Mo Tagata e Faagaoioia

O le aso o le fonotaga:

Tesi pe valaau i tagata o le vaega pe afai o ia oe a latou faamatalaga e faafesootai ai Fesili pe latou te o mai i le fono. Valaaulia i latou ia vave taunuu mai i le 10 minute e saini i le tauvalaauga.
Ia saunia anomea o le fonotaga:
- Aumai se kopi o le api galuega lenei ma le tamaitusi O Lo’u Faavae: O Mataupu Faavae, o Tomai, o Mausa mo tagata taitasi o le vaega.
- Ia saunia se auala e faaali ai vitio, pe a mafai.
- E leai ni tusi po o ni vitio? E mafai ona mauaina i luga o le initoneti i le srs.lds.org.
- Aumai ni kopi o Lisi o Mea e Fiafia i Ai o Auaunaga o le Ola Tutoatasi: (1) le Lisi o Galuega e Fiafia I Ai ma le (2) Lisi o Aoga ma Polokalama e Fiafia i Ai. E mafai ona e maua nei mea mai la outou nofoaga autu a le siteki mo le ola tutoatasi, mai se tagata faapitoa o le ola tutoatasi, pe i luga o le initoneti i le srs.lds.org/pef.

Ata

ata o le siata

Seti nofoa faataamilo i se laulau ina ia mafai e tagata uma ona vavalalata.
- E le tu le tagata e faagaoioia i le taimi o le fonotaga ma e le nofo foi i le ulu o le laulau. E le tatau ona avea le tagata e faagaoioia ma taulaiga o vaaiga ae e tatau ona fesoasoani i tagata o vaega e taulai atu i le tasi ma le isi.

Faafeiloai atu ma le alofa tagata o vaega ao latou taunuu mai. Aoao o latou igoa.
Pasi faataamilo se fasi pepa ma fai atu i tagata o vaega e tusi o latou igoa atoa, uarota po o paranesi, ma le aso na fanau ai (aso ma le masina, a e le o le tausaga).
Tofi se tagata e vaaia le taimi ina ia taofia mai le vaega i le taimi faatulagaina. Fai atu ia te ia e seti se taimi e pei ona faatonuina i le tusi.
- Mo se faataitaiga, o le a e vaai i ni faatonuga o fai mai “Taimi: Seti le taimi i le 60 minute mo le vaega Aoao.” O le a setiina e le tagata e vaaia le taimi i le telefoni, uati, po o nisi mea o i ai ni taimi ma tau atu i le vaega pe a uma le taimi. Ona mafai lea ona filifili le vaega pe amata le isi vaega pe faaauau pea a latou talanoaga mo ni nai minute.

A maea le fonotaga faalevaega, alu i le srs.lds.org/report ma mulimuli i faatonuga e lesitala ai tagata uma o le vaega.
A maea le fonotaga muamua, fai se lisi e faafesootai ai e faasoa atu i le vaega i le isi fonotaga.

Fai atu: “Susu maia i lenei vaega o le ola tutoatasi.”
Talosaga atu i tagata e tape a latou telefoni ma isi masini.
Fai atu mea nei:
- “O le vaega lenei o le ola tutoatasi ua ta’ua o ‘Aoaoga mo se Galuega Lelei.’ Ua tou i ai uma iinei ina ia maua nisi aoaoga?
- “Afai e te le manaomia se nonogatupe o le Tupe Faaagaga mo Aoga, lelei! Afai e te manaomia se nonogatupe a le TFA, o le a e saunia e amata le talosaga pe a maea la tatou fonotaga lona fa.
- “O le a tatou fono faa 12. Pe a ma le lua itula ia fonotaga taitasi. O le a tatou faaaluina foi le tasi i le lua itula o aso taitasi e tausia ai a tatou tautinoga lea o le a fesoasoani ia i tatou ia maua se aoaoga po o se aoaoga faalematata. Mata o le a e faia lenei tautinoga o le taimi?”
Fai se tatalo amata (ma se pese, pe a manaomia).
Fai atu upu nei:
- “O taimi uma lava tatou te fono ai, tatou te amata i se autu mai le tamaitusi ua ta’ua O Lo’u Faavae: O Mataupu Faavae, o Tomai, o Mausa. O lenei tamaitusi e fesoasoani ia i tatou ia aoao ma ola ai i mataupu faavae, tomai, ma mausa lea e taitai atu ai i le ola tutoatasi faaleagaga ma faaletino.
Seti le taimi i le 20 minute mo O Lo’u Faavae.
Faitau le tusi o le folasaga a le Au Peresitene Sili i le itulau 2 o le O Lo’u Faavae. Ona faamaea lea o le mataupu faavae 1 i lena tamaitusi ma toe foi i le api galuega lenei.

Ata

Faavaa O Lo’u Faavae