aoga (tasi tausaga)	= 14000	=	=	=
“O” E fia le mea e mafai ona tatou totogia (tasi tausaga)	- 1000	-	-	-
“F” Tuua e totogi (tasi tausaga)	= 13000	=	=	=

E fia le tupe o la’u aoga e mafai ona ou totogia?

Faataitai:Tagai i le laina o i lalo i le siata o loo i luga.

Afai o le “F” e 0 pe itiiti ifo, e mafai ona e totogiina le tau atoa o lau aoga—faamalo atu!

Afai o le “F” e sili atu nai lo le 0, e tatau la ona e sailia se auala e totogi ai le aofai tele lenei. E mafai ona e faatumuina ia avanoa i nisi sikolasipi, se isi galuega, po o se nonogatupe.

O a ni filifiliga o i ai mo a’u pe afai e le mafai ona ou totogiina na o a’u?

Faitau:E sili a le lelei pe afai e mafai ona tatou totogiina e i tatou lava a tatou aoaoga, e tusa lava pe tele atu ai ni ositaulaga. Afai o faaalia mai e a tatou fuafuaga le le mafai ona tatou totogiina e i tatou lava ia tau atoa o aoaoga, ona tatou liliu atu lea i isi punavai.

Talanoaina:I le avea ai ma se vaega, ia auauai i le faitauina o vaega taitasi o le siata lenei. Ia talanoaina puupuu ia vaega po o filifiliga taitasi. O le a se mea atonu e sili ona lelei mo oe?

FILIFILIGA TAU TUPE	MALOSIAGA	VAIVAIGA
Amata se isi galuega ao alu i le aoga	Leai se aitalafu po o se pasene. Aoao po o le faaleleia o tomai. Faia ni fesootaiga taua.	Atonu e faigata le galulue i ni galuega se lua ma faamanuiaina ia vasega. Atonu e faigata i le aiga. E ono umi se taimi e faamaea ai le polokalama.
Nono mai le aiga	Tagata e iloa ma talitonuina. Latou te mananao ia e manuia.	E ono faatiga i fegalegaleaiga faaleaiga. E ono faigata pe a tulai mai ni faalavelave faafuasei faaleaiga.
Saili ni sikolasipi po o ni foai	Leai se aitalafu po o se pasene. Tuuina atu le saolotoga e suesue ai e aunoa ma se isi galuega.	E ono faigata le mauaina. Ae sa matua tauia ia taumafaiga!
Saili se galuega faaaperenitisi e totogi.	Aoao tomai e faatatau i aoaoga. Maua se poto masani. E ono taitai atu i se galuega.	E ono faigata le faigaluega i se galuega, suesue, ma faia se faaaperenitisi.
Fai se nonogatupe mai se faletupe po o se ofisa o le malo	Amata se teugatupe i se faletupe. O nisi o nonogatupe a le malo e maualalo ia pasene.	E ono maualuga ia pasene. O se nonogatupe ma e tatau ona toe totogiina.
Talosaga mo se nonogatupe a le Tupe Faaagaga mo Aoga (TFA)	O loo avanoa i tagata agavaa o le Ekalesia. E maualalo le pasene. O loo maua ia mea e faaosofia ai le galue e fesoasoani ia te oe i le toe totogiina o le nonogatupe.	O se nonogatupe ma e tatau ona toe totogiina (ina ia mafai ai foi e isi ona maua se nonogatupe).

Talanoaina:Pe na e mauaina le aoga sili ona faatauaina, i le mafaufau i le tau ma le lelei?

Afai o e fuafuaina se nonogatupe, mata e mafai ona e totogiina? I le avea ai ma se taiala, o lau tupe totogi mo le nonogatupe faalemasina pe a maea lau polokalama faaleaoaoga e le tatau ona sili atu nai lo le 10% o le aofaiga o tupe maua faalemasina na e fuafuaina.

Afai e te manaomia nisi faamatalaga e uiga i le totogiina o tupe o lau aoga, o ai e mafai ona maua ai ni tali? E mafai ona e talanoaina lenei mea ma lou aiga? O fea se isi mea e mafai ona e alu i ai mo nisi faamatalaga?

E faapefea ona ou tuuina atu la’u Fuafuaga Tautupe Faaleaoaoga?

Faataitai:O le a tuuina atu i le vaiaso a sau lau fuafuaga tautupe i le tolu minute pe itiiti ifo. E mafai ona e faaaogaina ia faamatalaga o i lalo. E le manaomia ona e faasoa atu soo faamatalaga e le faalauaiteleina. A uma le tuuina atu o lau [fuafuaga] i le vaiaso a sau, o le a sailiili e le vaega se filifiliga tautupe e tasi—o se nonogatupe mai le Tupe Faaagaga mo Aoga.

I le aluga o le vaiaso, o e saili ia tali nei e faatumu ai ia avanoa. Faataitai le tuuina atu o lau fuafuaga i lou aiga po o isi.

O LA’U FUAFUAGA TAU TUPE FAALEAOAOGA

Ou te faatusalia ia aoga e (fuainumera) mo le tau ma le taua. O aoga e tolu e sili ona lelei mo a’u o: , , . I lenei tulaga, ou te talitonu o le aoga o le a sili ona lelei mo a’u ona . Sa matou tilotilo i a’u tupe maua ma tupe faaalu faatasi ma lo’u aiga. Na ou aoaoina mea nei: . Sa ou faia ia fuafuaga e iloa ai pe mafai ona ou totogiina e au lava ia la’u pili aoga (Afai e mafai ona e totogiina e oe lava ia, sikipi i le numera 9; afai e te le mafaia, alu i le numera 6.) E manaomia ona ou saili se (aofaiga) faaopoopo mo lo’u tausaga muamua o le aoga e ala atu i se isi galuega, sikolasipi, fesoasoani o aiga, po o se nonogatupe. A uma le tausaga muamua lenei, ou te manaomia pe tusa ma le (aofaiga) faaopoopo mo isi tausaga o le aoga. Ua amata ona ou sailiilia nisi vaega e totogi ai la’u aoga. I le taimi nei, o loo o’u faalagolago atu agai . (Afai e te filifili e faasoa atu) Sa ou tatalo e uiga i la’u aoga ma la’u fuafuaga tau tupe ma . Ou te manao i sau fautuaga ma fesoasoani. Pe o i ai ni au fautuaga mo au? Tusi soo se manatu iinei.